ಮೂಲಂಗಿ ಚಟ್ನಿ ಟೇಸ್ಟ್‌ ಸೂಪರ್ ಆಗಿರುತ್ತದೆ: ಮೂಲವ್ಯಾಧಿಗೆ ತುಂಬಾ ಒಳ್ಳೆಯದು

Recipes

oi-Reena TK

Posted By: Reena TK

Published: Wednesday, January 3, 2024, 17:30 [IST]

ಮೂಲಂಗಿ ಎಂದರೆ ಕೆಲವರಿಗೆ ಇಷ್ಟವಾಗಲ್ಲ, ಅದರ ವಾಸನೆ ಇಷ್ಟವಿರಲ್ಲ, ರುಚಿ ಇಷ್ಟವಿರಲ್ಲ, ಮೂಲಂಗಿ ಬೇಡ್ವೆ ಬೇಡ ಎಂದು ಆ ಒಂದು ತರಕಾರಿಯನ್ನು ದೂರ ಮಾಡುವವರೇ ಅಧಿಕ, ಆದರೆ ಮೂಲಂಗಿಯಲ್ಲಿರುವ ಆರೋಗ್ಯಕರ ಗುಣ ನೋಡಿದರೆ ನೀವು ಅದನ್ನು ತಿನ್ನಲೇಬೇಕು.

ಇದು ರಕ್ತವನ್ನು ಶುದ್ಧೀಕರಿಸುತ್ತದೆ, ಮೂಲವ್ಯಾಧಿಯನ್ನು ತಡೆಗಟ್ಟುತ್ತದೆ. ನೀವು ಮೂಲಂಗಿಯಿಂದ ತುಂಬಾ ರುಚಿಯಾದ ಚಟ್ನಿ ತಯಾರಿಸಿ ತಿನ್ನಬಹುದು. ಈ ಟೇಸ್ಟ್‌ ನಿಮಗೆ ಖಂಡಿತ ತುಂಬಾನೇ ಇಷ್ಟವಾಗುವುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
2 ಚಮಚ ಎಣ್ಣೆ
1 ಚಮಚ ಕಡ್ಲೆ ಬೇಳೆ
1/2 ಜೀರಿಗೆ
1 ಚಮಚ ಕೊತ್ತಂಬರಿ ಬೀಜ
3 ಒಣ ಮೆಣಸು
3 ಎಸಳು ಬೆಳ್ಳುಳ್ಳಿ
1 ಇಂಚಿನ ಶುಂಠಿ
1 ಕಪ್‌ ಮೂಲಂಗಿ
1/4 ಚಮಚ ಅರಿಶಿಣ
2 ಚಮಚ ನೀರು
ಸ್ವಲ್ಪ ಹುಣಸೆಹಣ್ಣು
1/2 ಚಮಚ ಉಪ್ಪು

ಒಗ್ಗರಣೆಗೆ
1 ಚಮಚ ಎಣ್ಣೆ
1/2 ಚಮಚ ಸಾಸಿವೆ
ಕರಿಬೇವು
ಸ್ವಲ್ಪ ಇಂಗು

ಮಾಡುವುದು ಹೇಗೆ?
* ಮೊದಲಿಗೆ ಒಂದು ಪ್ಯಾನ್‌ಗೆ ಎಣ್ಣೆ ಹಾಕಿ ಬಿಸಿ ಮಾಡಿ
* ಎಣ್ಣೆ ಬಿಸಿಯಾದಾಗ ಅದರಲ್ಲಿ ಚೆನ್ನಾ ಕಡ್ಲೆ, 1 ಚಮಚ ಉದ್ದಿನ ಬೇಳೆ, 1/2 ಚಮಚ ಜೀರಿಗೆ, 1 ಚಮಚ ಕೊತ್ತಂಬರಿ ಬೀಜ, ಮೂರು ಒಣ ಮೆಣಸು ಹಾಕಿ.
* ಕಡಿಮೆ ಉರಿಯಲ್ಲಿ ಫ್ರೈ ಬೇಡಿ, ಕಡ್ಲೆಬೇಳೆ ಗೋಲ್ಡನ್ ಕಲರ್‌ ಬರುವವರೆಗೆ ಫ್ರೈ ಮಾಡಿ.
* ನಂತರ 3 ಬೆಳ್ಳುಳ್ಳಿ, 1 ಇಂಚಿನಷ್ಟು ಶುಂಠಿ, 1 ಕಪ್‌ ಮೂಲಂಗಿ, 1/2 ಚಮಚ ಅರಿಶಿಣ ಪುಡಿ ಸೇರಿಸಿ. ಒಂದು ನಿಮಿಷ ಸೌಟ್‌ನಿಂದ ಆಡಿಸಿ.
* ನಂತರ 2 ಚಮಚ ನೀರು ಸೇರಿಸಿ ಚೆನ್ನಾಗಿ ಮಿಕ್ಸ್‌ ಮಾಡಿ ಸೇವಿಸಿ.
* ಕಡಿಮೆ ಉರಿಯಲ್ಲಿ 5 ನಿಮಿಷ ಬೇಯಿಸಿ
* ನಂತರ ತಣ್ಣಗಾದ ಮೇಲೆ ಬ್ಲೆಂಡರ್‌ನಲ್ಲಿ ಹಾಕಿ, ಸ್ವಲ್ಪ ಹುಣಸೆಹಣ್ಣು, ರುಚಿಗೆ ತಕ್ಕ ಉಪ್ಪು ಸೇರಿಸಿ ರುಬ್ಬಿ.
* ರುಬ್ಬುವಾಗ ನೀರು ಸೇರಿಸಬೇಡಿ.
* ನಂತರ ಒಗ್ಗರಣೆ ಹಾಕಿ.
ಈ ಚಟ್ನಿ ಇಡ್ಲಿ, ದೋಸೆಗೆ ಸೂಪರ್ ಆಗಿರುತ್ತದೆ.