ರಾಗಿ ಹಾಲುಬಾಯಿ ಹೀಗೆ ಮಾಡಿದರೆ ಮೈಸೂರು ಪಾಕ್‌ನಷ್ಟೇ ರುಚಿಯಾಗಿರುತ್ತೆ

ರಾಗಿ ಹಾಲುಬಾಯಿ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಇಷ್ಟಪಟ್ಟು ಸವಿಯುವ ಸಿಹಿ ತಿನಿಸು. ಈ ರಾಗಿ ಹಾಲು ಬಾಯಿ ಮಾಡುವುದು ಕೂಡ ತುಂಬಾನೇ ಸುಲಭ, ಅಲ್ಲದೆ ಇದನ್ನು ತಯಾರಿ ಮಾಡಲು ನಿಮಗೆ ಹೆಚ್ಚಿನ ಸಮಯ ಕೂಡ ಬೇಕಾಗಿಲ್ಲ, ಬಲು ಸುಲಭವಾಗಿ ಮಾಡಬಹುದಾದ ಮೈಸೂರು ಪಾಕಿನಷ್ಟೇ ರುಚಿಯಾದ ಹಾಲುಬಾಯಿ ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
1 ಕಪ್‌ ರಾಗಿ
1 ಕಪ್‌ ತೆಂಗಿನ ತುರಿ
ಅರ್ಧ ಕಪ್ ಬೆಲ್ಲದ ಪುಡಿ
ಡ್ರೈಫ್ರೂಟ್ಸ್‌ (ಇದ್ದರೆ ಬಳಸಬಹುದು)
ಚಿಟಿಕೆಯಷ್ಟು ಉಪ್ಪು (ಒಂದು ಚಿಕ್ಕ ಕಲ್ಲು ಕಲ್ಲುಪ್ಪು)
ಏಲಕ್ಕಿ ಪುಡಿ ಅರ್ಧ ಚಮಚ
2 ಚಮಚ ತುಪ್ಪ

ಮಾಡುವ ವಿಧಾನ:

• ಒಂದು ಕಪ್‌ ರಾಗಿಯನ್ನು ತೊಳೆದು ನೀರಿನಲ್ಲಿ 8-10 ಗಂಟೆ ನೆನೆ ಹಾಕಿ. ಸಂಜೆ ಮಾಡುವುದಾದರೆ ಬೆಳಗ್ಗೆ ನೆನೆ ಹಾಕಿ
• ನಂತರ ಅದಕ್ಕೆ ಅರ್ಧ ಕಪ್ ನೀರು ಸೇರಿಸಿ ಚೆನ್ನಾಗಿ ರುಬ್ಬಿಕೊಳ್ಳಿ, ನಂತರ ಅದಕ್ಕೆ ಮತ್ತೆ ಅರ್ಧ ಕಪ್ ನೀರು ಸೇರಿಸಿ ಮತ್ತೆ ಒಂದು ಒಂದೆರಡು ರೌಂಡ್ ತಿರುಗಿಸಿ ನೀವು ಒಂದು ಪಾತ್ರೆಗೆ ಸೋಸಿ. ನೀವು ಸೋಸಲು ಬಟ್ಟೆ ಅಥವಾ ಸೋಸಣಿಗೆ ಬಳಸಹುದು)
• ನಂತರ ನೀವು ಒಂದು ಕಪ್‌ ತೆಂಗಿನ ತುರಿಗೆ ಒಂದು ಕಪ್‌ ನೀರು ಸೇರಿಸಿ ಅದನ್ನು ಕೂಡ ನುಣ್ಣನೆ ರುಬ್ಬಿ, ರಾಗಿ ಹಾಲು ಸಂಗ್ರಹಿಸಿಟ್ಟ ಪಾತ್ರೆಗೆ ತೆಂಗಿನ ಹಾಲು ಕೂಡ ಸೇರಿಸಿ
• ಒಂದು ಕಪ್ ಬೆಲ್ಲ ಸೇರಿಸಿ ಮಿಕ್ಸ್ ಮಾಡಿ, ಬೆಲ್ಲದ ಪುಡಿ ಅಥವಾ ಬೆಲ್ಲವನ್ನು ಕರಗಿಸಿ ಹಾಕಿ ನಂತರ ಅದನ್ನು ಮತ್ತೊಮ್ಮೆ ಸೋಸಿ
• ನಂತರ ಬಾಣಲೆಗೆ ಹಾಕಿ ಸೌಟ್‌ನಿಂದ ತಿರುಗಿಸುತ್ತಾ ಬಿಸಿ ಮಾಡಿ
• ಮಿಶ್ರಣ ಗಟ್ಟಿಯಾಗುವವರೆಗೆ ತಿರುಗಿಸುತ್ತಾ ಬಿಸಿ ಮಾಡಿ
• ನೀವು ಹೀಗೆ ಕರಗಿಸುವಾಗ ಗ್ಯಾಸ್‌ ಉರಿ ಕಡಿಮೆ ಇಡಿ, ಇಲ್ಲದಿದ್ದರೆ ಗಟ್ಟಿಯಾಗುವುದು. ಈಗ ಏಲಕ್ಕಿ ಪುಡಿ ಹಾಗೂ 2 ಚಮಚ ತುಪ್ಪ ಹಾಕಿ ಮಿಕ್ಸ್ ಮಾಡಿ, ಗ್ಯಾಸ್‌ಸ್ಟೌವ್ ಆಫ್‌ ಮಾಡ
• ಮಿಶ್ರಣ ಗಟ್ಟಿಯಾಗುವಷ್ಟು ಹೊತ್ತು ಹೀಗೆ ತಿರುಗಿಸಿ
• ನಂತರ ತಟ್ಟೆಗೆ ತುಪ್ಪ ಸವರಿ ನಂತರ ಗಟ್ಟಿ ಮಿಶ್ರಣ ಸುರಿಯಿರಿ.
• ಅದರ ಮೇಲೆ ಡ್ರೈ ಫ್ರೂಟ್ಸ್‌ ಉದುರಿಸಿ ಹಾಕಿ (ಇದ್ದರೆ ಮಾತ್ರ ಇದನ್ನು ಹಾಕಿ)
• ನಂತರ ಮಿಶ್ರಣ ಸ್ವಲ್ಪ ಗಟ್ಟಿಯಾದ ನಿಮಗೆ ಬೇಕಾದ ಆಕಾರಕ್ಕೆ ಕತ್ತರಿಸಿ ನಂತರ ಟೇಸ್ಟ್ ಮಾಡಿ ನೋಡಿ ಸೂಪರ್ ಆಗಿರುತ್ತದೆ.
• ಮಕ್ಕಳಿಗೆ ಇದನ್ನು ಮಾಡಿ ಕೊಟ್ಟರೆ ತುಂಬಾನೇ ಇಷ್ಟಪಟ್ಟು ತಿಂತಾರೆ.

ಮಕ್ಕಳಿಗೆ ಆರೋಗ್ಯಕರವಾದ ಸ್ನ್ಯಾಕ್ಸ್ ಇದಾಗಿದೆ, ಇಂಥ ಸ್ನ್ಯಾಕ್ಸ್ ಮಾಡಿಕೊಟ್ಟರೆ ಇಷ್ಟಪಟ್ಟು ತಿಂತಾರೆ, ಅವರ ಆರೋಗ್ಯಕ್ಕೆ ಅವಶ್ಯಕವಾದ ಪೌಷ್ಠಿಕಾಂಶ ಕೂಡ ದೊರೆಯುತ್ತದೆ. ಇದನ್ನು ಮಾಡಿ ಒಂದೆರಡು ದಿನದವರೆಗೆ ಇಡಬಹುದು, ಮಾಡುವುದಕ್ಕೆ ಸುಲಭವಾಗಿರುವುದರಿಂದ ನಿಮಗೆ ಯಾವಾಗ ಬೇಕೋ ಆವಾಗ ಮಾಡಿ ತಿನ್ನಬಹುದು.