ಈ ಬಾಳೆಹಣ್ಣಿ ಕಪ್ ಕೇಕ್‌ ಮಾಡಿದರೆ 2-3 ವಾರ ಇಟ್ಟು ತಿನ್ನಬಹುದು, ಮಾಡುವುದು ಕೂಡ ಕಷ್ಟವಿಲ್ಲ

ಮಕ್ಕಳ ಸ್ನ್ಯಾಕ್ಸ್ ಡಬ್ಬಕ್ಕೆ ನೀವು ಬೇಕಾರೆ ಬಾಳೆಹಣ್ಣಿನ ಕಪ್ ಕೇಕ್‌ ತಯಾರಿಸಬಹುದು. ಫ್ರೀ ಇದ್ದಾಗ ಈ ಕಪ್‌ ಕೇಕ್‌ ಮಾಡಿಟ್ಟರೆ 3-4 ವಾರ ಇಟ್ಟರೂ ಹಾಳಾಗಲ್ಲ, ಅಲ್ಲದೆ ಈ ಕೇಕ್‌ ತುಂಬಾ ರುಚಿಯಾಗಿರುತ್ತದೆ. ಈ ಕೇಕ್‌ ನೀವು ಸುಲಭವಾಗಿ ಮಾಡಬಹುದು, ಇದನ್ನು ಮಾಡಲು ಒಂದು ಗಂಟೆಯೂ ಬೇಕಾಗಿಲ್ಲ, ಬೇಗನೆ ಮಾಡಬಹುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
1/4 ಕಪ್‌ ಹಾಲು
2 ಮೊಟ್ಟೆ
1/4 ಕಪ್‌ ಬೆಣ್ಣೆ
ಬ್ರೌನ್‌ ಶುಗರ್‌ (ಸಕ್ಕರೆ ಬೇಕಾದರೆ ಬಳಸಬಹುದು) 1/2 ಕಪ್‌
ಮೈದಾ 2 ಕಪ್‌
2 ಚಮಚ ಬೇಕಿಂಗ್ ಪುಡಿ
ಚಿಟಿಕೆಯಷ್ಟು ಉಪ್ಪು
3 ಹಣ್ಣಾದ ಪಚ್ಚೆ ಬಾಳೆಹಣ್ಣು

ಮಾಡುವ ವಿಧಾನ

• ಓವನ್‌ 375 ಡಿಗ್ರಿಗೆ ಪ್ರೀ ಹೀಟ್‌ ಮಾಡಿ
• ಒಂದು ಬೌಲ್‌ಗೆ ಮೊಟ್ಟೆಯ ಬಿಳಿ ಹಾಕಿ ಚೆನ್ನಾಗಿ ಕದಡಿ
• ನಂತರ ಬೆಣ್ಣೆ, ಮೊಟ್ಟೆಯ ಹಳದಿ ಭಾಗ ಹಾಕಿ ಚೆನ್ನಾಗಿ ಕದಡಿ, ಸಕ್ಕರೆ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ
• ಈಗ ಬೇರೆ ಬೌಲ್‌ನಲ್ಲಿ ಮೈದಾ ಹಿಟ್ಟು, ಅಡುಗೆ ಸೋಡಾ, ಚಿಟಿಕೆಯಷ್ಟು ಉಪ್ಪು ಸೇರಿಸಿ, ನಂತರ ಬಾಳೆಹಣ್ಣು ಮ್ಯಾಶ್‌ ಮಾಡಿ ಹಾಕಿ.
• ಈಗ ನೀವು ಮೊಟ್ಟೆ ಮಿಶ್ರಣವನ್ನು ನಿಧಾನಕ್ಕೆ ಸುರಿಯುತ್ತಾ ಕಲೆಸಿ
• ಈಗ ಕಪ್‌ ಕೇಕ್ ಟಿನ್‌ಗೆ ಬೆಣ್ಣೆ ಸವರಿ
• ಅದರಲ್ಲಿ ಮುಕ್ಕಾಲು ಭಾಗ ಹಿಟ್ಟು ಸುರಿಯಿರಿ
• ಅದು ಬೆಂದು ಬಂದಾಗ ಉಬ್ಬಿ ಬರುತ್ತದೆ
• ಈಗ ಅವುಗಳನ್ನು ಕತ್ತರಿಸಿ ಗಾಳಿಯಾಡದ ಡಬ್ಬಿಯಲ್ಲಿ ಹಾಕಿಟ್ಟರೆ 2-3 ವಾರ ಇಟ್ಟು ಬಳಸಬಹುದು.

ಓವನ್‌ ಇಲ್ಲ ಎಂದಾದರೆ ಕುಕ್ಕರ್‌ನಲ್ಲಿಯೂ ಮಾಡಬಹುದು,

ನೀವು ಕುಕ್ಕರ್‌ನಲ್ಲಿ ಮಾಡುವುದಾದರೆ ಕುಕ್ಕರ್‌ ವಿಶಲ್ ತೆಗಿಯಬೇಕು. ನಂತರ ತಳಕ್ಕೆ ಎಣ್ಣೆ ಸವರಬೇಕು. ನಂತರ ಒಂದು ಬಿಳಿ ಹಾಳೆಗೆ ಎಣ್ಣೆ ಸವರಿ
ನಂತರ ಹಿಟ್ಟನ್ನು ಸುರಿದು 15-20 ನಿಮಿಷ ಕಡಿಮೆ ಉರಿಯಲ್ಲಿ ಬೇಯಿಸಿ
ಹಿಟ್ಟು ಬೆಂದಾಗ ಅದನ್ನು ಉರಿಯಿಂದ ಇಳಿಸಿ ತಣ್ಣಗಾದ ಮೇಲೆ ತೆಗೆದು ಕತ್ತರಿಸಿ.