ಹೆಸರುಕಾಳಿನ ಚಪಾತಿ ಮಾಡಿ ನೋಡಿ ಸೂಪರ್‌ ರುಚಿಯಾಗಿರುತ್ತೆ: ಪ್ರೊಟೀನ್‌ಯುಕ್ತ ಬ್ರೇಕ್‌ಫಾಸ್ಟ್‌ ರೆಸಿಪಿ

ನಾವು ಚಪಾತಿ ಮಾಡುತ್ತೇವೆ,ಆದರೆ ಈ ಚಪಾತಿಯನ್ನು ಸ್ವಲ್ಪ ವೆರೈಟಿಯಾಗಿ ಮಾಡಿದರೆ ಹೇಗೆ ಎಂದು ಯೋಚಿಸಿದ್ದೀರಾ? ಇಲ್ಲಿ ಹೆಸರುಕಾಳಿನ ಚಪಾತಿ ರೆಸಿಪಿ ನೀಡಿದ್ದೇವೆ. ಇದನ್ನು ಟ್ರೈ ಮಾಡಿ ನೋಡಿ ತುಂಬಾ ಚೆನ್ನಾಗಿರುತ್ತದೆ. ಈ ಚಪಾತಿ ಪ್ರೊಟೀನ್‌ಯುಕ್ತ ರೆಸಿಪಿಯಾಗಿದೆ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
ಹೆಸರುಕಾಳು 1 ಕಪ್‌
2-3 ಹಸಿ ಮೆಣಸು
ಸ್ವಲ್ಪ ಹಸಿ ಮೆಣಸು, ಸ್ವಲ್ಪ ಶುಂಠಿ
ಉಪ್ಪು
ಎಣ್ಣೆ 2 ಚಮಚ
1 ಚಮಚ ಜೀರಿಗೆ
ಸ್ವಲ್ಪ ಅರಿಶಿಣ ಪುಡಿ
1/2 ಚಮಚ ಆಮ್‌ಚೂರು ಪೌಡರ್‌
1/2 ಚಮಚ ಜೀರಿಗೆ ಪುಡಿ
ರೋಸ್ಟ್‌ ಮಾಡಿದ ಕೊತ್ತಂಬರಿ ಪುಡಿ 1/2 ಚಮಚ
ಖಾರದ ಪುಡಿ 1/2 ಚಮಚ (ಖಾರ ಕಡಿಮೆ ಬೇಕೆಂದು ಬಯಸುವುದಾದರೆ ಹಸಿ ಮೆಣಸು ಹಾಕಿರುವುದರಿಂದ ಇದನ್ನು ಸ್ಕಿಪ್ ಮಾಡಬಹುದು)
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಗೋಧಿ ಹಿಟ್ಟು ಒಂದು ಕಪ್‌
ಗೋಧಿ ಹಿಟ್ಟು ಕಲೆಸಿ ಚಮಚ ಎಣ್ಣೆ, ಸ್ವಲ್ಪ ನೀರು

ಮಾಡುವ ವಿಧಾನ:

• ಹೆಸರುಕಾಳು 6-8 ಗಂಟೆ ನೆನೆ ಹಾಕಿ
• ನಂತರ ಹೆಸರುಕಾಳು ನೀರು ಸೋಸಿ, ಕಾಳುಗಳನ್ನು ಮಿಕ್ಸಿ ಜಾರ್‌ನಲ್ಲಿ ಹಾಕಿ
• ಈಗ ಅದಕ್ಕೆ ಉಪ್ಪು, ಶುಂಠಿ, ಬೆಳ್ಳುಳ್ಳಿ ಸೇರಿಸಿ ನುಣ್ಣನೆ ರುಬ್ಬಿ
• ಈಗ ಬಾಣಲೆ ಬಿಸಿ ಮಾಡಿ 2 ಚಮಚ ಎಣ್ಣೆ ಹಾಕಿ ನಂತರ 1 ಚಮಚ ಜೀರಿಗೆ ಹಾಕಿ
• ಜೀರಿಗೆ ಚಟ್‌ಪಟ್ ಶಬ್ದ ಮಾಡುವಾಗ ಸ್ವಲ್ಪ ಅರಿಶಿಣ ಪುಡಿ ಸೇರಿಸಿ
• ಬಳಿಕ ರುಬ್ಬಿದ ಹೆಸರುಕಾಳಿನ ಮಿಶ್ರಣ ಸೇರಿಸಿ ಮಿಕ್ಸ್ ಮಾಡಿ
• ಈಗ ಆಮ್‌ಚೂರ್ ಸೇರಿಸಿ(ಮಾವಿನಕಾಯಿ ಪುಡಿ) ಇದರ ಬದಲಿಗೆ ನಿಂಬೆರಸ ಸೇರಿಸಬಹುದು (ನಿಂಬೆರಸ ಸೇರಿಸುವುದಾದರೆ ಮಿಶ್ರಣ ಉರಿಯಿಂದ ಇಳಿಸಿ ಬಳಿಕ ಸೇರಿಸಿ)
• ಕೊತ್ತಂಬರಿ ಪುಡಿ, ಖಾರದ ಪುಡಿ, ಜೀರಿಗೆ ಪುಡಿ ಸೇರಿಸಿ ಮಿಕ್ಸ್ ಮಾಡಿ
• ನಂತರ ಕೊತ್ತಂಬರಿ ಸೊಪ್ಪು ಹಾಕಿ ಮಿಕ್ಸ್ ಮಾಡಿ
• ಈಗ ಉರಿ ಆರ್ಫ್ ಮಾಡಿ ಈ ಮಿಶ್ರಣದಿಂದ ಚಿಕ್ಕ-ಚಿಕ್ಕ ಉಂಡೆ ಕಟ್ಟಿಡಿ.

ಈಗ ಚಪಾತಿ ಹಿಟ್ಟು ಕಲೆಸಿ

• ಚಪಾತಿಗೆ ಎಣ್ಣೆ, ನೀರು, ಉಪ್ಪು ಹಾಕಿ ಕಲೆಸಿ, ನಂತರ ಹಿಟ್ಟಿನಿಂದ ಚಪಾತಿಗೆ ಉಂಡೆಕಟ್ಟಿ. ಉಂಡೆ ಸ್ವಲ್ಪ ತಪ್ಪವಿರಲಿ, ಚಪಾತಿ ತೆಳುವಾದರೆ ಹೆಸರುಕಾಳು ಮಿಶ್ರಣ ಹಾಕಿ ತಟ್ಟುವುದು ಕಷ್ಟವಾಗಬಹುದು.
• ನೀವು ಚಪಾತತಿ ಉಂಡೆ ಕಟ್ಟಿ ಹೋಳಿಗೆಗೆ ಹೂರಣ ತುಂಬವಂತೆ ಹೆಸರಳುಕಾಳಿನ ಮಿಶ್ರಣ ತುಂಬಿ ಮೆಲ್ಲನೆ ರೌಂಡ್ ಶೇಪ್‌ಗೆ ಲಟ್ಟಿಸಿ ನಂತರ ತವಾದಲ್ಲಿ ಹಾಕಿ
• ಬಳಿಕ ರೊಟ್ಟಿ ಸುಡುವಂತೆ ಸುಟ್ಟರೆ ಹೆಸರುಕಾಳಿನ ಚಪಾತಿ ತುಂಬಾ ಚೆನ್ನಾಗಿರುತ್ತದೆ.

ಈಗ ರೆಡಿಯಾದ ಚಪಾತಿಯನ್ನು ಹೆಸರುಕಾಳಿನ ಪಲ್ಯ ಮತ್ತು ಚಟ್ನಿ ಪುಡಿ ಜೊತೆ ಸವಿದು ನೋಡಿ ಸೂಪರ್‌ ಆಗಿರುತ್ತದೆ.