ಹತ್ತರಿಂದ ಹದಿನೈದು ನಿಮಿಷ ಸಾಕು ಬಾಳೆ ಹಣ್ಣಿನ ಬೋಂಡಾ ರೆಡಿ

ಈ ಬಾಳೆಹಣ್ಣು ಬೋಂಡಾ ತುಂಬಾ ರುಚಿಯಾಗಿರುತ್ತದೆ, ಇದನ್ನು ಮಾಡುವುದು ತುಂಬಾ ಸುಲಭ, ಇದನ್ನು ಮಾಡಲು ನೇಂದ್ರ ಬಾಳೆಹಣ್ಣು ಬಳಸಬೇಕು, ನೇಂದ್ರ ಬಾಳೆಹಣ್ಣು ಎಲ್ಲಾ ಕಡೆ ಸಿಗುತ್ತದೆ, ಬೆಂಗಳೂರಿನ ಮಾರುಕಟ್ಟೆಯಲ್ಲಿ ಸಿಗುವುದು, ಸೂಪರ್‌ ಮಾರ್ಕೆಟ್‌ಗಳಲ್ಲಿ ದೊರೆಯುವುದು. ಬೇರೆ ಬಾಳೆಹಣ್ಣಿನಿಂದ ಮಾಡುಬಹುದು, ಆದರೆ ಬಾಳೆಹಣ್ಣಿನ ಬೋಂಡಾ ತುಂಬಾ ಟೇಸ್ಟ್ ಆಗಿರಬೇಕೆಂದರೆ ನೇಂದ್ರ ಬಾಳೆಹಣ್ಣು ಬಳಸಬೇಕು, ಈ ಸ್ನ್ಯಾಕ್ಸ್ ತುಂಬಾ ಸುಲಭವಾಗಿ ಮಾಡಬಹುದು ನೋಡಿ:

ಬೇಕಾಗುವ ಸಾಮಗ್ರಿ
ನೇಂದ್ರಬಾಳೆಹಣ್ಣು ಅರ್ಧ ಕೆಜಿ
ಕಡ್ಲೆಹಿಟ್ಟು ಒಂದು ಕಪ್‌
ಮೈದಾ 1/4 ಕಪ್‌(ಬಳಸದೆಯೂ ಇರಬಹುದು)
ಮೆಣಸಿನ ಪುಡಿ
1 ಚಮಚ ಸಕ್ಕರೆ
ಉಪ್ಪು

ಮಾಡುವ ವಿಧಾನ
ಒಂದು ಬೌಲ್‌ಗೆ ಕಡ್ಲೆಹಿಟ್ಟು, ಮೈದಾ ಹಿಟ್ಟು ಹಾಕಿ ಮಿಕ್ಸ್ ಮಾಡಿ, ನಂತರ 1/2 ಚಮಚ ಮೆಣಸಿನ ಪುಡಿ, ಸ್ವಲ್ಪ ಉಪ್ಪು ಸೇರಿಸಿ.
ಈಗ ಈ ಮಿಶ್ರಣವನ್ನು ಚೆನ್ನಾಗಿ ಮಿಕ್ಸ್ ಮಾಡಿ, (ಉಪ್ಪು ಚಿಟಿಕೆಯಷ್ಟು ಉಪ್ಪು ಸೇರಿಸಿದರೆ ಸಾಕು).
ಸಕ್ಕರೆ ಕೂಡ ಸೇರಿಸಿ ಮಿಕ್ಸ್ ಮಾಡಿ, ನೀರು ಹಾಕಿ ಮಿಕ್ಸ್ ಮಾಡಿ, ನೀರು ತುಂಬಾ ಹಾಕಬೇಡಿ, ಹಿಟ್ಟಿನಲ್ಲಿ ಬಾಳೆಹಣ್ಣನ್ನು
ಅದ್ದಿದಾಗ ಬಾಳೆಹಣ್ಣಿಗೆ ಅಂಟಿಕೊಳ್ಳುವಷ್ಟು ಗಟ್ಟಿಯಾಗಿರಬೇಕು.
ಈಗ ಬಾಳೆಹಣ್ಣನ್ನು ನೀವು 2 ಅಥವಾ 3 ಭಾಗ ಮಾಡಿ
ಬಾಣಲೆಗೆ ಎಣ್ಣೆ ಹಾಕಿ ಕಾಯಿಸಿ
ಎಣ್ಣೆ ಕಾದಾಗ ಬಾಳೆಹಣ್ಣನ್ನು ಹಿಟ್ಟಿನಲ್ಲಿ ಅದ್ದಿ ಎಣ್ಣೆಗೆ ಹಾಕಿ ಕಂದು ಬಣ್ಣ ಬರುವಾಗ ತೆಗೆಯಿರಿ
ರುಚಿ ರುಚಿಯಾದ ಬಾಳೆಹಣ್ಣಿನ ಬೋಂಡ ರೆಡಿ.

ಇನ್ನು ಸ್ವಲ್ಪ ಭಿನ್ನ ರುಚಿಯಲ್ಲಿಯೂ ಮಾಡಬಹುದು
ಅದಕ್ಕೆ ಸ್ವಲ್ಪ ತೆಂಗಿನ ತುರಿ ಸೇರಿಸಬಹುದು, ರುಚಿ ಸೂಪರ್ ಆಗಿರುತ್ತದೆ.
ಬಾಳೆಹಣ್ಣ ಕತ್ತರಿಸಿ ಅದಕ್ಕೆ ತೆಂಗಿನತುರಿ ಹರಡಿ, ಅದರ ಮೇಲೆ ಸಕ್ಕರೆ ಅಥವಾ ಬೆಲ್ಲ ಹಾಕಿ, ಅದನ್ನು ಹಿಟ್ಟಿನಲ್ಲಿ ಅದ್ದಿ ನಂತರ ಎಣ್ಣೆಗೆ ಹಾಕಬಹುದು.
ಇದು ತುಂಬಾ ಸಿಹಿಯಾಗಿ ತುಂಬಾ ರುಚಿಯಾಗಿರುತ್ತದೆ.

ಇತರ ಸಲಹೆ

• ನೇಂದ್ರ ಬಾಳೆಹಣ್ಣು ಹಣ್ಣಾದಷ್ಟು ರುಚಿ ಹೆಚ್ಚು
• ಒಂದು ವೇಳೆ ಸಿಪ್ಪೆ ಕಪ್ಪಾಗಿದ್ದರೆ ಆ ಬಾಳೆಹಣ್ಣು ಇನ್ನೂ ಟೇಸ್ಟ್‌ ಆಗಿರುತ್ತದೆ, ನೇಂದ್ರ ಬಾಳೆಹಣ್ಣು ಇತರ ಬಾಳೆಹಣ್ಣಿನಂತೆ ಅಲ್ಲ, ಎಷ್ಟೇ ಹಣ್ಣಾದರೂ ತುಂಬಾ ಮೃದುವಾಗಲ್ಲ
• ಇನ್ನು ಇದನ್ನು ದಪ್ಪವಾಗಿ ಕತ್ತರಿಸುವುದಕ್ಕೆ ತೆಳುವಾಗಿ ಕತ್ತರಿಸಿ
• ಒಂದು ಬಾಳೆ ಹಣ್ಣು ಬಳಸಿ 3 ಅಥವಾ ಅದರ ಮಧ್ಯಭಾಗ ಕತ್ತರಿಸಿ 6 ಬಜ್ಜಿ ಮಾಡಬಹುದು
• ಟ್ರಾವೆಲ್‌ ಮಾಡುವಾಗ ಮಾಡಿ ಕೊಂಡೊಯ್ಯಬಹುದು, ಇಂದು ಮಾಡಿದ್ದು ನಾಳೆಯೂ ಸವಿಯಬಹುದು, ಆದರೆ ಬಿಸಿ ಬಿಸಿ ಸವಿದರೆ ರುಚಿ ಹೆಚ್ಚು

ನೇಂದ್ರ ಬಾಳೆಹಣ್ಣು ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು, ಅಲ್ಲದೆ ನೇಂದ್ರ ಬಾಳೆಹಣ್ಣು ತಿಂದಾಗ ಬೇಗನೆ ಹೊಟ್ಟೆ ತುಂಬುವುದು.

ನಿಮಗೆ ಈ ಬಾಳೆಹಣ್ಣು ಬೋಂಡಾ ಮಾಡಿ ತಿನ್ನುವುದು ಇಷ್ಟವಿಲ್ಲ ಎಂದಾದರೆ ಇದನ್ನು ರೌಂಡಾಗಿ ಕತ್ತರಿಸಿ ತವಾದಲ್ಲಿ ಸ್ವಲ್ಪ ತುಪ್ಪ ಸವರಿ ಎರಡೂ ಬದಿ ಬಿಸಿ ಮಾಡಿ ತಿಂದು ನೋಡಿ ರುಚಿ ಬೊಂಬಾಟ್ ಆಗಿರುತ್ತದೆ.