ಬಿಸಿಲಿನ ಝಳಕ್ಕೆ- ಐಸ್ ಕ್ರೀಂ ಸೇರಿಸಿದ ಹಣ್ಣಿನ ಜ್ಯೂಸ್

ಬೇಸಿಗೆಯ ರಜೆಯ ಜೊತೆಗೇ ಬಿಸಿಲಿನ ಸೆಖೆಯೂ ಬಂದಿದೆ. ರಜೆಯ ಮಜಾ ಅನುಭವಿಸಲು ಬಿಸಿಲಿನ ಝಳ ಸಜೆ ನೀಡುತ್ತದೆ. ವಾತಾವರಣದ ಬಿಸಿಯ ಕಾರಣ ಹೆಚ್ಚು ಬೆವರು ಹರಿದು ದೇಹದಲ್ಲಿ ನೀರಿನ ಕೊರತೆ ಎದುರಾಗುತ್ತದೆ. ಆದ್ದರಿಂದ ಸತತವಾಗಿ ನೀರು ಕುಡಿಯುತ್ತಿರುವುದು ಅಗತ್ಯ. ಹಿಂದೆ ಒಂದು ಊರಿನಿಂದ ಇನ್ನೊಂದೂರಿಗೆ ನಡೆದೇ ಹೋಗುವವರಿಗೆ ಅನುಕೂಲವಾಗಲೆಂದು ದಾರಿಯಲ್ಲಿದ್ದ ಮನೆಯವರೆಲ್ಲರೂ ಮನೆಯ ಹೊರಗೆ ಮಡಕೆ ಮತ್ತು ಬೆಲ್ಲದ ತುಂಡುಗಳನ್ನು ಇಡುತ್ತಿದ್ದರು. ಏಪ್ರಿಲ್ ಮೇ ತಿಂಗಳಲ್ಲಿ ಬಿಸಿಲು ಹೆಚ್ಚಾಗುತ್ತಿದ್ದಂತೆಯೇ ನೀರಿನ ಅಗತ್ಯವೂ ಹೆಚ್ಚಾಗುತ್ತಾ ಹೋಗುತ್ತದೆ. ಈ ಅವಧಿಯಲ್ಲಿ ಕೇವಲ ನೀರು ಕುಡಿಯುವ ಬದಲು ಹಣ್ಣುಗಳ ಜ್ಯೂಸ್ ಕುಡಿಯುವುದು ಉತ್ತಮ. ಬೇಸಿಗೆಗೆ ಬೆಸ್ಟ್ ಲೆಮನ್ ಐಸ್ ಕ್ರೀಮ್

ಜ್ಯೂಸ್ ಎಂದಾಕ್ಷಣ ಮೊತ್ತ ಮೊದಲಿಗೆ ನೆನಪಿಗೆ ಬರುವುದು ಲಿಂಬೆಯ ಶರಬತ್ತು. ಆದರೆ ಪ್ರತಿಬಾರಿ ಒಂದೇ ಬಗೆಯ ಶರಬತ್ತು ಕುಡಿದು ಬೇಸರ ಹೆಚ್ಚಾಗುತ್ತದೆ. ನಿಮ್ಮ ಪರಿಸ್ಥಿತಿಯೂ ಇದೇ ಆಗಿದ್ದರೆ ಬದಲಾವಣೆಗಾಗಿ ವಿವಿಧ ಹಣ್ಣುಗಳ ಪಂಚ್ ಅಥವಾ ಒಮ್ಮೆಲೇ ರುಚಿಯನ್ನು ನೀಡುವ ಶರಬತ್ತೊಂದನ್ನು ಪ್ರಯತ್ನಿಸಿ ನೋಡಲು ಇದು ಸಕಾಲವಾಗಿದೆ. ಈ ವಿಧಾನ ಸುಲಭ ಮತ್ತು ಆಯಾ ಋತುಮಾನದಲ್ಲಿ ಯಥೇಚ್ಛವಾಗಿ ಸಿಗುವ ಹಣ್ಣುಗಳನ್ನು ಬಳಸಿ ಮಾಡಲಾಗುವ ಹಾಗೂ ಇದರ ಮೇಲೆ ಕೊಂಚ ಐಸ್ ಕ್ರೀಂ ಸೇರಿಸಿರುವ ಕಾರಣ ಬಿಸಿಲಿಗೆ ಬಳಲಿದ ದೇಹಕ್ಕೆ ಚೈತನ್ಯ ನೀಡುವ ಜೊತೆಗೇ ಹೊಸ ರುಚಿಯನ್ನು ಆಸ್ವಾದಿಸಿದ ತೃಪ್ತಿಯೂ ದೊರಕುತ್ತದೆ. ಬನ್ನಿ ಇದನ್ನು ತಯಾರಿಸುವ ಬಗೆಯನ್ನು ಈಗ ನೋಡೋಣ:

*ಪ್ರಮಾಣ: ಮೂವರಿಗೆ, ಒಂದು ಹೊತ್ತಿಗಾಗುವಷ್ಟು

*ಸಿದ್ಧತಾ ಸಮಯ: ಹತ್ತು ನಿಮಿಷಗಳು

*ತಯಾರಿಕಾ ಸಮಯ: ಹತ್ತು ನಿಮಿಷಗಳು ಬೇಸಿಗೆ ಸ್ಪೆಷಲ್ ಡಿಲೈಟ್ : ಸಪೋಟಾ ಐಸ್ ಕ್ರೀಂ

ಅಗತ್ಯವಿರುವ ಸಾಮಾಗ್ರಿಗಳು:

 

*ಕಲ್ಲಂಗಡಿ ಹಣ್ಣು: ಒಂದು ಕಪ್ (ಚಿಕ್ಕದಾಗಿ ತುಂಡರಿಸಿ, ಬೀಜ ನಿವಾರಿಸಿದ್ದು)

*ಅನಾನಾಸ್ ಹಣ್ಣು: ಒಂದು ಕಪ್ (ಚಿಕ್ಕದಾಗಿ ತುಂಡರಿಸಿದ್ದು)

*ಕಿತ್ತಳೆ ಹಣ್ಣು -ಒಂದು ಕಪ್

*ಸೇಬು - ಒಂದು ಕಪ್ (ಚಿಕ್ಕದಾಗಿ ತುಂಡರಿಸಿದ್ದು)

*ಬಾಳೆಹಣ್ಣು - ಒಂದು ಕಪ್ (ಚಿಕ್ಕದಾಗಿ ತುಂಡರಿಸಿದ್ದು)

*ಸಕ್ಕರೆ - ಒಂದು ಕಪ್

*ಏಲಕ್ಕಿ ಪುಡಿ-ಕಾಲು ಚಿಕ್ಕಚಮಚ

*ಐಸ್ ಕ್ರೀಮ್ - 1 ಸ್ಕೂಪ್

*ಐಸ್ ತುಂಡುಗಳು- 1 ಕಪ್

ವಿಧಾನ:

* ಮಿಕ್ಸಿಯ ದೊಡ್ಡ ಜಾರಿನಲ್ಲಿ ಎಲ್ಲಾ ಹಣ್ಣುಗಳನ್ನು ಹಾಕಿ ಮೇಲೆ ಸಕ್ಕರೆ ಸುರಿದು ಸುಮಾರು ಅರ್ಧ ನಿಮಿಷ ಕಡೆಯಿರಿ.

* ಜಾರಿನಿಂದ ಈ ಮಿಶ್ರಣವನ್ನು ಹೊರತೆಗೆದು ಸೋಸುಕ ಅಥವಾ ಬಟ್ಟೆಯಲ್ಲಿ ಹಿಂಡಿ ರಸ ಬೇರ್ಪಡಿಸಿ.

*ರಸ ತೆಗೆದ ಮಿಶ್ರಣವನ್ನು ಮತ್ತೊಮ್ಮೆ ಮಿಕ್ಸಿಗೆ ಹಾಕಿ ಐಸ್ ಕ್ರಿಮ್, ಏಲಕ್ಕಿ ಪುಡಿ, ಐಸ್ ತುಂಡುಗಳನ್ನು ಹಾಕಿ ಮತ್ತೊಮ್ಮೆ ಕಡೆಯಿರಿ.

*ಒಂದು ಲೋಟದಲ್ಲಿ ಮೊದಲು ಹಣ್ಣಿನ ರಸವನ್ನು ಅರ್ಥ ತುಂಬಿಸಿ ಉಳಿದರ್ಧವನ್ನು ಎರಡನೆಯ ಬಾರಿ ಕಡೆದ ಮಿಶ್ರಣವನ್ನು ತುಂಬಿ. ಕೊಂಚವೇ ಚಮಚದಲ್ಲಿ ಮಿಶ್ರಣ ಮಾಡಿ ಕುಡಿಯಿರಿ. ಆಟವಾಡಿ ಬಂದ ಮಕ್ಕಳಿಗೆ, ಬಿಸಿಲಿನಲ್ಲಿ ತಿರುಗಾಡಿ ಬಂದ ಹಿರಿಯರಿಗೆ ಈ ಜ್ಯೂಸ್ ಅಪ್ಯಾಯಮಾನವಾಗುವುದರಲ್ಲಿ ಸಂಶಯವಿಲ್ಲ. ನಿಮಗೆ ಹೇಗೆನಿಸಿತು ಎಂಬುದನ್ನು ನಮಗೆ ತಿಳಿಸಿ. ಇದಕ್ಕಾಗಿ ಕೆಳಗಿನ ಕಮೆಂಟ್ಸ್ ಭಾಗವನ್ನು ಬಳಸಿ.

More ಜ್ಯೂಸ್News  

• 
  ತರಕಾರಿಗಳ ಜ್ಯೂಸ್‌ ಕುಡಿದರೆ ಸಾಕು, ಯಾವ ಕಾಯಿಲೆಯೂ ಬರಲ್ಲ
• 
  ವ್ಯಾಯಾಮದ ನಂತರ ಒಂದು ಗ್ಲಾಸ್ ಸೋರೆಕಾಯಿ ಜ್ಯೂಸ್ ಕುಡಿಯಿರಿ
• 
  ಮಗುವಿಗೆ ಒಂದು ವರ್ಷ ತುಂಬುವ ಮುನ್ನ ಹಣ್ಣಿನ ಜ್ಯೂಸ್ ನೀಡಬೇಡಿ!
• 
  ಕಲ್ಲಂಗಡಿ ಜ್ಯೂಸ್: ಬೇಸಿಗೆಗೆ ದೇವರು ಕೊಟ್ಟಿರುವ ವರ!!
• 
  ಆರೋಗ್ಯ ಟಿಪ್ಸ್: ಬಿರು ಬಿಸಿಲಿನ ದಾಹಕ್ಕೆ, ತಂಪುಣಿಸುವ 'ಮಜ್ಜಿಗೆ'
• 
  ಸೌತೆಕಾಯಿ+ಕುಂಬಳಕಾಯಿ ಜ್ಯೂಸ್‌ನಲ್ಲಿದೆ 'ಜಬರ್ದಸ್ತ್ ಪವರ್'!
• 
  ಮೂಲಂಗಿ ಜ್ಯೂಸ್‌+ಲಿಂಬೆ ರಸದ ಜೋಡಿಯ ಜಬರ್ದಸ್ತ್ ಪವರ್...
• 
  ಬೆಳಗಿನ ಉಪಹಾರಕ್ಕೆ ಒಂದು ಗ್ಲಾಸ್ ಕ್ಯಾರೆಟ್ ಶುಂಠಿ ಜ್ಯೂಸ್!
• 
  'ಕಿಡ್ನಿ'ಗೆ ತಗಲುವ ಸೋಂಕನ್ನು ಗುಣಪಡಿಸುವ ಮನೆಮದ್ದುಗಳು
• 
  ಲವಲವಿಕೆಯ ಆರೋಗ್ಯಕ್ಕೆ- ಬೀಟ್‌ರೂಟ್+ಲಿಂಬೆಯ ಜ್ಯೂಸ್
• 
  ಆರೋಗ್ಯ ಟಿಪ್ಸ್: ದಾಳಿಂಬೆ ಜ್ಯೂಸ್‌‌ನ ಜಬರ್ದಸ್ತ್ ಪವರ್
• 
  ಇಂತಹ ಹಣ್ಣಿನ ಜ್ಯೂಸ್‌ನೊಂದಿಗೆ ಮಾತ್ರೆಗಳನ್ನು ಸೇವಿಸಬೇಡಿ!