ಬೆಳಗ್ಗೆ ಏನಪ್ಪಾ ತಿಂಡಿ ಮಾಡೋದು? ಈ ಟಿಫನ್ ತಿಂದ್ರೆ ದಿನಪೂರ್ತಿ ಎನರ್ಜಿ.. ಸುಲಭ ರೆಸಿಪಿಗಳು ಇಲ್ಲಿವೆ

ಬೆಳಗ್ಗೆ ಎದ್ದು ದಿನವನ್ನು ಶಕ್ತಿ, ಉತ್ಸಾಹ ಮತ್ತು ಆರೋಗ್ಯದಿಂದ ಆರಂಭಿಸಲು ಉಪಹಾರವು ಅತ್ಯಂತ ಮುಖ್ಯ. ವಿಶೇಷವಾಗಿ ನಮ್ಮ ಆಹಾರ ಪದ್ಧತಿಯಲ್ಲಿ ಬೆಳಗಿನ ಉಪಹಾರಗಳು (breakfast) ರುಚಿ, ಪೌಷ್ಟಿಕತೆ ಮತ್ತು ಆರೋಗ್ಯದ ಸಮನ್ವಯವನ್ನು ಹೊಂದಿರುತ್ತವೆ. ರಾತ್ರಿಯ ನಿದ್ರೆಯ ನಂತರ ಉಪವಾಸ ಮುರಿಯುವ ತಿಂಡಿಯು ದಿನದ ಪ್ರಮುಖ ಊಟಗಳಲ್ಲಿ ಒಂದಾಗಿದೆ. ಪೌಷ್ಟಿಕ ದಿನದ ಪ್ರಾರಂಭಕ್ಕಾಗಿ, ನೀವು ಬೆಳಗಿನ ಹೊತ್ತಿಗೆ ತಯಾರಿಸಬಹುದಾದ ಕೆಲವು ಆರೋಗ್ಯಕರ ತಿಂಡಿಗಳು (healthy breakfast) ಇಲ್ಲಿವೆ.

ಬೆಳಗಿನ ಉಪಹಾರಕ್ಕೆ ಹಲವು ಆರೋಗ್ಯಕರ ಆಯ್ಕೆಗಳಿವೆ. ಪೌಷ್ಟಿಕಾಂಶ ಸಮೃದ್ಧವಾದ ಈ ಉಪಹಾರಗಳು ದೇಹದ ತೂಕ ನಿರ್ವಹಣೆ ಮತ್ತು ರೋಗನಿರೋಧಕ ಶಕ್ತಿ ಹೆಚ್ಚಿಸಲು ಸಹಾಯಕವಾಗಿವೆ. ದಿನವನ್ನು ಉತ್ತಮವಾಗಿ ಆರಂಭಿಸಲು ಇಂತಹ ಆರೋಗ್ಯಕರ ಆಹಾರಗಳನ್ನು ಜಾಣ್ಮೆಯಿಂದ ಆರಿಸಿಕೊಳ್ಳಬೇಕಿದೆ. ಇವು ಆರೋಗ್ಯಕರ ಮತ್ತು ರುಚಿಕರವಾಗಿರುತ್ತವೆ. ಸಾಮಾನ್ಯವಾಗಿ ಈ ಉಪಹಾರಗಳಲ್ಲಿ ಪ್ರೋಟೀನ್, ಕಾರ್ಬೋಹೈಡ್ರೇಟ್ ಮತ್ತು ವಿಟಮಿನ್‌ಗಳ ಸಮತೋಲನವಿರುತ್ತದೆ.

1. ಉಪ್ಮಾ

ರವೆ, ತರಕಾರಿಗಳು ಮತ್ತು ಮಸಾಲೆಗಳಿಂದ ತಯಾರಾಗುವ ಉಪ್ಮಾ ಹಗುರ, ಜೀರ್ಣಿಸಲು ಸುಲಭ ಮತ್ತು ಪೌಷ್ಟಿಕಾಂಶಗಳಿಂದ ಸಮೃದ್ಧ. ಇದಕ್ಕೆ ಬೇಕಾಗುವ ಸಾಮಗ್ರಿಗಳು ಇಲ್ಲಿವೆ. ರವೆ, ನೀರು, ಈರುಳ್ಳಿ (ಉಳ್ಳಿಗೆಡ್ಡೆ), ಹಸಿಮೆಣಸಿನಕಾಯಿ, ಸ್ವಲ್ಪ ಶುಂಠಿ, ಕ್ಯಾರೆಟ್, ಬೀನ್ಸ್, ಬಟಾಣಿ, ಕರಿಬೇವು, ಕೊತ್ತಂಬರಿ, ಎಣ್ಣೆ ಅಥವಾ ತುಪ್ಪ, ಉಪ್ಪು, ಸಾಸಿವೆ, ಉದ್ದಿನ ಬೇಳೆ. ಇದು ಬಹುಮುಖಿ ಮತ್ತು ಆರೋಗ್ಯಕರ ಉಪಹಾರವಾಗಿದೆ.

2. ಇಡ್ಲಿ-ಸಾಂಬಾರ್

ಇಡ್ಲಿ-ಸಾಂಬಾರ್ ದಕ್ಷಿಣ ಭಾರತದ ಪ್ರತೀ ಮನೆಮಾತಾಗಿರುವ ಬೆಳಗಿನ ಉಪಹಾರ. ಮೃದುವಾದ, ಹೊಟ್ಟೆಗೆ ಹಗುರವಾದ ಇಡ್ಲಿ ಮತ್ತು ತರಕಾರಿಗಳ ಪೌಷ್ಟಿಕತೆಯುಳ್ಳ ಸಾಂಬಾರ್. ಈ ಕಾಂಬಿನೇಷನ್ ದಿನವನ್ನು ಶಕ್ತಿ ಮತ್ತು ರುಚಿಯಿಂದ ಪ್ರಾರಂಭಿಸುತ್ತದೆ. ಸಾಂಬಾರ ಜೊತೆಗೆ ತಿನ್ನುವುದರಿಂದ ಪ್ರೋಟೀನ್ ಮತ್ತು ಫೈಬರ್ ಲಭ್ಯ. ಇಡ್ಲಿ ತಯಾರಿಸಲು ಅಕ್ಕಿ ಮತ್ತು ಉದ್ದಿನ ಬೇಳೆ ಮಿಶ್ರಣವನ್ನು ರಾತ್ರಿ ನೆನೆಸಿ, ಅರೆದು, ಫರ್ಮೆಂಟ್ ಮಾಡಿ, ಇಡ್ಲಿ ಬಾಣಲೆಯಲ್ಲಿ ಬೇಯಿಸಿ.

3. ಪೊಹಾ

ಪೊಹಾ ಅಥವಾ ಅವಲಕ್ಕಿ ಉಪ್ಮಾ ಬೆಳಗಿನ ಉಪಹಾರಕ್ಕೆ ಹಗುರ ಹಾಗೂ ಪೌಷ್ಟಿಕ ಆಹಾರ. ವಿವಿಧ ತರಕಾರಿಗಳು ಮತ್ತು ಮಸಾಲೆಗಳ ಮಿಶ್ರಣದಿಂದ ಕೂಡಿದ ಪೋಹಾವು ಪೌಷ್ಟಿಕ ಉಪಹಾರ ಆಯ್ಕೆಯಾಗಿದೆ. ಇದು ಬೇಗನೆ ಜೀರ್ಣವಾಗುವ ಆಹಾರವಾಗಿದೆ. ಇದರಲ್ಲಿ ಫೈಬರ್, ಕಾರ್ಬೊಹೈಡ್ರೇಟ್ ಮತ್ತು ಕೆಲವು ಪ್ರಮಾಣದ ಪ್ರೋಟೀನ್ ಇದೆ. ಅವಲಕ್ಕಿ, ಕಡಲೆಕಾಯಿ ಮತ್ತು ತರಕಾರಿಗಳ ಸಂಯೋಜನೆ. ಹೃದಯಕ್ಕೆ ಹಿತಕರ ಹಾಗೂ ಹೊಟ್ಟೆಗೆ ಹಗುರ. ಅವಲಕ್ಕಿಯನ್ನು ಸ್ವಲ್ಪ ನೀರಿನಲ್ಲಿ ತೋಯಿಸಿ, ಎಣ್ಣೆಯಲ್ಲಿ ಸಾಸಿವೆ, ಕಾಳುಮೆಣಸು, ಕರಿಬೇವು, ಹಸಿಮೆಣಸು ಹಾಕಿ ಹುರಿದು, ತರಕಾರಿ, ಉಪ್ಪು ಹಾಗೂ ನಿಂಬೆರಸ ಹಾಕಿ ಕಲಸುವುದು. ಇದು ಜೀರ್ಣಕ್ರಿಯೆಗೆ ಹಿತ, ಹೊಟ್ಟೆ ತುಂಬುವ ಗುಣ, ಕಡಿಮೆ ಕೊಬ್ಬು ಪ್ರಮಾಣ.

4. ಪರೋಟಾ

ಪರೋಟಾ ಬೆಳಗಿನ ಉಪಹಾರಗಳಲ್ಲಿ ಅತಿ ಜನಪ್ರಿಯ. ತ್ವರಿತ ಉಪಹಾರಕ್ಕಾಗಿ, ನೀವು ಪರಾಠಗಳನ್ನು ತಯಾರಿಸಬಹುದು. ಇದನ್ನು ಮೊಸರು ಮತ್ತು ಉಪ್ಪಿನಕಾಯಿಯೊಂದಿಗೆ ಬಡಿಸಬಹುದು. ಇದು ಪೌಷ್ಟಿಕ ಹಾಗೂ ಸುಲಭವಾಗಿ ತಯಾರಿಸಬಹುದಾದ ತಿನಿಸು. ಗೋಧಿ ಹಿಟ್ಟಿನಿಂದ ತಯಾರಿಸುವ ಈ ಆಹಾರದಲ್ಲಿ ತಾಜಾ ತರಕಾರಿಗಳು, ಪನೀರ್, ಆಲೂಗಡ್ಡೆ ಅಥವಾ ಮೆಂತ್ಯೆ ಎಲೆಗಳಂತಹ ಪೂರಣವನ್ನು ತುಂಬಲಾಗುತ್ತದೆ. ಗೋಧಿ ಹಿಟ್ಟಿನಿಂದ ತಯಾರಿಸಿದ ಪರೋಟಾ, ಮೊಸರು ಜೊತೆಗೆ ಸೇವಿಸಬಹುದು. ಮೆಂತೆ ಮತ್ತು ತರಕಾರಿಗಳ ಪರೋಟಾ ಇನ್ನಷ್ಟು ಪೌಷ್ಟಿಕ. ಆಲೂ ಪರೋಟಾ - ಬೇಯಿಸಿದ ಆಲೂಗಡ್ಡೆ, ಹಸಿಮೆಣಸು, ಕೊತ್ತಂಬರಿ, ಜೀರಿಗೆ ಪುಡಿ ಸೇರಿಸಿದ ಮಸಾಲೆ. ಪನೀರ್ ಪರೋಟಾ - ಪ್ರೋಟೀನ್ ಸಮೃದ್ಧ ಪನೀರ್ ಮಸಾಲೆ. ಮೆಂತ್ಯೆ ಪರೋಟಾ - ಹಸಿಮೆಂತ್ಯೆ ಎಲೆ, ಗೋಧಿ ಹಿಟ್ಟು, ಮಸಾಲೆ.

5. ಚಿಲ್ಲಾ

ಉತ್ತರ ಭಾರತದಲ್ಲಿ ಬಹಳ ಪ್ರಸಿದ್ಧವಾದ, ಪ್ರೋಟೀನ್ ಸಮೃದ್ಧ ಬೆಳಗಿನ ಉಪಹಾರ. ಇದನ್ನು ಬೆಸನ್ (ಕಡಲೆ ಹಿಟ್ಟು) ಅಥವಾ ಮೂಂಗ್‌ ದಾಳಿನ ಹಿಟ್ಟುದಿಂದ ತಯಾರಿಸಲಾಗುತ್ತದೆ. ಬೇಶನ್ ಕಾ ಚಿಲ್ಲಾ ಆಗಿರಲಿ, ಹೆಸರುಬೇಳೆ ಚಿಲ್ಲಾ ಆಗಿರಲಿ ಅಥವಾ ಸಿರಿಧಾನ್ಯದ ಚಿಲ್ಲಾ ಆಗಿರಲಿ, ಎಲ್ಲಾ ಚಿಲ್ಲಾಗಳು ಹೆಚ್ಚಿನ ಪ್ರೋಟೀನ್ ಅಂಶವನ್ನು ಹೊಂದಿರುತ್ತವೆ. ಇದು ಆರೋಗ್ಯಕರ ಆಯ್ಕೆಯಾಗಿದೆ. ಬೇಕಾಗುವ ಪದಾರ್ಥಗಳು: ಮೂಂಗ್‌ದಾಳು (ರಾತ್ರಿ ನೆನೆಸಿದ) ಅಥವಾ ಕಡಲೆಹಿಟ್ಟು, ಈರುಳ್ಳಿ, ಟೊಮಾಟೋ, ಹಸಿಮೆಣಸು, ಕೊತ್ತಂಬರಿ, ಉಪ್ಪು, ಅರಿಶಿನ, ಮೆಣಸು ಪುಡಿ, ಎಣ್ಣೆ.

ಬೆಳಗಿನ ಉಪಹಾರದಲ್ಲಿ ಪ್ರೋಟೀನ್, ಫೈಬರ್ ಮತ್ತು ಸ್ವಲ್ಪ ಕೊಬ್ಬಿನ ಅಂಶ ಇರಲಿ. ಹೆಚ್ಚು ಎಣ್ಣೆ, ತೀವ್ರ ಮಸಾಲೆ ತಿನ್ನುವುದನ್ನು ತಪ್ಪಿಸಿ.