ಬೆಳ್ಳುಳ್ಳಿ ಚಟ್ನಿ ರೆಸಿಪಿ: ಶೀತ, ಕೆಮ್ಮು ತಡೆಗಟ್ಟುತ್ತೆ ಈ ಚಟ್ನಿ

ಖಾರ-ಬೆಳ್ಳುಳ್ಳಿ ಚಟ್ನಿ ಎಷ್ಟೊಂದು ರುಚಿಯೆಂದರೆ ಅನ್ನ,ದೋಸೆ ಜೊತೆ ಸವೊಯಲು ತುಂಬಾನೇ ಸೂಪರ್‌. ಬೆಳ್ಳುಳ್ಳಿ ಚಟ್ನಿ ಆಗಿರುವುದರಿಂದ ಶೀತ-ಕೆಮ್ಮು ಈ ಬಗೆಯ ಸಮಸ್ಯೆ ತಡೆಗಟ್ಟಲು ಸಹಕಾರಿ. ಈ ಬೆಳ್ಳುಳ್ಳಿ ಚಟ್ನಿಯನ್ನು ನೀವು ಸುಲಭದಲ್ಲಿ ಮಾಡಬಹುದು, ಬನ್ನಿ ಈ ಬೆಳ್ಳುಳ್ಳಿ ಚಟ್ನಿ ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ

2 ಬೆಳ್ಳುಳ್ಳಿ (ಒಂದು 18-20 ಎಸಳು ಇರುತ್ತದೆ)
4-6 ಒಣ ಮೆಣಸು
1 ಚಮಚ ಹುಣಸೆಹಣ್ಣು
ಚಿಕ್ಕ ತುಂಡು ಬೆಲ್ಲ
1 ಚಮಚ ಎಣ್ಣೆ
1/2 ಚಮಚ ಉಪ್ಪು

ಒಗ್ಗರಣೆಗೆ
1 ಚಮಚ ಎಣ್ಣೆ
ಸ್ವಲ್ಪ ಸಾಸಿವೆ
ಸ್ವಲ್ಪ ಕರಿಬೇವು

ಮಾಡುವ ವಿಧಾನ
ಬಿಸಿ ನೀರಿನಲ್ಲಿ ಒಣ ಮೆಣಸನ್ನು 10 ನಿಮಿಷ ಹಾಕಿಡಿ
ನಂತರ ತಗೆದು ಪ್ಲೇಟ್‌ನಲ್ಲಿ ಇಡಿ
ನಂತರ ಒಣಮೆಣಸು, ಬೆಳ್ಳುಳ್ಳಿ, ಹುಣಸೆಹಣ್ಣು, ಉಪ್ಪು, ಒಂದು ತುಂಡು ಬೆಲ್ಲ ಸೇರಿಸಿ ರುಬ್ಬಿ.

ನಂತರ ಒಗ್ಗರಣೆ ಹಾಕಿ
1 ಚಮಚ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್ ಶಬ್ದ ಮಾಡುವಾಗ ಕರಿಬೇವಿನ ಎಲೆ ಹಾಕಿ.

ಬೆಳ್ಳುಳ್ಳಿ ಚಟ್ನಿಯ ಮತ್ತೊಂದು ರೆಸಿಪಿ

ಬೇಕಾಗುವ ಸಾಮಗ್ರಿ
20 ಎಸಳು ಬೆಳ್ಳುಳ್ಳಿ ಎಸಳು
2 ಚಮಚ ಖಾರದ ಪುಡಿ
2 ಚಮಚ ಕೊತ್ತಂಬರಿ ಪುಡಿ
1 ಚಮಚ ಜೀರಿಗೆ ಪುಡಿ
ಒಂದೂವರೆ ಚಮಚ ಸಕ್ಕರೆ
1/2 ಚಮಚ ಉಪ್ಪು
ಸ್ವಲ್ಪ ನೀರು
1 ಚಮಚ ಎಣ್ಣೆ
ಅರ್ಧ ನಿಂಬೆರಸ
1ಚಮಚ ಎಣ್ಣೆ

ಮಾಡುವ ವಿಧಾನ:
ಬೆಳ್ಳುಳ್ಳಿ ಎಸಳು, ಖಾರದ ಪುಡಿ, ಜೀರಿಗೆ ಪುಡಿ, ಉಪ್ಪು ನೀರು ಹಾಕಿ ರುಬ್ಬಿ, ತುಂಬಾ ನುಣ್ಣನೆ ರುಬ್ಬಿ

ಈಗ ಪಾತ್ರೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ, ನಂತರ ರುಬ್ಬಿದ ಪೇಸ್ಟ್‌ ಹಾಕಿ, ಎಣ್ಣೆಯಂಶ ಚಟ್ನಿಯ ಮೇಲ್ಭಾಗದಲ್ಲಿ ತೇಲುವಂತೆ ಬರುವಷ್ಟು ಹೊತ್ತು ಕಡಿಮೆ ಉರಿಯಲ್ಲಿ ಕಾಯಿಸಿ
ನಂತರ ನಿಂಬೆರಸ ಹಿಂಡಿ ಸರ್ವ್ ಮಾಡಿ.

ಬೆಳ್ಳುಳ್ಳಿಯ ಪ್ರಯೋಜನಗಳು

ಕೆಮ್ಮು-ಶೀತ ತಡೆಗಟ್ಟಲು ಸಹಕಾರಿ
ಬೆಳ್ಳುಳ್ಳಿ ಸೇವಿಸುವುದರಿಂದ ರೋಗ ನಿರೋಧಕ ಶಕ್ತಿ ಹೆಚ್ಚಾಗುವುದು, ಹಾಗಾಗಿ ಕೆಮ್ಮು-ಶೀತ ತಡೆಗಟ್ಟಲು ತುಂಬಾನೇ ಸಹಕಾರಿಯಾಗಿದೆ.

ಹೃದಯದ ಆರೋಗ್ಯಕ್ಕೆ ಒಳ್ಳೆಯದು
ಬೆಳ್ಳುಳ್ಳಿ ಕೆಟ್ಟ ಕೊಲೆಸ್ಟ್ರಾಲ್‌ ಕಡಿಮೆ ಮಾಡಿ, ಒಳ್ಳೆಯ ಕೊಲೆಸ್ಟ್ರಾಲ್ ಹೆಚ್ಚಿಸುತ್ತದೆ.

ಸಂಧಿವಾತದ ಸಮಸ್ಯೆ ತಡೆಗಟ್ಟುತ್ತದೆ

ಬೆಳ್ಳುಳ್ಳಿ ಸೇವಿಸುವುದರಿಂದ ಸಂಧಿವಾತದ ಸಮಸ್ಯೆ ತಡೆಗಟ್ಟಬಹುದು, ದೇಹದ ಆರೋಗ್ಯ ವೃದ್ಧಿಸಲು ಸಹಕಾರಿ.

ಮೆದುಳಿನ ಆರೋಗ್ಯಕ್ಕೆ ಒಳ್ಳೆಯದು
ಬೆಳ್ಳುಳ್ಳಿ ಮೆದುಳು ಚುರುಕಾಗಿರಲು ಸಹಾಯ ಮಾಡುತ್ತದೆ,ಇದನ್ನು ಪ್ರತಿದಿನ ಸೇವಿಸುವುದರಿಂದ ಮರೆವಿನ ಸಮಸ್ಯೆ ಉಂಟಾಗುವುದನ್ನು ತಡೆಗಟ್ಟಬಹುದು.

ಜೀರ್ಣಕ್ರಿಯೆಗೆ ತುಂಬಾನೇ ಒಳ್ಳೆಯದು
ಬೆಳ್ಳುಳ್ಳಿ ಸೇವಿಸುವುದರಿಂದ ತಿಂದ ಆಹಾರ ತುಂಬಾ ಚೆನ್ನಾಗಿ ಜೀರ್ಣವಾಗುತ್ತದೆ, ಅಲ್ಲದೆ ಹೊಟ್ಟೆಯಲ್ಲಿರುವ ಕೆಟ್ಟ ಬ್ಯಾಕ್ಟಿರಿಯಾ ತಡೆಗಟ್ಟುತ್ತದೆ.

ತೂಕವನ್ನು ನಿಯಂತ್ರಣದಲ್ಲಿಡುತ್ತದೆ

ಬೆಳ್ಳುಳ್ಳಿಯಲ್ಲಿರುವ ಪೋಷಕಾಂಶ
ಮ್ಯಾಂಗನೀಸ್'ವಿಟಮುನ್ ಬಿ6
ವಿಟಮಿನ್ ಸಿ
ಸೆಲೆನಿಯಂ
ನಾರಿನಂಶ
ಕ್ಯಾಲ್ಸಿಯಂ, ಸತು, ಪೊಟಾಷ್ಯಿಯಂ, ಕಬ್ಬಿಣದಂಶ