ಬದನೆಕಾಯಿ ಎಣ್ಣೆಗಾಯಿ ಹೀಗೆ ಟ್ರೈ ಮಾಡಿ ನೋಡಿ, ತಿಂದರವರು ನಿಮ್ಮ ಕೈರುಯಚಿ ಹೊಗಳದೆ ಇರಲ್ಲ

ಎಣ್ಣೆ ಬದನೆಕಾಯಿ ರುಚಿಗೆ ಮನಸೋಲದವರು ಯಾರಿದ್ದಾರೆ ಅಲ್ವಾ? ಚಪಾತಿ, ರೊಟ್ಟಿ, ಬಿಸಿ ಬಿಸಿ ಅನ್ನ ಇವುಗಳಿಗೆ ಎಣ್ಣೆ ಬದನೆಕಾಯಿ ಇದ್ದರೆ ನಾವು ಹೊಟ್ಟೆ ತುಂಬಿದರೂ ಒಂದುತುತ್ತು ಹೆಚ್ಚೇ ತಿನ್ನುತ್ತೇವೆ, ಅಷ್ಟೊಂದು ರುಚಿಯಾಗಿರುತ್ತದೆ. ಈ ಬದನೆಕಾಯಿ ಸಾರು ಹಲವಾರು ವಿಧಾನದಲ್ಲಿ ಮಾಡುತ್ತಾರೆ, ಆದರೆ ನಾವಿಲ್ಲಿ ಸುಲಭವಾಗಿ ಮಾಡಬಹುದಾದ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಗ್ರಿ

1/4ಕಪ್‌ ನೆಲಗಡಲೆ
2 ಚಮಚ ಬಿಳಿ ಎಳ್ಳು
2 ಚಮಚ ಎಣ್ಣೆ
2 ಚಮಚ ಕಡ್ಲೆ ಬೇಳೆ
ಕೊತ್ತಂಬರಿ ಬೀಜ 1 ಚಮಚ
1/2 ಚಮಚ ಜೀರಿಗೆ
1/4 ಚಮಚ ಮೆಂತೆ
ಸ್ವಲ್ಪ ಒಣ ಮೆಣಸು
ಕರಿಬೇವು
ತೆಂಗಿನ ತುರಿ 1/2 ಕಪ್
ಸ್ವಲ್ಪ ಹುಣಸೆಹಣ್ಣು
ಸ್ವಲ್ಪ ಬೆಲ್ಲ
ಸ್ವಲ್ಪ ಅರಿಸಿನ
ರುಚಿಗೆ ತಕ್ಕ ಉಪ್ಪು
ಗ್ರೈಂಡ್‌ ಮಾಡಲು ಸ್ವಲ್ಪ ಉಪ್ಪು

ಬದನೆ 10-15(ಚಿಕ್ಕ ಬದನೆ)
ಎಣ್ಣೆ
ಸ್ವಲ್ಪ ಕರಿಬೇವು
1/2 ಕಪ್‌ ನೀರು

ಮಾಡುವ ವಿಧಾನ

ಈವು ನೆಲಗಡಲೆಯನ್ನು ರೋಸ್ಟ್‌ ಮಾಡಿ ತಟ್ಟೆಗೆ ಹಾಕಿ
ಅದೇ ರೀತಿ ಎಳ್ಳು ರೋಸ್ಟ್‌ ಮಾಡಿ
ಕಡ್ಲೆ ಬೇಳೆ ರೋಸ್ಟ್‌ ಮಾಡಿ
ಕೊತ್ತಂಬರಿ ಬೀಜ ಕೂಡ ಹುರಿಯಿರಿ.
ಜೀರಿಗೆ, ಮೆಂತೆ ಹುರಿಯಿರಿ
ಒಣ ಮೆಣಸು ಹುರಿಯಿರಿ

ತೆಂಗಿತುರಿಗೆ 1 ಚಮಚ ಎಣ್ಣೆ ಹಾಕಿ ಹುರಿಯಿರಿ

ಸ್ಟೆಪ್ 1
ಈಗ ನೀವು ರೋಸ್ಟ್‌ ಮಾಡಿದ ಸಾಮಗ್ರಿ, ತೆಂಗಿನ ತುರಿ, ಹುಣಸೆಹಣ್ಣು, ಉಪ್ಪು, ಅರಿಶಿಣ ಪುಡಿ, ಸ್ವಲ್ಪ ನೀರು ಹಾಕಿ ಪೇಸ್ಟ್‌ ಮಾಡಿ.

ಸ್ಟೆಪ್ 2

ಈಗ ನೀವು ಬದನೆಕಾಯಿ ತೊಟ್ಟು ತೆಗಿಯಬೇಡಿ, ಅದನ್ನು ಹಾಗೆಯೇ ಮುಕ್ಕಾಲು ಭಾಗ ಕತ್ತರಿಸಿ, ಏಕೆಂದರೆ ಮಸಾಲೆ ಅದರೊಳಗೆ ತುಂಬುವಂತೆ ಇರಬೇಕು

ಸ್ಟೆಪ್‌ 3
ಈಗ ನೀವು ರುಬ್ಬಿದ ಮಸಾಲೆಯನ್ನು ಎರಡು ಭಾಗ ಮಾಡಿ, ಒಂದು ಭಾಗ ಮಸಾಲೆಯನ್ನು ಬದನೆಕಾಯಿ ಒಳಗಡೆ ತುಂಬಲು ಬಳಸಿ, ಎಲ್ಲಾ ಬದನೆಕಾಯಿ ಒಳಗಡೆ ತುಂಬಿ

ಸ್ಟೆಪ್ 4
ತವಾಗೆ 3-4 ಚಮಚ ಎಣ್ಣೆ ಹಾಕಿ ಅದರಲ್ಲಿ ಬದನೆಕಾಯಿ ಇಟ್ಟು ರೋಸ್ಟ್ ಮಾಡಿ

ಸ್ಟೆಪ್‌ 5
ಈಗ ನೀವು ಸಾರಿನ ಪಾತ್ರೆ ಬಿಸಿ ಮಾಡಿ 1 ಚಮಚ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಸಾಸಿವೆ ಹಾಕಿ, ಚಟ್‌ಪಟ್‌ ಶಬ್ದ ಮಾಡುವಾಗ ಕರಿಬೇವು ಹಾಕಿ, ಈಗ ರುಬ್ಬಿದ ಮಸಾಲೆ ಹಾಕಿ, ನೀರು ಹಾಕಿ ಕುದಿಸಿ, ಉಪ್ಪು ಸರಿಯಿದೆಯೇ ನೋಡಿ, ನಂತರ ರೋಸ್ಟ್‌ ಮಾಡಿದ ಬದನೆಕಾಯಿ ಹಾಕಿ ಕಡಿಮೆ ಉರಿಯಲ್ಲಿ 5 ನಿಮಿಷ ಕುದಿಸಿದರೆ ಸಾಕು, ಸೂಪರ್ ಟೇಸ್ಟ್‌ನ ಎಣ್ಣೆ ಬದನೆಕಾಯಿ ರೆಡಿ.

ಸಲಹೆ: ನೀವು ಕೊತ್ತಂಬರಿ ಬೀಜ, ಒಣ ಮೆಣಸು ಬದಲಿಗೆ ಪುಡಿ ಬಳಸಬಹುದು

ಈ ಎಣ್ಣೆಗಾಯಿಗೆ ಯಾವುದೇ ಬದನೆ ಬಳಸಬಹುದು, ಎಣ್ಣೆ ಬದನೆ, ರೌಂಡ್‌ ಆಗಿ ಬರುತ್ತೆ ಅದನ್ನು ಬೇಕಾದರೂ ಬಳಸಬಹುದು.

ಇಲ್ಲಾ ದಪ್ಪ ಗಾತ್ರದ್ದು ಬದನೆಕಾಯಿ ಇದ್ದರೆ ಅದನ್ನು ಉದ್ದುದ್ದ ತುಂಡಾಗಿ ಕತ್ತರಿಸಿ,ಅದರ ಮೇಲೆ ಮಸಾಲೆ ಲೇಪಿಸಿ ಎಣ್ಣೆಯಲ್ಲಿ ರೋಸ್ಟ್‌ ಮಾಡಿ ಬಳಸಬಹುದು, ನೀವು ಬದನೆಕಾಯಿಯಲ್ಲಿ ಭಿನ್ನ ಟ್ರೈ ಮಾಡಿದಂತೆ ಮಸಾಲೆ ಒಂದೇ ಆಗಿದ್ದರು ರುಚಿ ಮಾತ್ರ ಭಿನ್ನವಾಗಿರುತ್ತದೆ.

ಇನ್ನ ಎಣ್ಣೆ ಕೂಡ ಅಷ್ಟೇ ಸೂರ್ಯಕಾಂತಿ ಎಣ್ಣೆ, ಸಾಸಿವೆಯೆಣ್ಣೆ, ನೆಲಕಡ್ಲೆ ಎಣ್ಣೆ ಅಂತ ಬೇರೆ-ಬೇರೆ ಎಣ್ಣೆ ಟ್ರೈ ಮಾಡಬಹುದು, ಎಣ್ಣೆ ಬದಲಾದಾಗ ರುಚಿಯೂ ಭಿನ್ನವಾಗಿರುತ್ತೆ