ಇನ್‌ಸ್ಟಾಂಟ್‌ ದೋಸೆ ರೆಸಿಪಿ: ಈ ರವೆ ದೋಸೆಗೆ ಹಿಟ್ಟು ಮೊದಲೇ ರೆಡಿ ಮಾಡಬೇಕಾಗಿಲ್ಲ

ಸಾಮಾನ್ಯವಾಗಿ ಬೆಳಗ್ಗೆ ಎದ್ದಾಗ ಇವತ್ತು ಬೆಳಗ್ಗೆ ಏನು ತಿಂಡಿ ಮಾಡುವುದು ಎಂಬುವುದೇ ದೊಡ್ಡ ಚಿಂತೆಯಾಗುವುದು, ದೋಸೆ , ಇಡ್ಲಿ ಮಾಡೋಣ ಅಂತ ಮಾಡೋಣ ಅಂದರೆ ಹಿಟ್ಟು ರೆಡಿ ಮಾಡಿಲ್ಲ, ಚಿತ್ರಾನ್ನ, ಪಲಾವ್‌ ಬೇಡ, ಇವತ್ತು ದೋಸೆನೇ ಬೇಕು ಎಂದೆನಿಸಿದಾಗ ನೀವು ಹೆಚ್ಚು ಚಿಂತೆ ಮಾಡದೆ ಈ ಇನ್‌ಸ್ಟಾಂಟ್‌ ದೋಸೆ ಟ್ರೈ ಮಾಡಿ, ರುಚಿ ಸೂಪರ್ ಆಗಿರುತ್ತದೆ. ಈ ದೋಸೆ ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
2 ಚಮಚ ಅಕ್ಕಿಹಿಟ್ಟು
1 ಕಪ್‌ ರವೆ
2 ಚಮಚ ಗೋಧಿ ಹಿಟ್ಟು
2 ಚಮಚ ಎಣ್ಣೆ
1 ಕಪ್‌ ಮೊಸರು
ರುಚಿಗೆ ತಕ್ಕ ಉಪ್ಪು
ದೋಸೆ ಹದಕ್ಕೆ ಬರುವಷ್ಟು ನೀರು ಸೇರಿಸಿ
ಚಿಟಿಕೆಯಷ್ಟು ಅಡುಗೆ ಸೋಡಾ

ಮಾಡುವ ವಿಧಾನ
ಒಂದು ಬ್ಲೆಂಡರ್‌ಗೆ ರವೆ, ಅಕ್ಕಿ ಹಿಟ್ಟು, ಗೋಧಿ ಹಿಟ್ಟು, ಮೊಸರು ಹಾಕಿ ಬ್ಲೆಂಡ್‌ ಮಾಡಿ
ನಂತರ ಅದನ್ನು ಒಂದು ಬೌಲ್‌ಗೆ ಹಾಕಿ, 2 ಚಮಚ ಎಣ್ಣೆ ಸೇರಿಸಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಮಿಕ್ಸ್ ಮಾಡಿ
ಅಡುಗೆ ಸೋಡಾ ಸೇರಿಸಿ ಮಿಕ್ಸ್ ಮಾಡಿ
ನಂತರ 10 ನಿಮಿಷ ಹಾಗೆಯೇ ಇಡಿ
ಈಗ ದೋಸೆ ತವಾ ಬಿಸಿ ಮಾಡಿ ಅದರಲ್ಲಿ ಎಣ್ಣೆ ಸವರಿ ದೋಸೆ ಹಿಟ್ಟು ಹಾಕಿ ತವಾದ ಬಾಯಿ ಮುಚ್ಚಿ ಬೇಯಿಸಿ.

ಸಲಹೆ: ನೀವು ಈ ದೋಸೆಯನ್ನು ದಪ್ಪವಾಗಿ ಮಾಡಬಹುದು, ಈ ದೋಸೆ ಮೃದುವಾಗಿ ತಿನ್ನಲು ರುಚಿಯಾಗಿರುತ್ತದೆ.
ಇಲ್ಲಾ ನಿಮಗೆ ಗರಿಗರಿಬೇಕೆಂದರೆ ಹಾಗೆಯೂ ಮಾಡಿ ತಿನ್ನಬಹುದು. ನಿಮಗೆ ಬೇಕಾ ರುಚಿಯಲ್ಲಿ ಈ ದೋಸೆಯನ್ನು ಮಾಡಿ ಸವಿಯಬಹುದು.
ಇನ್ನು ದೋಸೆ ತರಕಾರಿ ಕತ್ತರಿಸಿ ಹಾಕಿ (ಈರುಳ್ಳಿ, ಹಸಿ ಮೆಣಸು) ಕತ್ತರಿಸಿ ಹಾಕಿ ಕೂಡ ತಿನ್ನಬಹುದು.
ಮನೆಯಲ್ಲಿ ಚೀಸ್ ಇದ್ದರೆ ಈ ದೋಸೆ ಮೇಲೆ ತುರಿದು ಹಾಕಿದರೆ ತುಂಬಾ ರುಚಿಯಾಗಿರುತ್ತದೆ.
ಅಲ್ಲದೆ ಈ ರವೆ ದೋಸೆ ಹಿಟ್ಟನ್ನು ತವಾಗೆ ಹಾಕಿದಾಗ ತವಾದಲ್ಲಿ ಅಂಟಿಕೊಳ್ಳುದಿಲ್ಲ, ಬೆಂದಾಗ ಬಿಟ್ಟು ಬರುವುದು ಈ ದೋಸೆ ಮಾಡುವುದು ಕೂಡ ಸುಲಭ.

ನಿಮಗ ಮಧುಮೇಹವಿದ್ದರೆ ರವೆ ಜೊತೆ ಅಕ್ಕಿಹಿಟ್ಟು ಬದಲಿಗೆ ರಾಗಿ ಬಳಸಿ.

ಈ ದೋಸೆಗೆ ಕೆಂಪು ಚಟ್ನಿ, ಖಾರ ಚಟ್ನಿ, ಸಾಂಬಾರ್‌ ಈ ಬಗೆಯ ಕಾಂಬಿನೇಷನ್ ತುಂಬಾನೇ ಚೆನ್ನಾಗಿ ಕಾಣುತ್ತದೆ.