ಗಡಿಬಿಡಿಯಲ್ಲಿದ್ದಾಗ ಥಟ್ ಅಂತ ಮಾಡಿ ಸ್ಪೆಷಲ್ ಅವಲಕ್ಕಿ ಚಿತ್ರಾನ್ನ..!10 ನಿಮಿಷವೂ ಅಗತ್ಯವಿಲ್ಲ

ಬೆಳಗ್ಗೆ ಸಮಯ ಇಲ್ಲದಾಗ ನೀವು ಗಡಿ ಬಿಡಿಯಲ್ಲಿ ಯಾವ ತಿಂಡಿ ಮಾಡಬೇಕು ಎಂಬ ಗೊಂದಲದಲ್ಲೇ ಸಮಯ ಕಳೆಯುತ್ತಿರುತ್ತದೆ. ಕೆಲವೊಮ್ಮೆ ಬೆಳಗ್ಗೆ ಕಡಿಮೆ ಸಮಯದಲ್ಲಿ ಯಾವುದಾದರು ತಿಂಡಿ ಮಾಡಬೇಕಾಗಿರುತ್ತೆ. ಈ ಸಮಯದಲ್ಲಿ ನೀವು ಚಿತ್ರಾನ್ನ ಅಥವಾ ಅವಲಕ್ಕಿ ಮಾಡುವುದು ಕಾಮನ್. ಏಕೆಂದರೆ ಈ ತಿಂಡಿ ಸುಲಭವಾಗಿ ಕಡಿಮೆ ಸಮಯದಲ್ಲಿ ಮಾಡುತ್ತೀರಿ.

ಆದ್ರೆ ಚಿತ್ರಾನ್ನ ಹಾಗೂ ಅವಲಕ್ಕಿ ಒಟ್ಟಿಗೆ ಮಾಡುವಂತಹ ಖಾದ್ಯ ನಿಮಗೆ ಗೊತ್ತಾ? ಹೌದು ಅವಲಕ್ಕಿ ಚಿತ್ರಾನ್ನ ಇದಕ್ಕೆಲ್ಲ ಉತ್ತರ ನೀಡಲಿದೆ. ಅವಲಕ್ಕಿ ಚಿತ್ರಾನ್ನವನ್ನು ನೀವು ಒಮ್ಮೆ ಸವಿದರೆ ಮತ್ತೆ ಮತ್ತೆ ಮಾಡಿ ಸವಿಯಲು ಮುಂದಾಗುತ್ತೀರಿ. ಇದನ್ನು ಮಾಡೋದು ಕೂಡ ತುಂಬಾನೆ ಸುಲಭ. ಅದರಲ್ಲೂ ಬೆಳಗ್ಗೆ ಸಮಯ ಇಲ್ಲದಾಗ ಮಾಡುವಂತಹ ಖಾದ್ಯ ಇದಾಗಿದೆ.

ಹೀಗಾಗಿ ನಾವಿಂದು ಸುಲಭವಾಗಿ ಬೆಳಗ್ಗೆ ತಿಂಡಿಗೆ ಕಡಿಮೆ ಸಮಯದಲ್ಲಿ ಅವಲಕ್ಕಿ ಚಿತ್ರಾನ್ನ ಮಾಡುವ ಕುರಿತು ತಿಳಿದುಕೊಳ್ಳೋಣ. ಈ ಚಿತ್ರಾನ್ನ ನೆಲಗಡಲೆ ಬಳಸಿ ಮಾಡುವುದನ್ನು ನೋಡೋಣ. ಹೀಗಾಗಿ ಇರ ರುಚಿ ಕೂಡ ಬೇರೆ ರೀತಿಯ ಸ್ವಾದ ನೀಡಲಿದೆ. ಈ ಅವಲಕ್ಕಿ ಚಿತ್ರಾನ್ನ ಮಾಡುವುದು ಹೇಗೆ?, ಅವಲಕ್ಕಿ ಚಿತ್ರಾನ್ನ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ಇಲ್ಲಿ ತಿಳಿದಿಕೊಳ್ಳೋಣ.

ಅವಲಕ್ಕಿ ಚಿತ್ರಾನ್ನ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?

• ಅವಲಕ್ಕಿ- 2 ಕಪ್
• ಈರುಳ್ಳಿ - 1
• ಕಡಲೆ ಬೇಳೆ
• ನೆಲಗಡಲೆ
• ಹಸಿರು ಮೆಣಸಿನಕಾಯಿ - 3
• ಕರಿಬೇವಿನ ಎಲೆಗಳು
• ಅರಿಶಿನ ಪುಡಿ
• ನಿಂಬೆಹಣ್ಣು
• ಸಾಸಿವೆ
• ಜೀರಿಗೆ
• ರುಚಿಗೆ ಉಪ್ಪು
• ಎಣ್ಣೆ

ಅವಲಕ್ಕಿ ಚಿತ್ರಾನ್ನ ಮಾಡುವುದು ಹೇಗೆ?

ಮೊದಲು ಅವಲಕ್ಕಿಯನ್ನು ನೀರಿನಲ್ಲಿ ತೊಳೆದು ಹಿಂಡಿಕೊಂಡು ಒಂದು ಬೌಲ್‌ಗೆ ಹಾಕಿಟ್ಟುಕೊಳ್ಳಿ. ಅಥವಾ ನೀರು ಸಂಪೂರ್ಣ ಇಳಿದು ಚೆನ್ನಾಗಿ ಡ್ರೈ ಆಗುವಂತೆ ಮಾಡಿಕೊಳ್ಳಿ. ಅನಂತರ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಎಣ್ಣೆ ಹಾಕಿ ಎಣ್ಣೆ ಬಿಸಿಯಾದ ಬಳಿಕ ಅದಕ್ಕೆ ಕಡಲೆ ಬೀಜ ಹಾಕಿ ಫ್ರೈ ಮಾಡಿ. ಹಾಗೆ ಎತ್ತಿಟ್ಟುಕೊಳ್ಳಿ.

ಈ ಅದೇ ಪಾತ್ರೆಗೆ ಕಡಲೆಬೇಳೆ, ಸಾಸಿವೆ, ಜೀರಿಗೆ ಹಾಕಿಕೊಂಡು ಫ್ರೈ ಮಾಡಿ. ಹಾಗೆ ಇದಕ್ಕೆ ಹಸಿ ಮೆಣಸು, ಈರುಳ್ಳಿ, ಕರಿಬೇವು ಸಹ ಹಾಕಿಕೊಂಡು 2 ನಿಮಿಷ ಫ್ರೈ ಮಾಡಿ. ಈ ನಡುವೆ ಸ್ವಲ್ಪ ಅರಶಿಣ ಕೂಡ ಹಾಕಿಕೊಳ್ಳಿ. ಈಗ ಮೊದಲು ಹುರಿದು ಇಟ್ಟಿರುವ ಕಡಲೆ ಬೀಜವನ್ನು ಕೂಡ ಹಾಕಿಕೊಂಡು ಚೆನ್ನಾಗಿ ಕಲಸಿಕೊಳ್ಳಿ.

ಈಗ ತೊಳೆದಿಟ್ಟಿದ್ದ ಅವಕ್ಕಿಯನ್ನು ಇದಕ್ಕೆ ಹಾಕಿಕೊಂಡು ಮಿಕ್ಸ್ ಮಾಡಿಕೊಳ್ಳಿ. ಮೀಡಿಯಂ ಅವಲಕ್ಕಿ ಬಳಸಿಕೊಳ್ಳಿ. ಇದಕ್ಕೆ ರುಚಿಗರ ತಕ್ಕಷ್ಟು ಉಪ್ಪು ಹಾಕಿಕೊಂಡು ಕಲಸಿಕೊಳ್ಳಿ. ಕೊನೆಯದಾಗಿ ನಿಂಬೆ ಹಣ್ಣಿನ ರಸ ಹಾಗೂ ಕೊತ್ತಂಬರಿ ಸೊಪ್ಪ ಹಾಕಿಕೊಂಡು ಒಮ್ಮೆ ಮಿಕ್ಸ್ ಮಾಡಿ ಒಲೆ ಆಫ್ ಮಾಡಿಕೊಂಡು ಇಳಿಸಿಕೊಳ್ಳಿ.

ಇ‍ಷ್ಟಾದರೆ ಬೆಳಗ್ಗೆ ಸವಿಯಲು ಈ ಅವಲಕ್ಕಿ ಚಿತ್ರಾನ್ನ ರೆಡಿಯಾಗುತ್ತದೆ, ನೀವು ಕೂಡ ಮನೆಯಲ್ಲಿ ಬೆಳಗ್ಗೆ ಟ್ರೈ ಮಾಡಿ ನೋಡಿ.