ಬನ್‌ ದೋಸೆ ಟ್ರೈ ಮಾಡದ್ದೀರಾ? ಉದ್ದು ಬೇಕಾಗಿಲ್ಲ, ಖಾರ ಚಟ್ನಿ ಜೊತೆ ಸವಿಯಲು ಸೂಪರ್‌

ಬನ್‌ ದೋಸೆ ಬಾಯಿಗೆ ಇಟ್ಟ ತಕ್ಷಣ ವಾವ್‌! ಎಷ್ಟು ಸೂಪರ್ ಎಂದು ನಮಗನಿಸದೆ ಇರಲ್ಲ, ಇದನ್ನು ಬಲು ಸುಲಭವಾಗಿ ಮಾಡಬಹುದು, ಅಲ್ಲದೆ ಉದ್ದಿನ ಬೇಳೆ ಬೇಕಾಗಿಲ್ಲ, ಈ ದೋಸೆ ಹುಳಿ ಟೇಸ್ಟ್ ಇರಲ್ಲ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
2 ಕಪ್‌ ಅಕ್ಕಿ
1/2 ಚಮಚ ಮೆಂತೆ
1 ಕಪ್ ಅವಲಕ್ಕಿ
1ಕಪ್‌ ತೆಂಗಿನ ತುರಿ
ರುಚಿಗೆ ತಕ್ಕ ಉಪ್ಪು
ನೀರು

ಒಗ್ಗರಣೆಗೆ
2-3 ಚಮಚ ಎಣ್ಣೆ
1/2 ಚಮಚ ಸಾಸಿವೆ
1 ಚಮಚ ಉದ್ದಿನ ಬೇಳೆ
2-3 ಹಸಿಮೆಣಸು
ಕರಿಬೇವು
ಈರುಳ್ಳಿ 2
ಜೀರಿಗೆ 1 ಚಮಚ

ಮಾಡುವ ವಿಧಾನ:

• ನೀವು ಅಕ್ಕಿ ಮತ್ತು ಮೆಂತೆಯನ್ನು 5-6 ಗಂಟೆ ನೆನೆ ಹಾಕಿ, ಕಡಿಮೆಯೆಂದರೂ ನಾಲ್ಕು ಗಂಟೆ ನೆನೆ ಹಾಕಿ
• ನಂತರ ಅಕ್ಕಿಯನ್ನು ತೊಳೆದು ನುಣ್ಣನೆ ರುಬ್ಬಿ
• ಇದನ್ನು ಬೌಲ್‌ಗೆ ಹಾಕಿ
• ನಂತರ ಅವಲಕ್ಕಿ ಮತ್ತು ತೆಂಗಿನ ತುರಿಯನ್ನು ನುಣ್ಣನೆ ರುಬ್ಬಿ
• ಇದನ್ನು ಬೌಲ್‌ಗೆ ಹಾಕಿ ಮಿಕ್ಸ್ ಮಾಡಿ, ಉಪ್ಪು ಸೇರಿಸಿ ಮಿಕ್ಸ್ ಮಾಡಿ ಹುದುಗು ಬರಲು 8 ಗಂಟೆ ಇಡಿ.

ಈಗ ಹುದುಗು ಬಂದ ಹಟ್ಟಿಗೆ ಒಗ್ಗರಣೆ ಹಾಕಬೇಕು

ನೀವು ಎಣ್ಣೆ ಬಿಸಿ ಮಾಡಿ
ನಂತರ ಸಾಸಿವೆ, ಜೀರಿಗೆ ಹಾಕಿ
ಕರಿಬೇವು ಹಾಕಿ
ಈರುಳ್ಳಿ ಹಾಕಿ, ಈರುಳ್ಳಿ ರೋಸ್ಟ್ ಮಾಡಿ
ನಂತರ ಇದನ್ನು ಹಿಟ್ಟಿಗೆ ಹಾಕಿ ಮಿಕ್ಸ್ ಮಾಡಿ
ಈಗ ತವಾ ಹಾಕಿ ಬಿಸಿ ಮಾಡಿ ಎಣ್ಣೆ ಸವರಿ ದೋಸೆ ಹಿಟ್ಟನ್ನು ಹಾಕಿ,ಆದರೆ ಹರಡಬೇಡಿ, ಮಂದವಾಗಿ ಇರಲಿ
ತವಾದ ಮುಚ್ಚಳ ಮುಚ್ಚಿ ಬೇಯಿಸಿ, ದೋಸೆ ಬೆಂದ ಮೇಲೆ ಮಗುಚಿ ಹಾಕಿಮತ್ತೆ 1 ನಿಮಿಷ ಬೇಯಿಸಿ ತೆಗೆದರೆ ರುಚಿಯಾದ ಬನ್‌ ದೋಸೆ ರೆಡಿ.

ಇದನ್ನು ಖಾರ ಚಟ್ನಿ ಜೊತೆ ಸವಿದು ನೋಡಿ ಸೂಪರ್‌ ಆಗಿರುತ್ತೆ.

ಖಾರ ಚಟ್ನಿ ರೆಸಿಪಿ
ತೆಂಗಿನ ತುರಿ 1 ಕಪ್‌
ಹಸಿ ಮೆಣಸು 3-4
ಸ್ವಲ್ಪ ಹುಣಸೆಹಣ್ಣು
ಹುರಿಗಡಲೆ ಸ್ವಲ್ಪ
ಈರುಳ್ಳಿ 1
ರುಚಿಗೆ ತಕ್ಕ ಉಪ್ಪು

ಮಾಡುವ ವಿಧಾನ
ಈ ಎಲ್ಲಾ ಸಾಮಗ್ರಿ ಹಾಕಿ ಗಟ್ಟಿ ಚಟ್ನಿ ಮಾಡಿ, ಇದನ್ನು ನೆಚ್ಚಿ ಕೊಂಡು ತಿನ್ನಲು ರುಚಿಯಾಗಿರುತ್ತದೆ.

ಇತರ ಸಲಹೆ
ಅಕ್ಕಿ ನೀವು ರೇಷನ್ ಅಕ್ಕಿ ಅಥವಾ ದೋಸೆ ಅಕ್ಕಿ ಬಳಸಬಹುದು.
ತೆಂಗಿನ ತುರಿ ಫ್ರೆಷ್‌ ಬಳಸಿದರೆ ತುಂಬಾ ಒಳ್ಳೆಯದು
ಇದನ್ನು ಸಾಂಬಾರ್ ಜೊತೆ ಕೂಡ ಸವಿಯಬಹುದು.
ನೀವು ತೆಂಗಿನ ತುರಿ ಹಾಕುವಾಗ ದೋಸೆ ಕಲ್ಲಿಗೆ ಅಂಟಿಕೊಳ್ಳಬಹುದು, ಹೀಗಾಗಿ ನೀವು ಮಿಶ್ರಣಕ್ಕೆ ಎಣ್ಣೆ ಹಾಕಿ ಮಿಕ್ಸ್ ಮಾಡಿ.