5 ನಿಮಿಷದಲ್ಲಿ ಗೋಧಿ ಮಸಾಲೆ ದೋಸೆ ಮಾಡಬಹುದು ಅಂದ್ರೆ ನಂಬ್ತೀರಾ?; ಇಲ್ಲಿದೆ ರೆಸಿಪಿ

ನೀವು ಬೆಳಗ್ಗೆ ತಿಂಡಿಗೆ ಎಷ್ಟೊಂದು ವೆರೈಟಿ ತಿಂಡಿಗಳ ಮಾಡಿ ಸವಿದಿರುತ್ತೀರಿ. ಅದರಲ್ಲೂ ಹೊಸ ಹೊಸ ಬಗೆಯ ತಿಂಡಿ ಮಾಡುವುದು ಅಂದರೆ ಕೆಲವರಿಗೆ ಬಹಲ ಇಷ್ಟವಾಗಿರುತ್ತೆ. ಪ್ರತಿ ದಿನವೂ ಒಂದೇ ರೀತಿಯ ಖಾದ್ಯಗಳ ಸವಿಯುವುದು ಅಂದ್ರೆ ಯಾರಿಗೆ ತಾನೆ ಇಷ್ಟವಿರುತ್ತೆ ಹೇಳಿ. ಎಲ್ಲರಿಗೂ ಒಂದೇ ರುಚಿ ತಿಂಡಿ ಸವಿಯೋಕೆ ಇಷ್ಟವಾಗೋದಿಲ್ಲ. ಹೀಗಾಗಿ ಹೊಸದೇನಾದರು ತಿಂಡಿ ಮಾಡಿ ಸವಿಯಲು ಇಷ್ಟಪಡುವವರಿಗೆ ಈ ಹೊಸ ರೆಸಿಪಿಯನ್ನು ನಾವಿಂದು ಹೇಳಲಿದ್ದೇವೆ.

ಹೌದು ಬೆಳಗ್ಗೆ ಗಡಿಬಿಡಿಯಲ್ಲೂ ನಾವಿಂದು ಹೇಳುವ ಸ್ಪೆಷಲ್ ರೆಸಿಪಿ ಮಾಡಿ ಸವಿಯಬಹುದು. ಇದಕ್ಕೆ ವಿಶೇಷ ತಯಾರಿಯೂ ಬೇಕಿಲ್ಲ. ಹಾಗೆ ವಿಶೇಷ ವಸ್ತುಗಳು ಕೂಡ ಬೇಕಾಗಿಲ್ಲ. ನೀವು ಅಂದುಕೊಂಡ ಸಮಯದಲ್ಲಿ ಸುಲಭವಾಗಿ ಈ ತಿಂಡಿ ಮಾಡಬಹುದು. ನಾವಿಂದು ಇನ್‌ಸ್ಟಂಟ್ ಆಗಿ ಮಾಡುವಂತಹ ಮಸಾಲೆ ಗೋಧಿ ದೋಸೆ ಕುರಿತಂತೆ ತಿಳಿದುಕೊಳ್ಳೋಣ.

ನೀವೆಲ್ಲಾ ಸುಲಭವಾಗಿ ಮಾಡಬಹುದಾದ, ಮೆತ್ತನೆಯ ಗೋಧಿ ದೋಸೆಯನ್ನು ಬೆಳಗ್ಗೆ ಮಾಡಿ ಸವಿದಿರುತ್ತೀರಿ. ರೋಸ್ಟ್ ಮಾಡಿ ಸವಿದರೆ ಅದರ ರುಚಿ ದುಪ್ಪಟ್ಟಾಗುತ್ತೆ, ಗೋಧಿ ದೋಸೆಯ ಜೊತೆಗೆ ನಲಗಡಲೆ ಅಥವಾ ಹುರಿಗಡಲೆಯ ಚಟ್ನಿ ಬೊಂಬಾಟ್ ರುಚಿ ನೀಡುತ್ತೆ. ನೀವು ಕೂಡ ಇದನ್ನು ಸವಿದು ನೋಡಿರುತ್ತೀರಿ.

ಹಾಗಾದ್ರೆ ಬೆಳಗ್ಗೆ ತಿಂಡಿಗೆ ಸುಲಭವಾಗಿ ಇನ್‌ಸ್ಟಂಟ್ ಆಗಿ ಈ ಗೋಧಿ ಮಸಾಲೆ ದೋಸೆ ಮಾಡೋದು ಹೇಗೆ? ಈ ದೋಸೆ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡುವ ವಿಧಾನವೇನು?, ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಗೋಧಿ ಮಸಾಲೆ ದೋಸೆ ಮಾಡಲು ಬೇಕಾಗುವ ವಸ್ತುಗಳು

• ಗೋಧಿ ಹಿಟ್ಟು - 2 ಕಪ್
• ರವೆ - ಅರ್ಧ ಕಪ್
• ಕಾಳು ಮೆಣಸಿನ ಪುಡಿ- ಕಾಲು ಚಮಚ
• ಜೀರಿಗೆ- 1/2 ಟೀಸ್ಪೂನ್
• ಹಸಿರು ಮೆಣಸಿನಕಾಯಿ - 2
• ಕರಿಬೇವು
• ಕೊತ್ತಂಬರಿ ಸೊಪ್ಪು
• ಅಡುಗೆ ಎಣ್ಣೆ
• ರುಚಿಗೆ ತಕ್ಕಷ್ಟು ಉಪ್ಪು

ಗೋಧಿ ಮಸಾಲೆ ದೋಸೆ ಮಾಡುವ ವಿಧಾನವೇನು?

ಮೊದಲು ಒಂದು ಬೌಲ್‌ ತೆಗೆದುಕೊಂಡು ಅದಕ್ಕೆ ಗೋಧಿ ಹಿಟ್ಟು ಹಾಕಿಕೊಂಡು ಅದಕ್ಕೆ ಚಿರೋಟಿ ರವೆ, ಕಾಳು ಮೆಣಸಿನ ಪುಡಿ, ಉಪ್ಪು, ಜೀರಿಗೆ, ಹಸಿ ಮೆಣಸು, ಕರಿಬೇವು, ಕೊತ್ತಂಬರಿ ಸೊಪ್ಪು ಸ್ವಲ್ಪ ಸ್ವಲ್ಪ ನೀರು ಹಾಕಿಕೊಳ್ಳುತ್ತಾ ಮಿಕ್ಸ್ ಮಾಡಿಕೊಳ್ಳಿ. ಒಂದೇ ಬಾರಿಗೆ ನೀರು ಹಾಕಿಕೊಳ್ಳಬೇಡಿ, ನಿಧಾನವಕ್ಕೆ ಸ್ವಲ್ಪ ಸ್ವಲ್ಒ ನೀರು ಹಾಕಿ ಮಿಕ್ಸ್ ಮಾಡಿಕೊಳ್ಳಿ.

ಇದು ದೋಸೆ ಹಿಟ್ಟಿನಂತೆಯೇ ದಪ್ಪವಾಗಿರ ಇರಬೇಕು. ಹಿಟ್ಟು ತೆಳು ಮಾಡಿಕೊಳ್ಳಬೇಡಿ. ತೆಳುವಾದರೆ ಮತ್ತೆ ಗೋಧಿ ಹಿಟ್ಟು ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ನಂತರ ಒಲೆ ಮೇಲೆ ಒಂದು ದೋಸೆ ಕಾವಲಿ ಇಟ್ಟು ಬಿಸಿ ಮಾಡಿ ನಂತರ ಎಣ್ಣೆ ಹಚ್ಚಿಕೊಂಡು ಹಿಟ್ಟನ್ನು ಹಾಕಿಕೊಂಡು ಮೇಲೆ ಎಣ್ಣೆ ಹಾಕಿ ಕರಿಯಲು ಬಿಡಿಬೇಕು.

ರವೆ ಹಾಕಿರುವುದರಿಂದು ರೋಸ್ಟ್ ಮಾಡಿದರೆ ರುಚಿ ದುಪ್ಪಟ್ಟಾಗುತ್ತೆ, ದೋಸೆಯ ಎರಡೂ ಕಡೆ ಕರಿದುಕೊಳ್ಳಿ. ಇಷ್ಟಾದರೆ ಸುಲಭದ ಗೋಧಿ ಮಸಾಲೆ ದೋಸೆ ರೆಡಿಯಾಗುತ್ತೆ. ನೀವು ಕೂಡ ಬೆಳಗ್ಗೆ ಮನೆಯಲ್ಲಿ ಈ ದೋಸೆಯನ್ನೊಮ್ಮೆ ಟ್ರೈ ಮಾಡಿ ನೋಡಿ. ಇದರ ರುಚಿಗೆ ನೀವು ಮತ್ತೆ ಮತ್ತೆ ಮಾಡಿ ಸವಿಯೋದು ಖಚಿತ.