10 ರೂಪಾಯಿ ಪಾರ್ಲೆ ಜಿ ಬಿಸ್ಕೇಟ್‌ನಲ್ಲಿ ಜಾಮೂನ್ ಮಾಡಿ.! ಎಷ್ಟು ಸುಲಭ ಗೊತ್ತಾ?

ನೀವು ಬಿಸ್ಕೇಟ್‌ನಿಂದ ಒಂದಿಷ್ಟು ರುಚಿ ರುಚಿಯ ಖಾದ್ಯಗಳ ಮಾಡಿ ಸವಿದಿರಬಹುದು. ಅದ್ರಲ್ಲೂ ಬಿಸ್ಕೇಟ್‌ನಿಂದ ಕೇಕ್, ಬೋಂಡಾ, ಬಜ್ಜಿ, ಮಸಾಲ ಮಂಡಕ್ಕಿಯೊಂದಿಗೆ ಬೆರೆಸಲು, ಹಾಗೆ ಸ್ವೀಟ್ ಕಾರ್ನ್‌ ಜೊತೆ ಸವಿಯಲು ಸೇರಿ ಹಲವು ರೀತಿಯ ಖಾದ್ಯಗಳನ್ನು ನೀವು ಕೂಡ ಸವಿದಿರುತ್ತೀರಿ. ಅದ್ರಲ್ಲೂ ಹೆಚ್ಚಾಗಿ ಪಾರ್ಲೆ ಜಿ ಬಿಸ್ಕೇಟ್‌ನಿಂದ ಒಂದಿಷ್ಟು ತಿಂಡಿಗಳನ್ನು ಮಾಡಿ ಸವಿಯಬಹುದು ಎಂಬುದು ನಿಮಗೂ ಕೂಡ ತಿಳಿದಿದೆ.

ಈ ಬಿಸ್ಕೇಟ್‌ನಿಂದ ಎಂದಾದ್ರು ಅದ್ಭುತವಾಗ ಜಾಮೂನ್ ಮಾಡಿ ಸವಿದಿದ್ದೀರಾ? ಹೌದು ಜಾಮೂನ್ ಎಲ್ಲರಿಗೂ ಇಷ್ಟವಾಗುವ ಸಿಹಿ ಪದಾರ್ಥ. ಮನೆಯಲ್ಲಿ ವಿಶೇಷ ದಿನಗಳು, ಹಬ್ಬಗಳಿದ್ದಾಗ ಎಲ್ಲರು ಮಾಡಿ ಸವಿಯುತ್ತಾರೆ. ಬಹಳ ಕಡಿಮೆ ಸಮಯದಲ್ಲಿ ಕಡಿಮೆ ವಸ್ತುಗಳ ಬಳಸಿಕೊಂಡು ಮಾಡಿ ಸವಿಯಬಹುದಾಗಿರೋದ್ರಿಂದ ಎಲ್ಲರಿಗೂ ಇಷ್ಟವಾಗುತ್ತೆ.

ಇನ್ನು ಪಾರ್ಲೆ ಜಿ ಬಿಸ್ಕೇಟ್‌ನಿಂದ ಎಂದಾದ್ರು ಈ ಜಾಮೂನ್ ಮಾಡಿ ಸವಿದಿದ್ದೀರಾ? ಈ ಬಿಸ್ಕೆಟ್‌ನಲ್ಲಿ ಮಾಡುವ ಜಾಮೂನ್ ಅದ್ಭುತ ರುಚಿ ನೀಡಲಿದೆ. ನೀವು ಸಹ ಒಮ್ಮೆ ಇದನ್ನು ಮಾಡಿ ಸವಿದರೆ ಪದೇ ಪದೇ ಮಾಡಿ ಸವಿಯಲು ಮುಂದಾಗೋದು ಖಚಿತ ಹಾಗಾದ್ರೆ ಪಾರ್ಲೆ ಜಿ ಬಿಸ್ಕೇಟ್‌ನಿಂದ ರುಚಿ ರುಚಿಯ ಜಾಮೂನ್ ಮಾಡುವುದು ಹೇಗೆ ಅನ್ನೋದನ್ನು ನೋಡೋಣ.

ಪಾರ್ಲೆ ಜಿ ಬಿಸ್ಕೇಟ್‌ನಿಂದ ಜಾಮೂನ್ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?, ಮಾಡುವ ವಿಧಾನವೇನು? ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಪಾರ್ಲೆ ಜಿ ಬಿಸ್ಕೇಟ್‌ನಿಂದ ಜಾಮೂನ್ ಮಾಡಲು ಯಾವೆಲ್ಲಾ ವಸ್ತು ಬೇಕು?

• ಬಿಸ್ಕೇಟ್ - 3
• ಹಾಲು
• ಗೋಧಿ ಹಿಟ್ಟು
• ಸಕ್ಕರೆ
• ಏಲಕ್ಕಿ ಪುಡಿ
• ಎಣ್ಣೆ

ಪಾರ್ಲೆ ಜಿ ಬಿಸ್ಕೇಟ್‌ನಿಂದ ಜಾಮೂನ್ ಮಾಡುವುದು ಹೇಗೆ?

ಮೊದಲಿಗೆ ಬಿಸ್ಕೇಟ್‌ಗಳನ್ನು ಬಿಡಿಸಿ ಒಂದು ಪಾತ್ರೆಗೆ ಹಾಕಿಕೊಂಡು ಒಲೆ ಮೇಲೆ ಇಟ್ಟುಕೊಳ್ಳಿ. ನಂತರ ಅದಕ್ಕೆ ಕಾಲು ಲೀಟರ್ ಹಾಲು ಹಾಕಿಕೊಳ್ಳಿ. ಅನಂತರ ಸಣ್ಣ ಉರಿಯಲ್ಲಿ ಬೆಯಲು ಬಿಡಿ. ಇದು ಬಿಸ್ಕೇಟ್ ಪುಡಿಯಾಗುವಂತೆ ಕಲಸಿಕೊಳ್ಳಿಕೊಳ್ಳಿ. ಮೊದಲೇ ಬಿಸ್ಕೇಟ್ ಅನ್ನು ಪುಡಿ ಮಾಡಿಯೂ ಇದಕ್ಕೆ ಬಳಸಬಹುದು. ಇದು ಪುಡಿಯಾಗುತ್ತಾ ಹೋದಂತೆ ಗಟ್ಟಿಯಾಗಲು ಆರಂಭಿಸಲಿದೆ.

ಈಗ ಸ್ವಲ್ಪ ಗೋಧಿ ಹಿಟ್ಟು ಹಾಕಿ ಕಲಸಿಕೊಳ್ಳಿ. ಗೋಧಿ ಹಿಟ್ಟು ಚೆನ್ನಾಗಿ ಮಿಕ್ಸ್ ಆದಾಗ 2 ಸ್ಪೂನ್ ತುಪ್ಪ ಹಾಕಿಕೊಂಡು ಮತ್ತೆ ಮಿಕ್ಸ್ ಮಾಡಿ ಸಣ್ಣ ಉರಿಯಲ್ಲಿ ಮಿಶ್ರಣ ಮಾಡುತ್ತಲೇ ಇರಿ. ಇದು ಹೋಳಿಗೆ ಮಾಡುವ ಹೂರ್ಣದಂತೆ ಬರುವವರೆಗೂ ಮಿಕ್ಸ್ ಮಾಡುತ್ತಲೇ ಇರಿ. ಇಷ್ಟಾದ ಬಳಿಕ ಒಲೆ ಆಫ್ ಮಾಡಿಕೊಂಡು ಇಳಿಸಿಕೊಳ್ಳಿ.

ಈಗ ಈ ಹಿಟ್ಟು ಸ್ವಲ್ಪ ತಣ್ಣಗಾಗಲು ಬಿಡಿ. ಈ ಸಮಯದಲ್ಲಿ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಅದಕ್ಕೆ ಸ್ವಲ್ಪ ಸಕ್ಕರೆ ಹಾಕಿ ಸ್ವಲ್ಪ ನೀರು ಸಹ ಹಾಕಿಕೊಂಡು ಕರಗಲು ಬಿಡಿ, ಹಾಗೆ ಇದಕ್ಕೆ ಏಲಕ್ಕಿ ಪುಡಿ ಹಾಕಿ ಮಿಶ್ರಣ ಮಾಡಿ. ಸಕ್ಕರೆ ಸ್ವಲ್ಪ ಕರಗಿದರೆ ಸಾಕಾಗುತ್ತದೆ. ಹೀಗೆ ಪಾಕ ಮಾಡಿಕೊಂಡು ತೆಗೆದಿಟ್ಟುಕೊಳ್ಳಿ.

ಈಗ ಹಿಟ್ಟನ್ನು ಮತ್ತೊಮ್ಮೆ ಹದ ಮಾಡಿ, ಸಣ್ಣ ಸಣ್ಣ ಉಂಡೆಗಳ ಮಾಡಿಕೊಳ್ಳಿ. ಅಷ್ಟು ಹಿಟ್ಟನ್ನು ಉಂಡೆ ಮಾಡಿಕೊಳ್ಳಿ. ನಂತರ ಬಾಣಲೆಯಲ್ಲಿ ಎಣ್ಣೆ ಹಾಕಿ ಈ ಉಂಡೆಗಳ ಹಾಕಿ ಫ್ರೈ ಮಾಡಿಕೊಳ್ಳಿ. ಜಾಮೂನ್ ಮಾಡಿದಂತೆಯೇ ವಿಧಾನದಲ್ಲಿ ಫ್ರೈ ಮಾಡಿಕೊಂಡು ಸಕ್ಕರೆ ಪಾಕದಲ್ಲಿ ಹಾಕಿಬಿಡಿ. ಪಾಕ ಸ್ವಲ್ಪ ಬಿಸಿ ಇರುವಾಗ ಹಾಕಿಕೊಂಡು 5 ನಿಮಿಷ ಹಾಗೆಯೇ ಬಿಡಿ. ಪಾಕ ಹೀರಿಕೊಂಡ ಬಳಿಕ ಇದನ್ನು ಸವಿಯಲು ನೀಡಬಹುದು. ನೀವು ಸಹ ಒಮ್ಮೆ ಮನೆಯಲ್ಲಿ ಇದನ್ನು ಮಾಡಿ ನೋಡಿ.