ಬೇಳೆ ಹಾಕದೆ ಈ ಟೊಮೆಟೊ ಸಾರು ಹೀಗೆ ಮಾಡಿ ನೋಡಿ, ಅನ್ನದ ಜೊತೆ ತುಂಬಾ ಸೂಪರ್ ಆಗಿರುತ್ತೆ

ನೀವು ಟೊಮೆಟೊ ರಸವನ್ನು ಸಿಂಪಲ್ ಆಗಿ ಮಾಡಬಹುದು, ಆದರೆ ಸಿಂಪಲ್‌ ಟೊಮೆಟೊ ರಸವನ್ನು ಇನ್ನೂ ಟೇಸ್ಟ್ ಆಗಿ ಮಾಡಬಹುದು. ಈ ಟೊಮೆಟೊ ರಸವನ್ನು ಸ್ವಲ್ಪ ತೆಂಗಿನ ತುರಿ ಸೇರಿಸಿ ಮಾಡುವ ರೆಸಿಪಿಯಾಗಿದೆ. ಇದನ್ನು ಮಾಡಲು ಬೇಳೆ ಹಾಕಿ ಹಾಕಬೇಕಾಗಿಲ್ಲ, ಹಾಗೆಯೇ ಮಾಡಬಹುದು, ಈ ಸಾರು ಅನ್ನದ ಜೊತೆ ತಿನ್ನಲು ತುಂಬಾ ಚೆನ್ನಾಗಿರಲಿದೆ. ಬನ್ನಿ ಈ ರೆಸಿಪಿ ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
2 ಚಮಚ ಕೊತ್ತಂಬರಿ ಬೀಜ
2 ಚಮಚ ತೆಂಗಿನ ತುರಿ
1 ಚಮಚ ಎಣ್ಣೆ
1/2 ಚಮಚ ಸಾಸಿವೆ
1/2 ಚಮಚ ಜೀರಿಗೆ
1/2 ಚಮಚ ಉದ್ದಿನ ಬೇಳೆ
2 ಒಣ ಮೆಣಸು
ಸ್ವಲ್ಪ ಕರಿಬೇವು
ಇಂಗು
1/2 ಚಮಚ ಅರಿಶಿಣ ಪುಡಿ
3-4 ಟೊಮೆಟೊ
4 ಕಪ್‌ ನೀರು
1.5 ಚಮಚ ರಸಂ ಪುಡಿ
ಸ್ವಲ್ಪ ಕೊತ್ತಂಬರಿ ಸೊಪ್ಪು
ರುಚಿಗೆ ತಕ್ಕ ಉಪ್ಪು

ಮಾಡುವ ವಿಧಾನ:

• ಕೊತ್ತಂಬರಿ ಬೀಜ ರೋಸ್ಟ್ ಮಾಡಿ, ನಂತರ ತಣ್ಣಗಾಗಲು ಒಂದು ತಟ್ಟೆಯಲ್ಲಿ ಇಡಿ.
• ಅದೇ ಸಮಯದಲ್ಲಿ 4 ಕಪ್‌ ನೀರನ್ನು ಹಾಕಿ ಕುದಿಸಿ
• ಕೊತ್ತಂಬರಿ ಬೀಜ, ಸ್ವಲ್ಪ ತೆಂಗಿನ ತುರಿ ಹಾಕಿ ಗ್ರೈಂಡ್‌ ಮಾಡಿ.
• ಪಾತ್ರೆ ಬಿಸಿ ಮಾಡಿ 1 ಚಮಚ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಸಾಸಿವೆ ಹಾಕಿ ಸಾಸಿವೆ ಚಟ್‌ಪಟ್ ಶಬ್ದ ಮಾಡುವಾಗ ಜೀರಿಗೆ ಹಾಕ, ನಂತರ ಸ್ವಲ್ಪ ಉದ್ದಿನ ಬೇಳೆ ಹಾಕಿ, ಒಣ ಮೆಣಸು , ಹಸಿ ಮೆಣಸು ಹಾಕಿ ಫ್ರೈ ಮಾಡಿ
• ನಂತರ ಸ್ವಲ್ಪ ಇಂಗು ಹಾಕಿ, ಕರಿಬೇವು ಹಾಕಿ, ನಂತರ ಕತ್ತರಿಸಿದ ಟೊಮೆಟೊ ಹಾಕಿ, ಬಳಿಕ ಅರಿಶಿಣ ಪುಡಿ ಹಾಕಿ
• ಟೊಮೆಟೊ ಮೆತ್ತಗಾಗುವವರೆಗೆ ಪೇಸ್ಟ್‌ ಮಾಡಿ
• ಈಗ ಬಿಸಿ ನೀರನ್ನು ಹಾಕಿ, ನಂತರ ರಸಂ ಪುಡಿ, ಬೆಲ್ಲದ ಪುಡಿ, ಉಪ್ಪು, ಸ್ವಲ್ಪ ರಸಂ ಪುಡಿ, ಉಪ್ಪು ಸೇರಿಸಿ.
• ನಂತರ ರಸವನ್ನು ಕುದಿಸಿ.
• ಬಳಿಕ ರುಬ್ಬಿದ ತೆಂಗಿನ ತುರಿ ಮತ್ತು ಕೊತ್ತಂಬರಿ ಬೀಜ ರುಬ್ಬಿದ ಪೇಸ್ಟ್‌ ಹಾಕಿ

ನಂತರ ಟೊಮೆಟೊ ರಸಂ ಕುದಿ ಬಂದ ಮೇಲೆ ಸ್ವಲ್ಪ ಕೊತ್ತಂಬರಿ ಸೊಪ್ಪು ಹಾಕಿ ಕುದಿಸಿ ನಂತರ ಈ ರಸಂ ಟೇಸ್ಟ್ ಮಾಡಿ ನೋಡಿ ವಾವ್‌! ಎಂದು ಹೇಳುವಿರಿ.

ಸಲಹೆ: ಈ ಟೊಮೆಟೊ ಸಾರಿಗೆ ನೀವು ಹುಳಿ ಟೊಮೆಟೊ ಬದಲಿಗೆ ಜಾಮೂನು ಟೊಮೆಟೊ ಬಳಸಿ, ಆದರೆ ಹಣ್ಣಾದ ಟೊಮೆಟೊ ಬಳಸಿ, ಹುಳಿ ಟೊಮೆಟೊತೆಂಗಿನ ಕಾಯಿ ಹಾಕಿ ಮಾಡುವುದರಿಂದ ಹುಳಿ ಹುಳಿ ಅನಿಸುತ್ತೆ. ಜಾಮೂನು ಟೊಮೆಟೊ ಹಾಕಿ ಮಾಡಿದರೆ ಹುಳಿ ರುಚಿ ಹದವಾಗಿರುತ್ತದೆ.

ಇನ್ನು ಈ ಸಾರಿಗೆ ಹುಣಸೆ ಹಣ್ಣು ಹಾಕಬೇಡಿ.

ಇತರ ಸಲಹೆ: ನೀವು ಕೊತ್ತಂಬರಿ ಪುಡಿ ಬಳಸಬಹುದೇ ಎಂದು ಕೇಳಬಹುದು, ಆದರೆ ಕೊತ್ತಂಬರಿ ಬೀಜ ಹುರಿದು ನಂತರ ಗ್ರೈಂಡ್‌ ಮಾಡಿ ಸೇರಿಸಿದರೆ ಆ ಸಾರಿನ ಸ್ವಾದವೇ ಬೇರೆಯಾಗಿರುತ್ತದೆ.

ಕಲರ್‌ಗೆ ಬೇಕಾದರೆ ಕಾಶ್ಮೀರಿ ಮೆಣಸಿನ ಪುಡಿ ಸೇರಿಸಬಹುದು.