ಎಷ್ಟೊಂದು ರುಚಿ ಗೊತ್ತಾ ಈ ಫ್ರೈಡ್ ಚಪಾತಿ: ಎಗ್‌ ರೈಸ್‌ ಮೀರಿಸುವ ರುಚಿ ಇದಕ್ಕಿದೆ

ಬೆಳಗ್ಗೆ ಬ್ರೇಕ್‌ಫಾಸ್ಟ್‌ಗ ಆದರೂ ಸೈ ಸಂಜೆ ಸ್ನ್ಯಾಕ್ಸ್‌ಗೆ ಆದರೂ ಸೈ, 4-5 ಚಪಾತಿ ಬಾಕಿಯುಳಿದಿದ್ದರೆ ಸೂಪರ್ ಆದ ಚಪಾತಿ ಫ್ರೈಡ್ ತಯಾರಿಸಬಹುದು. ಇನ್ನು ಮಕ್ಕಳು ಅಮ್ಮಾ ನೂಡಲ್ಸ್, ಫ್ರೈಡ್‌ ರೈಸ್‌ ಅಂತ ಬೇಡಿಕೆ ಇಟ್ಟಾಗ ಕೂಡ ಈ ರೀತಿ ಮಾಡಿಕೊಟ್ಟರೆ ತುಂಬಾನೇ ಇಷ್ಟಪಟ್ಟು ತಿನ್ನುತ್ತಾರೆ. ಇದರಲ್ಲಿ ಮೊಟ್ಟೆ ಸೇರಿಸಿ ಮಾಡಲಾಗಿದೆ, ನೀವು ಮೊಟ್ಟೆ ತಿನ್ನದಿದ್ದರೆ ಮೊಟ್ಟೆ ಹಾಕದೆಯೂ ಮಾಡಬಹುದು.

ಬಾಕಿಯುಳಿದ ಚಪಾತಿಯಿಂದ ಇಷ್ಟೊಂದು ಸೂಪರ್ ಆದ ಅಡುಗೆ ರೆಡಿಯಾಗುತ್ತೆ ಎಂದ ಮೇಲೆ ಈ ರೀತಿ ಮಾಡುವುದಕ್ಕಾಗಿಯೇ ಚಪಾತಿ ಮಾಡುವಾಗ 4-5 ಚಪಾತಿ ಅಧಿಕ ಮಾಡುತ್ತೀರಿ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ

• ಬಾಕಿಯುಳಿದ ಚಪಾತಿ 4-5
• 2 ಈರುಳ್ಳಿ
• ಹಸಿ ಮೆಣಸು 2
• ಒಂದು ಚಮಚ ಶುಂಠಿ ತುರಿ
• 8-10 ಎಸಳು ಬೆಳ್ಳುಳ್ಳಿ (ಚಿಕ್ಕದಾಗಿ ಕತ್ತರಿಸಿದ್ದು)
• 2 ಕ್ಯಾರೆಟ್‌ (ಉದ್ದುದ್ದವಾಗಿ ಕತ್ತರಿಸಿದ್ದು)
• 1 ಕಪ್ ಕ್ಯಾಬೇಜ್‌
• 2 ಟೊಮೆಟೊ
• ಒಂದು ಚಮಚ ಕಾಳು ಮೆಣಸಿನ ಪುಡಿ
• ಕೊತ್ತಂಬರಿ ಮೆಣಸಿನ ಪುಡಿ
• ಗರಂ ಮಸಾಲ ಪುಡಿ
• 4 ಮೊಟ್ಟೆ
• 1/4 ಚಮಚ ಅರಿಶಿಣ ಪುಡಿ
• ರುಚಿಗೆ ತಕ್ಕ ಉಪ್ಪು
• ಕ್ಯಾಪ್ಸಿಕಂ (ಉದ್ದುದ್ದವಾಗಿ ಕತ್ತರಿಸಿದ್ದು)
• ಸ್ವಲ್ಪ ಕೊತ್ತಂಬರಿ ಸೊಪ್ಪು)
• ರುಚಿಗೆ ತಕ್ಕ ಉಪ್ಪು

ಮಾಡುವ ವಿಧಾನ

• 5-6 ಚಪಾತಿ ತೆಗೆದು ನೂಡಲ್ಸ್ ರೀತಿ ಉದ್ದುದ್ದವಾಗಿ ಕತ್ತರಿಸಿ.
• ನಂತರ ಪಾತ್ರೆ ಬಿಸಿ ಮಾಡಿ 2 ಚಮಚ ಎಣ್ಣೆ ಹಾಕಿ 2 ಈರುಳ್ಳಿ ಹಾಕಿ, ಈರುಳ್ಳಿ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ ನೋಡಿ
• ಒಂದು ಚಮಚ ಶುಂಠಿ ತುರಿ ಅಥವಾ ಜಜ್ಜಿದ ಶುಂಠಿ ಹಾಕಿ
• ಈಗ ಸ್ವಲ್ಪ ಬೆಳ್ಳುಳ್ಳಿ (ಚಿಕ್ಕದಾಗಿ ಕತ್ತರಿಸಿದ್ದಿ) ಸೇರಿಸಿ
• ಹಸಿ ಮೆಣಸು ಕತ್ತರಿಸಿ ಹಾಕಿ (ನಿಮ್ಮ ಖಾರಕ್ಕೆ ತಕ್ಕಂತೆ ಹಸಿ ಮೆಣಸು ಬಳಸಿ)
• ಸ್ವಲ್ಪ ಕರಿಬೇವು ಸೇರಿಸಿ 2-3 ನಿಮಿಷ ಸೌಟು ಆಡಿಸುತ್ತಾ ಫ್ರೈ ಮಾಡಿ
• ಈಗ ನೀವು ಕ್ಯಾರೆಟ್‌ ಸೇರಿಸಿ
• ಒಂದು ಕಪ್‌ ಕ್ಯಾಬೇಜ್ ಸೇರಿಸಿ
• 2 ಟೊಮೆಟೊ ಸೇರಿಸಿ
• ಅರ್ಧ ಚಮಚ ಕಾಳು ಮೆಣಸಿನ ಪುಡಿ ಸೇರಿಸಿ
• ಕಾಶ್ಮೀರಿ ಮೆಣಸಿನ ಪುಡಿ ಅರ್ಧ ಚಮಚ ಸೇರಿಸಿ
• ಅರ್ಧ ಚಮಚ ಕೊತ್ತಂಬರಿ ಪುಡಿ ಸೇರಿಸಿ
• ಸ್ವಲ್ಪ ಗರಂ ಮಸಾಲ ಹಾಕಿ
• ಈಗ ಇವುಗಳನ್ನು ಪಾತ್ರೆಯ ಒಂದು ಬದಿಗೆ ಸೇರಿಸಿ
• 4 ಮೊಟ್ಟೆ ಒಡೆದು ಹಾಕಿ ಅದಕ್ಕೆ ಸ್ವಲ್ಪ ಪ್ಪು, 1/ 4 ಚಮಚ ಅರಿಶಿಣ ಪುಡಿ, ಸ್ವಲ್ಪ ಕಾಳು ಮೆಣಸಿನ ಪುಡಿ ಸೇರಿಸಿ ನಂತರ ಅದು ಪುಡಿ-ಪುಡಿಯಾಗುವವರೆಗೆ ಪ್ರೈ ಮಾಡಿ (2-3 ನಿಮಿಷಕ್ಕೆ ಮೊಟ್ಟೆ ಪುಡಿ-ಪುಡಿಯಾಗುವುದು)
• ನಂತರ ಸೈಡ್‌ನಲ್ಲಿ ಮಾಡಿಟ್ಟ ಮಸಾಲೆ ಹಾಕಿ ಮಿಕ್ಸ್ ಮಾಡಿ
• ಉಪ್ಪು, ಖಾರ ಸರಿಯಾಗಿದೆಯೇ ನೋಡಿ ಏನು ಬೇಕೋ ಅದಕ್ಕೆ ಸೇರಿಸಿ
• ಈಗ ಇದಕ್ಕೆ 1/4 ಕಪ್ ನೀರು ಸೇರಿಸಿ ಮತ್ತೊಮ್ಮೆ ಮಿಕ್ಸ್ ಮಾಡಿ (ತುಂಬಾ ನೀರು ಹಾಕಬೇಡಿ)
• ಈಗ ನೀವು ಕಟ್‌ ಮಾಡಿಟ್ಟ ಚಪಾತಿ ಪೀಸ್‌ಗಳ್ನು ಸೇರಿಸಿ ಮಿಕ್ಸ್ ಮಾಡಿ, ಒಂದು ನಿಮಿಷ ಸೌಟುನಿಂದ ಆಡಿಸುತ್ತಾ ಮಿಕ್ಸ್ ಮಾಡಿ
• ಈಗ ಇದರ ಮೇಲೆ ಕ್ಯಾಪ್ಸಿಕಂ ಅನ್ನು ಚಿಕ್ಕದಾಗಿ ಕತ್ತರಿಸಿ ಸೇರಿಸಿ
• ಈಗ ನೀವು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಯಾದ ಚಪಾತಿ ಫ್ರೈಡ್‌ ರೆಡಿ, ಟೊಮೆಟೊ ಸಾಸ್‌ ಜೊತೆ ಸವಿಯಿರಿ.