ರುಚಿಯಾದ ಮಟರ್ ಬಿರಿಯಾನಿ (ಹಸಿ ಬಟಾಣಿ) ಈಸಿಯಾಗಿ ಮಾಡುವುದು ಹೇಗೆ?

ಈಗ ಮಾರುಕಟ್ಟೆಯಲ್ಲಿ ಹಸಿ ಬಟಾಣಿ ಬರಲಾರಂಭಿಸಿದೆ. ಈ ಸಮಯದಲ್ಲಿ ಹಸಿ ಬಟಣಿ ಬಳಸಿ ನೀವು ಅದ್ಭುತ ರುಚಿಯ ಹಸಿ ಬಟಾಣಿ ಬಿರಿಯಾನಿ ಅಥವಾ ಮಟರ್ ಪಲಾವ್‌ ಮಾಡಬಹುದು. ಸಾಮಾನ್ಯವಾಗಿ ಮಟರ್‌ ಬಿರಿಯಾನಿ ನೀವು ರೆಸ್ಟೋರೆಂಟ್‌ಗಳಲ್ಲಿ ಖರೀದಿಸುವುದಾದರೆ ಒಂದು ಪ್ಲೇಟ್‌ಗೆ 200 ರುಪಾಯಿಗಿಂತ ಅಧಿಕವಿರುತ್ತದೆ, ಆದರೆ ಅಷ್ಟೇ ಹಣದಲ್ಲಿ ಮನೆ ಮಂದಿಯೆಲ್ಲಾ ಸವಿಯಬಹುದಾದ ಬಿರಿಯಾನಿ ಮಾಡಬಹುದು. ಈ ಬಟಾಣಿ ಬಿರಿಯಾನಿ ಹಲವು ರುಚಿಯಲ್ಲಿ ಹಲವು ವಿಧಾನದಲ್ಲಿ ಮಾಡಬಹುದು.

ಇಲ್ಲಿ ಹೆಚ್ಚೇನು ಶ್ರಮವಿಲ್ಲದೆ ಮಾಡಬಹುದಾಗ ಬಟಾಣಿ ಬಿರಿಯಾನಿ ರೆಸಿಪಿ ನೀಡಿದ್ದೇವೆ, ಇದನ್ನು ಪಲಾವ್‌ ಅಂತಲೂ ಕರಿಯಬಹುದು, ಬೆಳಗ್ಗೆ ಬ್ರೇಕ್‌ಫಾಸ್ಟ್‌ಗೆ ಅಥವಾ ನೈಟ್‌ ಡಿನ್ನರ್‌ಗೆ ಇದನ್ನು ಮಾಡಬಹುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಮಾಡುವ ವಿಧಾನ
ಒಂದು ಮುಷ್ಠಿಯಷ್ಟು ಕೊತ್ತಂಬರಿ ಸೊಪ್ಪು
ಅದರ ಅರ್ಧ ಭಾಗದಷ್ಟು ಪುದೀನಾ ಸೊಪ್ಪು
ಶುಂಠಿ (ಒಂದು ತುಂಡು)
ಬೆಳ್ಳುಳ್ಳಿ ಎಸಳು 8-10
10 ಬಾದಾಮಿ
6 ಗೋಡಂಬಿ
(ಬಾದಾಮಿ, ಗೋಡಂಬಿ ಸ್ವಲ್ಪ ನೆನೆ ಹಾಕಿ)
ಹಸಿ ಮೆಣಸು 3-4 ಕೆಲವು ಮೆಣಸು ತುಂಬಾ ಖಾರವಿರುತ್ತೆ, ಹಾಗಾಗಿ (ನಿಮ್ಮ ಖಾರಕ್ಕೆ ತಕ್ಕಷ್ಟು ಬಳಸಿ,
ಟೊಮೆಟೊ 4-5

ಅಕ್ಕಿ 2 ಚಮಚ
ತುಪ್ಪ 2 ಚಮಚ
ಚಕ್ಕೆ ಒಂದು ತುಂಡು
ಲವಂಗ 3-4
ನಕ್ಷತ್ರ ಮೊಗ್ಗು 1
ಏಲಕ್ಕಿ 2
ಪಲಾವ್‌ ಎಲೆ 2
ಹಸಿ ಬಟಾಣಿ ಅರ್ಧ ಕಪ್‌
ಉಪ್ಪಿನ ಪುಡಿ ಒಂದೂವರೆ ಚಮಚ
ನೀರು 4 ಕಪ್‌
ಅರ್ಧ ನಿಂಬೆ ಹಣ್ಣು

(ಆಲೂಗಡ್ಡೆ 2 , ದೊಡ್ಡ ಗಾತ್ರದಲ್ಲಿ ಕತ್ತರಿಸಿದ್ದು, ಇದನ್ನು ಬಳಸದೆಯೂ ಇರಬಹುದು)

ಮಾಡುವ ವಿಧಾನ

• ನೀವು ಟೊಮೆಟೊ ಕತ್ತರಿಸಿ ಮಿಕ್ಸಿ ಜಾರ್‌ಗೆ ಹಾಕಿ ನುಣ್ಣನೆ ರುಬ್ಬಿಕೊಳ್ಳಿ , ಅದನ್ನು ಒಂದು ಬೌಲ್‌ಗೆ ಹಾಕಿ
• ಈಗ ನೀವು ಗೋಡಂಬಿ, ಬಾದಾಮಿ, ಹಸಿ ಮೆಣಸು, ಬಾದಾಮಿ , ಗೋಡಂಬಿ ಮಿಕ್ಸಿಯಲ್ಲಿ ನುಣ್ಣನೆ ರುಬ್ಬಿ, ಈಗ ಅದೇ ಮಿಶ್ರಣಕ್ಕೆ ಕೊತ್ತಂಬರಿ ಸೊಪ್ಪು, ಪುದೀನಾ ಸೊಪ್ಪು ಸೇರಿಸಿ ರುಬ್ಬಿಕೊಳ್ಳಿ
• ಈಗ ಕುಕ್ಕರ್ ಬಿಸಿ ಮಾಡಿ ತುಪ್ಪ ಆಕಿ, ತುಪ್ಪ ಬಿಸಿಯಾದಾಗ ಚಕ್ಕೆ, ಲವಂಗ, ಪಲಾವ್‌ ಎಲೆ, ಏಲಕ್ಕಿ, ನಕ್ಷತ್ರ ಮೊಗ್ಗು ಸೇರಿಸಿ
• ನಂತರ ಈರುಳ್ಳಿ ಹಾಕಿ, ಈರುಳ್ಳಿ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ
• ಈಗ ರುಬ್ಬಿದ ಶುಂಠಿ-ಬೆಳ್ಳುಳ್ಳಿ , ಪುದೀನಾಸೊಪ್ಪು, ಕೊತ್ತಂಬರಿ ಸೊಪ್ಪು, ಗೋಡಂಬಿ, ಬಾದಾಮಿ ಮಿಶ್ರಣವನ್ನು ಸೇರಿಸಿ 3-4 ನಿಮಿಷ ಫ್ರೈ ಮಾಡಿ.
• ಈಗ ನೀವು ರುಬ್ಬಿದ ಟೊಮೆಟೊ ಸೇರಿಸಿ ಮತ್ತೆ 5 ನಿಮಿಷ ಫ್ರೈ ಮಾಡಿ, ಅರ್ಧ ಚಮಚ ಅರಿಶಿಣ ಪುಡಿ ಸೇರಿಸಿ
• ನಂತರ ಹಸಿ ಬಟಾಣಿ ಸೇರಿಸಿ ಮಿಕ್ಸ್ ಮಾಡಿ
• ಅಕ್ಕಿ ತೊಳೆದು ಸೇರಿಸಿ
• ಈಗ ಉಪ್ಪು ಹಾಕಿ ಮಿಕ್ಸ್ ಮಾಡಿ ನಂತರ 4 ಕಪ್‌ ನೀರು ಸೇರಿಸಿ (2 ಕಪ್‌ ಅಕ್ಕಿಗೆ 4 ಕಪ್‌ ನೀರು)
• 2 ವಿಶಲ್‌ ಬರುವವರೆಗೆ ಬೇಯಿಸಿ (ಕೆಲ ಅಕ್ಕಿಗೆ ಒಂದು ವಿಶಲ್‌ ಸಾಕು)

ಸ್ವಲ್ಪ ಹೊತ್ತು ಬಿಟ್ಟು ಅರ್ಧ ನಿಂಬೆಹಣ್ಣಿನ ರಸ ಹಿಂಡಿ ಮಿಕ್ಸ್ ಮಾಡಿ, ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಮಟರ್ ಬಿರಿಯಾನಿ ರೆಡಿ.