ಸಂಜೆ ಸ್ನ್ಯಾಕ್ಸ್ ಎಗ್‌ 65 ಮಾಡಿದರೆ ಹೇಗೆ? ರೆಸಿಪಿ ತುಂಬಾ ಸುಲಭವಿದೆ ಕಣ್ರೀ...

ಸಂಜೆ ಸ್ನ್ಯಾಕ್ಸ್‌ಗೆ ಎಗ್‌ 65 ಮಾಡಿದರೆ ಹೇಗೆ? ಇದು ತುಂಬಾ ಕಷ್ಟದ ಸ್ನ್ಯಾಕ್ಸ್ ಅಂದುಕೊಂಡಿದ್ದರೆ ಖಂಡಿತ ಅಲ್ಲ, ತುಂಬಾ ಸುಲಭವಾಗಿ ನೀವು ಈ ಎಗ್‌ 65 ಮಾಡಬಹುದು, ಅದರಲ್ಲಿ 20 ನಿಮಿಷದೊಳಗಾಗಿ ಈ ಸ್ನ್ಯಾಕ್ಸ್ ರೆಡಿ ಮಾಡಿ ತಿನ್ನಲು ಶುರು ಮಾಡಬಹುದು. ಮತ್ಯಾಕೆ ತಡ ಟೀ ಜೊತೆ ಸವಿಯಲು ಎಗ್‌ 65 ಮಾಡುವುದು ಹೇಗೆ ಅಂತ ನೋಡೋಣವಾ?

ಬೇಕಾಗುವ ಸಾಮಗ್ರಿ
5 ಮೊಟ್ಟೆ
1/2 ಚಮಚ ಕಾಶ್ಮೀರಿ ಖಾರದ ಪುಡಿ
1/2 ಚಮಚ ಅರಿಶಿಣ ಪುಡಿ
ರುಚಿಗೆ ತಕ್ಕ ಉಪ್ಪು
1/2 ಚಮಚ ಕಾಳು ಮೆಣಸಿನ ಪುಡಿ

ಕೋಟ್‌ ಮಾಡಲು
4 ಚಮಚ ಕಾರ್ನ್‌ಫ್ಲೋರ್‌(ಜೋಳದ ಹಿಟ್ಟು)
2 ಚಮಚ ಮೈದಾ ಹಿಟ್ಟು
1/2 ಚಮಚ ಕೊತ್ತಂಬರಿ ಪುಡಿ
1/2 ಚಮಚ ಖಾರದ ಪುಡಿ
ಸ್ವಲ್ಪ ಗರಂ ಮಸಾಲೆ ಪುಡಿ
ಸ್ವಲ್ಪ ಕರಿಬೇವು
ಅರಿಶಿಣ ಪುಡಿ
ರುಚಿಗೆ ತಕ್ಕ ಉಪ್ಪು
ಕಲೆಸಲು ನೀರು ಅಥವಾ ಮೊಟ್ಟೆ (ಯಾವುದು ಬೇಕಾದರೂ ಬಳಸಬಹುದು)
ಎಣ್ಣೆ

ಮೊಟ್ಟೆ ಈ ರೀತಿ ಬೇಯಿಸಿ

• ನೀವು ಒಂದು ಬೌಲ್‌ಗೆ 5 ಮೊಟ್ಟೆ ಹಾಕಿ, ಅದರಲ್ಲಿ ಸ್ವಲ್ಪ ಅರಿಶಿಣ ಪುಡಿ, ಕಾಳು ಮೆಣಸಿನ ಪುಡಿ, 1/ 2 ಚಮಚ ಕಾಶ್ಮೀರಿ ಮೆಣಸಿನ ಪುಡಿ ಹಾಕಿ ಹಾಕಿ ಮಿಕ್ಸ್ ಮಾಡಿ
• ಈಗ ಒಂದು ಸ್ಟೀಲ್‌ ಬೌಲ್‌ಗೆ ಎಣ್ಣೆ ಸವರಿ ಇದೇ ಮಿಶ್ರಣವನ್ನು ಹಾಕಿ
• ಈಗ ನೀವು ಇದನ್ನು ಒಂದು ಬಾಣಲೆಗೆ ಅರ್ಧದಷ್ಟು ನೀರು ಹಾಕಿ ನಂತರ ಈ ಪಾತ್ರೆಯನ್ನು ಬಾಣಲೆಯೊಳಗೆ ಇಟ್ಟು ಪಾತ್ರೆಯ ಬಾಯಿ ಮುಚ್ಚಿ ಬೇಯಿಸಿ. ಒಂದು 10 ನಿಮಿಷ ಬೇಯಿಸಿದರೆ ಮೊಟ್ಟೆ ಬೆಂದಿರುತ್ತದೆ, ಸ್ಪೂನ್‌ನಲ್ಲಿ ಚುಚ್ಚಿ ನೋಡಿ, ಅಂಟಿಲ್ಲ ಎಂದರೆ ಬೆಂದಿದೆ ಎಂದರ್ಥ.

ಎಗ್‌ 65 ಮಾಡುವುದು ಹೇಗೆ?

• ಈಗ ಮತ್ತೊಂದು ಬೌಲ್‌ಗೆ 4 ಚಮಚ ಕಾರ್ನ್‌ಫ್ಲೋರ್ ಸೇರಿಸಿ, 2 ಚಮಚ ಮೈದಾ ಹಿಟ್ಟು ಹಾಕಿ
• 1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, 1/2 ಚಮಚ ಖಾರದ ಪುಡಿ
• 1/2 ಚಮಚ ಅರಿಶಿಣ ಪುಡಿ, 1/2 ಚಮಚ ಗರಂ ಮಸಾಲ ಪುಡಿ, 1 ಚಮಚ ಕೊತ್ತಂಬರಿ ಪುಡಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ, ನಂತರ ಮೊಟ್ಟೆ ಒಡೆದು ಹಾಕಿ ಮಿಕ್ಸ್ ಮಾಡಿ, ಅರ್ಧ ನಿಂಬೆರಸ ಹಾಕಿ ಮಿಕ್ಸ್ ಮಾಡಿ, ಕರಿಬೇವು ಸೇರಿಸಿ
• ಈಗ ಬೇಯಿಸಿದ ಮೊಟ್ಟೆಯನ್ನು ಒಂದು ಪ್ಲೇಟ್‌ಗೆ ಹಾಕಿ ಈ ಪನ್ನೀರ್ ಕಟ್ ಮಾಡುವಂತೆ ಕತ್ತರಿಸಿ ಅದನ್ನು ಹಿಟ್ಟು ಜೊತೆ ಹಾಕಿ ಮಿಕ್ಸ್ ಮಾಡಿ
• ಈಗ ಎಣ್ಣೆ ಕಾಯಿಸಲು ಇಡಿ, ಅದರಲ್ಲಿ ಈ ಮೊಟ್ಟೆ ಪೀಸ್‌ಗಳನ್ನು ಹಾಕಿ ಡೀಪ್‌ ಫ್ರೈ ಮಾಡಿ ನಂತರ ಈರುಳ್ಳಿ ಕತ್ತರಿಸಿ ಇಟ್ಟು, ಚಿಕ್ಕ ನಿಂಬೆಪೀಸ್‌ ಇಟ್ಟು ಸರ್ವ್‌ ಮಾಡಿ. ಇಷ್ಟು ಮಾಡಿದರೆ ಎಗ್‌ 65 ರೆಡಿ.

ಇತರ ಸಲಹೆ
ನೀವು ಕಲೆಸುವಾಗ ಮೊಟ್ಟೆ ಬದಲಿಗೆ ನೀರು ಹಾಕಿ ಕಲೆಸಬೇಡಿ
ಹಿಟ್ಟು ತುಂಬಾ ಗಟ್ಟಿ ಮಾಡಬೇಡಿ ಅಥವಾ ತೆಳು ಕೂಡ ಮಾಡಬೇಡಿ
ಖಾರ ಪ್ರಿಯರಾಗಿದ್ದರೆ ಮೊಟ್ಟೆ ಬೇಯಿಸುವಾಗ ಹಸಿಮೆಣಸು ಕತ್ತರಿಸಿ ಹಾಕಿ, ನಂತರ ಇದು ಡೀಪ್‌ ಫ್ರೈ ಆಗಿ ಬಾಯಿಗೆ ಸಿಗುವಾಗ ಖಾರ-ಖಾರವಾಗಿ ಚೆನ್ನಾಗಿರುತ್ತದೆ.
ಇನ್ನು ಮೊಟ್ಟೆ ಕೆಲಸುವಾಗ ಕೂಡ ಸ್ವಲ್ಪ ಎಣ್ಣೆ ಹಾಕಿ ಕಲೆಸಿದರೆ ತುಂಬಾ ಚೆನ್ನಾಗಿರುತ್ತದೆ.