1 ಕಪ್ ಗೋಧಿ ಹಿಟ್ಟಿನಿಂದ ಮಾಡಿ ಅದ್ಭುತ ತಿಂಡಿ: ಮಾಡುವ ವಿಧಾನ ಇಲ್ಲಿದೆ

ಗೋಧಿ ಹಿಟ್ಟಿನಿಂದ ನೀವು ಅತ್ಯಂತ ರುಚಿಕರ ಖಾದ್ಯಗಳ ಮಾಡಿ ಸವಿಯಬಹುದು ಎಂಬುದನ್ನು ತಿಳಿದಿದ್ದೀರಿ. ಗೋಧಿ ಹಿಟ್ಟಿನಿಂದ ಮಾಡುವಂತಹ ಚಪಾತಿ ಎಲ್ಲರಿಗೂ ಇಷ್ಟವಾಗುತ್ತೆ. ಚಪಾತಿ ಆರೋಗ್ಯದ ದೃಷ್ಟಿಯಿಂದಲೂ ಬಹಳ ಉತ್ತಮ. ಚಪಾತಿಯ ಜೊತೆಗೆ ಅದೇ ಹಿಟ್ಟಿನಿಂದ ಪೂರಿ ಕೂಡ ಮಾಡುವುದು ನೋಡಬಹುದು. ಇದೆಲ್ಲ ಹೊರತುಪಡಿಸಿದಂತೆ ಸಣ್ಣ ಪುಟ್ಟ ರುಚಿ ರುಚಿಯ ಸಿಹಿ ತಿಂಡಿಗಳು ಕೂಡ ಗೋಧಿ ಹಿಟ್ಟಿನಿಂದ ಮಾಡಬಹುದು.

ಹಾಗೆ ಈ ಗೋಧಿ ಹಿಟ್ಟಿನಿಂದ ಮಾಡುವಂತಹ ಸ್ಪೆಷಲ್ ಸಿಹಿ ತಿಂಡಿಯೊಂದರ ಕುರಿತಾಗಿ ನಾವಿಂದು ತಿಳಿದುಕೊಳ್ಳೋಣ. ಅದರಲ್ಲೂ ಈ ರೀತಿಯಾಗಿ ನೀವು ಸಿಹಿ ತಿಂಡಿ ಮಾಡಿದ್ರೆ ಎಲ್ಲರಿಗೂ ಇಷ್ಟವಾಗೋದು ಖಚಿತ. ಹಾಗಾದ್ರೆ ಈ ಹೊಸ ರೀತಿಯಲ್ಲಿ 1 ಕಪ್ ಗೋಧಿ ಹಿಟ್ಟು ಬಳಸಿ ಮಾಡುವಂತಹ ಸಿಹಿ ತಿಂಡಿಯ ಕುರಿತಾಗಿ ನಾವಿಂದು ತಿಳಿದುಕೊಳ್ಳೋಣ.

ಗೋಧಿ ಹಿಟ್ಟಿನ ಈ ತಿಂಡಿ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?, ಮಾಡುವ ವಿಧಾನವೇನು?, ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಗೋಧಿ ಹಿಟ್ಟಿನಿಂದ ಮಾಡುವ ಸಿಹಿತಿಂಡಿಗೆ ಯಾವೆಲ್ಲಾ ವಸ್ತುಗಳ ಬಳಸಬೇಕು?

ಗೋಧಿ ಹಿಟ್ಟು
ಸಕ್ಕರೆ ಪುಡಿ
ಚಿರೋಟಿ ರವೆ
ಎಣ್ಣೆ
ತುಪ್ಪ

ಗೋಧಿ ಹಿಟ್ಟಿನಿಂದ ಸಿಹಿ ತಿಂಡಿ ಮಾಡುವುದು ಹೇಗೆ?

ಒಂದು ಬೌಲ್‌ಗೆ ಗೋಧಿ ಹಿಟ್ಟು ಹಾಕಿ ಈಗ ನೀವು ಎಷ್ಟು ಗೋಧಿ ಹಿಟ್ಟು ತೆಗೆದುಕೊಂಡಿದ್ದೀರೋ ಅದರ ಅರ್ಧ ಅಳತೆಯಷ್ಟು ಸಕ್ಕರೆಯನ್ನು ತೆಗೆದುಕೊಂಡು ಮಿಕ್ಸಿ ಜಾರ್‌ಗೆ ಹಾಕಿ ಪುಡಿ ಮಾಡಿಕೊಳ್ಳಿ. ಪುಡಿ ಮಾಡುವಾಗ ಇದಕ್ಕೆ ಸ್ವಲ್ಪ ಚಿರೋಟಿ ರವೆ ಕೂಡ ಸೇರಿಸಿಕೊಳ್ಳಿ. ಈ ಪುಡಿಯನ್ನು ಗೋಧಿ ಹಿಟ್ಟಿನ ಜೊತೆ ಸೇರಿಸಿಕೊಳ್ಳಿ. ಹಾಗೆ ಇದಕ್ಕೆ ಉಪು ಹಾಕಿ ಡ್ರೈ ಮಿಕ್ಸ್ ಮಾಡಿಕೊಳ್ಳಿ.

ಈಗ ಒಂದು ಸಣ್ಣ ಕಪ್‌ಗೆ ಕಾಲು ಕಪ್ ತುಪ್ಪ ಹಾಕಿ ಅದನ್ನು ಬಿಸಿ ಮಾಡಿಕೊಂಡು ಈ ಹಿಟ್ಟಿಗೆ ಹಾಕಿಕೊಳ್ಳಿ. ನಂತರ ಚಮಚದ ಸಹಾಯದಿಂದ ಮಿಕ್ಸ್ ಮಾಡಿಕೊಳ್ಳಿ. ತಣ್ಣಗಾದ ಬಳಿಕ ಕೈಯಿಂದ ಈ ಹಿಟ್ಟನ್ನು ಕಲಸಿಕೊಳ್ಳಿ. ಈಗ ಹಿಟ್ಟಿಗೆ ಸ್ವಲ್ಪ ಸ್ವಲ್ಪವೇ ನೀರು ಹಾಕಿಕೊಂಡು ಮಿಕ್ಸ್ ಮಾಡಿಕೊಳ್ಳಿ. ಚಪಾತಿ ಹಿಟ್ಟಿನಂತೆ ಹದ ಬರುವಂತೆ ಹಿಟ್ಟು ಮಾಡಿಕೊಳ್ಳಿ. ಸ್ವಲ್ಪ ಗಟ್ಟಿಯಾಗಿಯೇ ಇರಲಿ. ಈ ಹಿಟ್ಟನ್ನು ಮುಚ್ಚಳ ಮುಚ್ಚಿ 10 ನಿಮಿಷ ಇಡಿ.

ನಂತರ ಹಿಟ್ಟನ್ನು ಚಪಾತಿಗೆ ಹದ ಮಾಡುವಂತೆ ಒತ್ತಿ ಹದ ಮಾಡಬೇಕು. ಹಿಟ್ಟನ್ನು ದೊಡ್ಡ ಉಂಡೆ ಮಾಡಿಕೊಂಡು ಮಧ್ಯಕ್ಕೆ ಕತ್ತರಿಸಿ ಮೊದಲು ಅರ್ಧ ಭಾಗವನ್ನು ಮಾತ್ರವೇ ತಿಂಡಿಗೆ ಬಳಸಿ. ಈಗ ಹಿಟ್ಟನ್ನು ಮತ್ತೆ ಉಂಡೆ ಮಾಡಿ ಚಪಾತಿ ಮಣೆಯಲ್ಲಿ ಲಟ್ಟಿಸಬೇಕು ರೊಟ್ಟಿ ಆಕಾರದಲ್ಲಿ ಲಟ್ಟಿಸಿಕೊಳ್ಳಿ. ನಂತರ ತುದಿಯನ್ನು ಕತ್ತರಿಸಿ ಔಕಾಕಾರವಾಗಿ ಹಿಟ್ಟು ಮಾಡಿಕೊಳ್ಳಿ. ನಂತರ ಹಿಟ್ಟನ್ನು ನೇರವಾಗಿ ಬೆರಳಿನ ದಪ್ಪದಷ್ಟು ಗಾತ್ರಕ್ಕೆ ಕತ್ತರಿಸಿಕೊಳ್ಳಿ. ಹಾಗೆ ಚಾಕೊಲೆಟ್ ರೀತಿಯಲ್ಲಿ ಚೌಕಾಕಾರವಾಗಿ ಕತ್ತರಿಸಿಕೊಳ್ಳಿ.

ಈಗ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಕಾಯಲು ಬಿಡಿ. ಎಣ್ಣೆ ಕಾದಾಗ ಈ ಕತ್ತರಿಸಿಕೊಂಡ ಹಿಟ್ಟನ್ನು ಎಣ್ಣೆಯಲ್ಲಿ ಹಾಕಿಕೊಳ್ಳಿ. 8 ನಿಮಿಷಗಳ ಕಾಲ ಡೀಪ್ ಫ್ರೈ ಮಾಡಬೇಕು. ಮಧ್ಯಮ ಉರಿಯಲ್ಲಿ ಫ್ರೈ ಮಾಡಿ. ಎಣ್ಣೆಯಿಂದ ಹೊರತೆಗೆದ ಬಳಿಕ ಅದರಿಂದ ಎಣ್ಣೆ ಉಳಿಯಲು ಜರಡಿಯಲ್ಲಿ ಹಾಕಿಡಿ. ಇದೇ ವಿಧಾನವಾಗಿ ಎಲ್ಲಾ ಹಿಟ್ಟನ್ನು ಸಹ ಮಾಡಿಕೊಳ್ಳಿ. ಇಷ್ಟಾದರೆ ಗೋಧಿ ಹಿಟ್ಟಿನಿಂದ ಸಿಹಿ ತಿಂಡಿಯೊಂದು ರೆಡಿಯಾಗುತ್ತದೆ. ಮಕ್ಕಳಿಗಂತು ಇದು ಅದ್ಭುತ ರುಚಿ ನೀಡಲಿದೆ.