ಊಟದ ಸ್ವಾದ ಹೆಚ್ಚಿಸುತ್ತೆ ಈ ಶುಂಠಿಕರಿ, ಮಾಡಿಟ್ಟರೆ ತಿಂಗಳವರೆಗೆ ಇಟ್ಟು ಉಪ್ಪಿನಕಾಯಿಯಂತೆ ಬಳಸಬಹುದು

ನೀವು ಓಣಂ ಸದ್ಯ ಸೇವಿಸಿದರೆ ಅದರಲ್ಲಿ ಉಪ್ಪಿನಕಾಯಿಯಂತೆ ಒಂದು ಚಮಚ ಇಂಜಿಕರಿ ಅಂಯತ ಬಡಿಸುತ್ತಾರೆ, ತಿನ್ನಲು ತುಂಬಾನೇ ರುಚಿಯಾಗಿರುತ್ತದೆ, ಅದು ಶುಂಠಿಯಿಂದ ಮಾಡುವ ಸಾರು, ಇದನ್ನು ಮಾಡಿದರೆ ಒಂದು ತಿಂಗಳವರೆಗೆ ಫ್ರಿಡ್ಜ್‌ನಲ್ಲಿಟ್ಟು ಬಳಸಬಹುದು.

ಇದನ್ನು ಮಾಡುವುದು ಸ್ವಲ್ಪ ಶ್ರಮದ ಕೆಲಸ, ಆದರೆ ರುಚಿ ಆ ಶ್ರಮ ಸಾರ್ಥಕ ಎಂದನಿಸುವಂತೆ ಮಾಡುವುದು, 1 ಚಮಚ ಶುಂಠಿಕರಿ ಇದ್ದರೆ ಸಾಕು, ಊಟದ ರುಚಿ ಹೆಚ್ಚುವುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಸಲಹೆ: ಇದನ್ನು ಕೇರಳಶೈಲಿಯಲ್ಲಿ ತೆಂಗಿನೆಣ್ಣ ಬಳಸಲಾಗುವುದು, ಆದರೆ ನಿಮಗೆ ತೆಂಗಿನೆಣ್ಣೆ ಇಷ್ಟವಿಲ್ಲದಿದ್ದರೆ ಬೇರೆ ಅಡುಗೆಯೆಣ್ಣೆ ಬಳಸಬಹುದು, ಆದರೆ ಇಂಜಿಕರಿಯ ನಿಜವಾದ ಸ್ವಾದ ಸಿಗುವುದು ಅದನ್ನು ತೆಂಗಿನೆಣ್ಣೆ ಬಳಸಿ ಮಾಡಿದಾಗಲೇ (ತೆಂಗಿನೆಣ್ಣೆ ಬಳಸುವುದಾದರೆ ತಲೆಗೆ ಹಾಕಲು ಸಿಗುವ ಎಣ್ಣೆಯಲ್ಲ, ಅಡುಗೆಗೆ ಶುದ್ಧ ತೆಂಗಿನೆಣ್ಣೆ ಬಳಸಿ.

ಬೇಕಾಗುವ ಸಾಮಗ್ರಿ
ಶುಂಠಿ 1/2 ಕೆಜಿ
ಈರುಳ್ಳಿ 5-6
ಹಸಿ ಮೆಣಸು 4-4
ಮೆಂತೆ ಪುಡಿ 1/2 ಚಮಚ
ಇಂಗು ಸ್ವಲ್ಪ
ನಿಂಬೆಹಣ್ಣು ಗಾತ್ರದಷ್ಟು ಹುಣಸೆಹಣ್ಣು
ಬೆಲ್ಲ 2 ಚಮಚ
ಸ್ವಲ್ಪ ಕರಿಬೇವಿನ ಎಲೆ
ಸ್ವಲ್ಪ ಸಾಸಿವೆ
ಒಣ ಮೆಣಸು 2
ತೆಂಗಿನೆಣ್ಣೆ 11/4 ಕಪ್ (ಶುಂಠಿ ಹುರಿಯಲು ಬೇಕಾಗುವಷ್ಟು
ರುಚಿಗೆ ತಕ್ಕ ಉಪ್ಪು

ಮಾಡುವ ವಿಧಾನ:

• ಶುಂಠಿ ಸಿಪ್ಪೆ ಕೆತ್ತಿ ನಂತರ ಅದನ್ನು ಚಿಕ್ಕದಾಗಿ ಕತ್ತರಿಸಿ.
• ಈಗ ಪ್ಯಾನ್‌ಗೆ ಎಣ್ಣೆ ಬಿಸಿ ಮಾಡಿ ಅದರಲ್ಲಿ ಶುಂಠಿ ಹಾಕಿ ಶುಂಠಿ ಕಂದು ಬಣ್ಣಕ್ಕೆ ಬರುವವರೆಗೆ ಹುರಿಯಬೇಕು, ಇದಕ್ಕೆ ಸ್ವಲ್ಪ ಸಮಯ ಹಿಡಿಯುತ್ತೆ. ನಂತರ ಅದನ್ನು ತೆಗೆದು ತಟ್ಟೆಗೆ ಹಾಕಿಡಿ
• ಹುಣಸೆ ಹಣ್ಣನ್ನು ಬಿಸಿ ನೀರಿನಲ್ಲಿ ಹಾಕಿಡಿ
• ಈಗ ದಪ್ಪವಾದ ಕಡಾಯಿಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಬಿಸಿ ಮಾಡಿ ನಂತರ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್‌ ಶಬ್ದ ಮಾಡುವಾಗ ಅದಕ್ಕೆ ಒಣ ಮೆಣಸು ಹಾಕಿ, ಕರಿಬೇವು ಹಾಕಿ. ಈರುಳ್ಳಿ ಹಾಕಿ ಫ್ರೇ ಮಾಡಿ, ಈರುಳ್ಳಿ ಕೂಡ ಕಂದು ಬಣ್ಣಕ್ಕೆ ಬರುವಾಗ ಈರುಳ್ಳಿ ಸೇರಿಸಿ, ಕಂದು ಬಣ್ಣಕ್ಕೆ ಬರುವವರೆಗೆ ಫ್ರೈ ಮಾಡಿ.
• ನಂತರ ಅದದಕ್ಕೆ ಹುಣಸೆ ರಸ ಸೇರಿಸಿ, ಹುಣಸೆ ರಸ ಕುದಿ ಬರುವಾಗ ಉಪ್ಪು, ಖಾರದ ಪುಡಿ, ಮೆಂತೆ ಪುಡಿ, ಹೀಂಗು ಸೇರಿಸಿ, ನಂತರ ಶುಂಠಿ ಮತ್ತು ಬೆಲ್ಲ ಸೇರಿಸಿ. ನಂತರ ಕಡಿಮೆ ಉರಿಯಲ್ಲಿ 15-20 ನಿಮಿಷ ಬೇಯಿಸಿ. ನಿಮಗೆ ಗ್ರೇವಿ ಸ್ವಲ್ಪ ತೆಳ್ಳಗೆ ಬೇಕೆಂದರೆ ಸ್ವಲ್ಪ ನೀರು ಸೇರಿಸಿ ಕುದಿಸಿ.
• ನಂತರ ಉರಿಯಿಂದ ಇಳಿಸಿ ಡಬ್ಬದಲ್ಲಿ ಹಾಕಿ ಗಾಳಿಯಾಡದಂತೆ ಮುಚ್ಳಳದಿಂದ ಮುಚ್ಚಿದರೆ ತಿಂಗಳುಗಟ್ಟಲೆ ಇಟ್ಟು ಬಳಸಬಹುದು.