ಮಿಲ್ಕ್‌ ಕೇಕ್ ರೆಸಿಪಿ: ಈ ಎಗ್‌ಲೆಸ್‌ ಕೇಕ್‌ ಮಾಡುವುದು ಸುಲಭ, ರುಚಿಯಲ್ಲೂ ಸೂಪರ್

ಮಿಲ್ಕ್‌ ಕೇಕ್‌, ಈ ಎಗ್‌ ಲೆಸ್‌ ಕೇಕ್ ರುಚಿ ತುಂಬಾ ಸೂಪರ್ ಆಗಿರುತ್ತದೆ, ಮಕ್ಕಳಿಗೆ ಏನಾದರೂ ಸ್ಪೆಷಲ್ ಸಿಹಿ ತಿಂಡಿ ನೀಡಬೇಕೆನಿಸಿದಾಗ ಅಥವಾ ಸ್ನೇಹಿತರ ಮನೆಗೆ ಹೋಗುವಾಗ ಗಿಫ್ಟ್‌ ಗಿ ನೀಡಲು ಈ ರೆಸಿಪಿ ಟ್ರೈ ಮಾಡಬಹುದು, ಗುಲಾಬ್ ಜಾಮೂನ್‌ಗಿಂತ ಸ್ವಲ್ಪ ಭಿನ್ನ ರೆಸಿಪಿಯಿದು, ಈ ಮೃದುವಾದ ಕೇಕ್ ಬಾಯಿಗೆ ಹಾಕಿದರೆ ಐಸ್‌ಕ್ರೀಮ್‌ ಕರಗಿದಂತೆ ಕರಗುವುದು, ತುಂಬಾನೇ ರುಚಿ ಅನಿಸುವುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ.

ಬೇಕಾಗುವ ಸಾಮಗ್ರಿ

1 ಕಪ್ ಹಾಲಿನ ಪುಡಿ
11/2 ಕಪ್ ಮೈದಾ
1/4 ಚಮಚ ಏಲಕ್ಕಿ ಪುಡಿ
1/2 ಚಮಚ ಅಡುಗೆ ಸೋಡಾ
2 ಚಮಚ ಬೆಣ್ಣೆ ಅಥವಾ ತುಪ್ಪ
ಬಿಸಿ ಹಾಲು
ಎಣ್ಣೆ

ಸಕ್ಕರೆ ಪಾಕ
ಒಂದೂವರೆ ಕಪ್ 2 ಚಮಚ
2 ಏಲಕ್ಕಿ
ಒಂದೂವರೆ ಕಪ್ ಸಕ್ಕರೆ

ಮಾಡುವ ವಿಧಾನ

• ಒಂದು ದೊಡ್ಡ ಬೌಲ್‌ನಲ್ಲಿ ಒಂದು ಕಪ್‌ ಹಾಲಿನ ಪುಡಿ, ಒಂದೂವರೆ ಕಪ್ ಮೈದಾ, 1/2 ಚಮಚ ಅಡುಗೆ ಸೋಡಾ
• ಎಲ್ಲಾ ಸಾಮಗ್ರಿ ಒಂದು ಬೌಲ್‌ನಲ್ಲಿ ಹಾಕಿ ಮಿಶ್ರ ಮಾಡಿ. ನಂತರ 2 ಚಮಚ ಬೆಣ್ಣೆ ಅಥವಾ ತುಪ್ಪ ಹಾಕಿ ಚೆನ್ನಾಗಿ ಮಿಶ್ರ ಮಾಡಿ.
• 1/2 ಕಪ್ ಬಿಸಿ ಹಾಲು ಹಾಕಿ ಕೈಯಿಂದ ಹಿಟ್ಟು ಕಲೆಸಿ, ಚಪಾತಿಗೆ ಕಲೆಸುವ ರೀತಿಯಲ್ಲಿ, ಹಿಟ್ಟು ನೀರು ನೀರಾಗಿರಬಾರದು.
• ನಂತರ ಆ ಹಿಟ್ಟಿನಿಂದ ರೋಲ್ ಮಾಡಿ ನಂತರ ಅದನ್ನು ಆಯಾತಾಕಾರವಾಗಿ ಕತ್ತರಿಸಿ.
• ಇದೇ ಸಮಯದಲ್ಲಿ ಪ್ಯಾನ್‌ನಲ್ಲಿ ಎಣ್ಣೆ ಕುದಿಸಿ, ಈಗ ಎಣ್ಣೆಗೆ ಹಾಕಿ ಕಡಿಮೆ ಉರಿಯಲ್ಲಿ ಫ್ರೈ ಮಾಡಿ. ಅದನ್ನು ತಿರಯಗಿಸುತ್ತಾ ಇರಿ, ಗೋಲ್ಡನ್ ಬಣ್ಣಕ್ಕೆ ಬರುವಾಗ ಎಣ್ಣೆಯಿಂದ ತೆಗೆಯಿರಿ.
• ಇದೇ ಸಮಯದಲ್ಲಿ ಸಕ್ಕರೆ ಪಾಕ ರೆಡಿಯಾಗಿರಬೇಕು.
• ಸಕ್ಕರೆ ಪಾಕಗೆ ಏಲಕ್ಕಿ ಹಾಕಿ, ರುಚಿ ಸೂಪರ್ ಆಗಿರುತ್ತದೆ.
• ನಂತರ ಫ್ರೈ ಮಾಡಿದ ಕೇಕ್ ಹಾಕಿ, 2 ಗಂಟೆ ಬಳಿಕ ಸರ್ವ್‌ ಮಾಡಿ, ರುಚಿ ಸೂಪರ್ ಆಗಿರುತ್ತದೆ.

ಡೀಪ್‌ ಫ್ರೈ ಮಾಡದೆ ಕೇಕ್ ಮಾಡಬಹುದು
ನೀವು ಹಿಟ್ಟನ್ನು ಕೇಕ್‌ ರೀತಿಯಲ್ಲಿ ಮಾಡಿ, ಓವನ್‌ನಲ್ಲಿ ಇಟ್ಟು ಬೇಕ್ ಮಾಡಿ, ನಂತರ ಅದನ್ನು ಕತ್ತರಿಸಿ ಸಕ್ಕರೆ ಪಾಕಕ್ಕೆ ಹಾಕಬಹುದು.