ನೀವು ದೋಸೆ ರೊಟ್ಟಿ ಪ್ರಿಯರಾಗಿದ್ರೆ ಮನೆಯಲ್ಲಿ ಹಲವು ರೀತಿಯ ದೋಸೆ ಮಾಡಿ ಸವಿದಿರುತ್ತೀರಿ. ಹಾಗೆ ಬಗೆ ಬಗೆಯ ರೊಟ್ಟಿಗಳನ್ನು ಬಾಯಿ ಚಪ್ಪರಿಸಿ ಸವಿದಿರುತ್ತೀರಿ. ಹಾಗೆ ಹಲವು ರೀತಿಯ ರೊಟ್ಟಿಗಳನ್ನು ನೀವು ಮನೆಯಲ್ಲಿ ಮಾಡುವುದರ ಜೊತೆಗೆ ಹೋಟೆಲ್‌ಗಳಲ್ಲಿ ಸವಿಯಲು ಮುಂದಾಗುವುದು ಸಹ ನೋಡಬಹುದು.

ಅದರಂತೆ ನಾವಿಂದು ರೊಟ್ಟಿ ಇಷ್ಟಪಡುವಂತಹ ಮಂದಿಗೆ ರುಚಿ ರುಚಿಯಾಗಿ ಮನೆಯಲ್ಲಿ ಮಾಡುವಂತೆ ವಿಶೇಷ ರವೆ ರೊಟ್ಟಿ ಮಾಡುವ ಕುರಿತು ತಿಳಿದುಕೊಳ್ಳೋಣ. ನೀವು ಗೋಧಿ ಹಿಟ್ಟಿನ ರೊಟ್ಟಿ, ಅಕ್ಕಿ ಹಿಟ್ಟಿನ ರೊಟ್ಟಿ, ಜೋಳದ ರೊಟ್ಟಿ ನಿಮ್ಮ ಇಷ್ಟದ ರೊಟ್ಟಿ ಆಗಿರಬಹುದು. ಆದ್ರೆ ರೊಟ್ಟಿ ಸವಿಯಲು ನೀವು ಹೋಟೆಲ್ ಹೋಗುವ ಅವಶ್ಯಕತೆ ಇಲ್ಲ ಮನೆಯಲ್ಲೇ ಮಾಡಬಹುದು.

ರವೆಯಿಂದ ಮಾಡುವ ದೋಸೆ ಕೂಡ ಹಲವರಿಗೆ ಇಷ್ಟವಾಗುತ್ತೆ. ಆದ್ರೆ ಮೃದುವಾದ ಹತ್ತಿಯಂತಹ ರವೆ ರೊಟ್ಟಿ ಮಾಡುವ ಕುರಿತಾಗಿ ನಾವಿಲ್ಲಿ ತಿಳಿದುಕೊಳ್ಳೋಣ. ಈ ರೊಟ್ಟಿಯೊಂದಿಗೆ ಬದನೆಕಾಯಿ ಎಣ್ಣೆಗಾಯಿ, ಶೇಂಗಾ ಚಟ್ನಿ, ಬೆಣ್ಣ ತುಪ್ಪ ಹೀಗೆ ಹತ್ತಾರು ಬಗೆ ಖಾದ್ಯಗಳ ಜೊತೆಗೆ ಸವಿಯಬಹುದು. ಹಾಗಾದ್ರೆ ಇದನ್ನು ಮಾಡುವುದು ಹೇಗೆ?

ರವೆ ರೊಟ್ಟಿ ಮಾಡಲು ಯಾವೆಲ್ಲಾ ಪದಾರ್ಥಗಳಿ ಬೇಕು?, ಮಾಡುವ ವಿಧಾನವೇನು?, ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ರವೆ ರೊಟ್ಟಿ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?

• ರವೆ/ ಉಪ್ಪಿಟ್ಟು ರವೆ
• ಉಪ್ಪು
• ಎಣ್ಣೆ

ರವೆ ರೊಟ್ಟಿ ಮಾಡುವ ವಿಧಾನವೇನು?

ಮೊದಲು ಒಂದು ಬಾಣಲೆ ಒಲೆ ಮೇಲೆ ಇಟ್ಟು ಒಂದು ಅಳತೆ ಕಪ್‌ನಲ್ಲಿ ಒಂದು ಕಾಲು ಕಪ್ ನೀರು ಹಾಕಿ ಕುದಿಯಲು ಬಿಡಿ. ಇದಕ್ಕೆ ಉಪ್ಪು ಹಾಗೂ ಎಣ್ಣೆ ಸಹ ಹಾಕಿಕೊಳ್ಳಿ. ಈ ನೀರು ಕುದಿಯಲು ಆರಂಭಿಸಿದಾಗ ಇದಕ್ಕೆ ಅದೇ ಕಪ್‌ನಲ್ಲಿ 1 ಕಪ್‌ನಷ್ಟು ಚಿರೋಟಿ ರವೆ ಹಾಕಿಕೊಳ್ಳಿ. ಉಪ್ಪಿಟ್ಟು ರವೆ ಇದ್ದರೆ ಮಿಕ್ಸಿ ಜಾರ್‌ಗೆ ಹಾಕಿಕೊಂಡು ಪುಡಿ ಮಾಡಿಕೊಂಡು ಬಳಸಬಹುದು.

ಮಧ್ಯಮ ಉರಿಯಲ್ಲಿ ಇಟ್ಟುಕೊಂಡು ನಿಧಾನವಾಗಿ ಮಿಕ್ಸ್ ಮಾಡುತ್ತಾ ಇರಿ. ಇದು ಗಟ್ಟಿಯಾಗಲು ಆರಂಭಿಸಲಿದೆ. ನೀರು ಸಂಪೂರ್ಣ ಆವಿಯಾದಾಗ ಒಲೆ ಆಫ್ ಮಾಡಿ 1 ನಿಮಿಷ ಬಿಟ್ಟು ಹದ ಮಾಡಿಕೊಳ್ಳಿ. ಗಂಟು ಇಲ್ಲದಂತೆ ಕೈಯಿಂದ ಕಲಸಿಕೊಳ್ಳಬೇಕು. ನುಣ್ಣಗೆ ಹಾಗೆ ಮೃದುವಾಗಿ ಈ ಹಿಟ್ಟಿನ ಮಿಶ್ರಣ ಬರಬೇಕು. ಹಾಗೆ ಮಿಕ್ಸ್ ಮಾಡಿಕೊಳ್ಳಿ. ಇಷ್ಟಾದರೆ ಹಿಟ್ಟು ರೆಡಿಯಾಗುತ್ತದೆ.

ಈಗ ಒಣ ಇಟ್ಟಿನಲ್ಲಿ ನಿಂಬೆ ಗಾತ್ರದ ಈ ಹಿಟ್ಟನ್ನು ಚೆನ್ನಾಗಿ ಹೊರಳಾಡಿಸಿ ಚಪಾತಿ ಮಣೆಯಲ್ಲಿ ಲಟ್ಟಿಸಿಕೊಳ್ಳಬೇಕು. ಬಹಳ ಮೃದುವಾಗಿ ಲಟ್ಟಿಸಬೇಕು ಚಪಾತಿಗಿಂತ ತೆಳುವಾಗಿ ಹಾಗೆ ದೊಡ್ಡದಾಗಿ ಲಟ್ಟಿಸಿಕೊಳ್ಳಿ. ನಂತರ ಒಲೆ ಮೇಲೆ ಕಾವಲಿ ಇಟ್ಟು ಎಣ್ಣೆ ಹಾಕದೆಯೇ ಬಿಸಿ ಮಾಡಬಹುದು. ಕಬ್ಬಿಣದ ಕಾವಲಿ ಇದ್ದರೆ ಬಹಳ ಉತ್ತಮ.

ಇಷ್ಟಾದರೆ ನಿಮ್ಮ ಮುಂದೆ ರೊಟ್ಟಿ ರೆಡಿಯಾಗುತ್ತದೆ, ನೀವು ಸಹ ಬಹಳ ಸುಲಭವಾಗಿ ಎರಡು ವಸ್ತು ಇದ್ದರೆ ಇದನ್ನು ಮಾಡಬಹುದು. ಬೆಳಗ್ಗಿನ ತಿಂಡಿಗೆ ಇದು ಹೇಳಿ ಮಾಡಿಸಿದ ಖಾದ್ಯ. ಎಲ್ಲರಿಗೂ ಇಷ್ಟವಾಗುತ್ತೆ ಕೂಡ.