ಇಷ್ಟವಾಗುತ್ತೆ ಈ ನಟ್ಸ್ ಮಿಲ್ಕ್ ಶೇಕ್ !

Drinks

oi-Reena

By Hema S

Published: Saturday, March 17, 2012, 12:33 [IST]

ತರಕಾರಿ, ಹಣ್ಣುಗಳು, ಗೋಡಂಬಿ, ಬಾದಾಮಿ ಹೀಗೆ ಆಹಾರ ಸಾಮಾಗ್ರಿಗಳಿಂದ ಅನೇಕ ರೀತಿಯ ಜ್ಯೂಸ್ ತಯಾರಿಸಬಹುದು. ಒಂದೊಂದು ವಿಭಿನ್ನ ರುಚಿಯನ್ನು ಹೊಂದಿರುತ್ತದೆ. ಅದರಲ್ಲೂ ಮಳೆಗಾಲದಲ್ಲಿ ಬಿಸಿಯಾದ ಕುರುಕಲು ತಿಂಡಿಗಳನ್ನು ತಿನ್ನ ಬಯಸಿದರೆ, ಬೇಸಿಗೆಯಲ್ಲಿ ತಂಪಾದ ವಸ್ತುಗಳನ್ನು ತಿನ್ನಲು ಮತ್ತು ಜ್ಯೂಸ್ ಗಳನ್ನು ಕುಡಿಯ ಬಯಸುತ್ತೇವೆ. ಆದ್ದರಿಂದ ಇವತ್ತು ನಾವು ನಟ್ಸ್ ಸಾಮಾಗ್ರಿಗಳನ್ನು ಬಳಸಿ ರುಚಿಕರವಾದ ಮಿಲ್ಕ್ ಶೇಕ್ ತಯಾರಿಸುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:

* ಕುದಿಸಿದ ಹಾಲು ಒಂದು ಲೋಟ
* 8-10 ಬಾದಾಮಿ
* 7-8 ಪಿಸ್ಟಾ
* ಕರ್ಜೂರ 2
* ವಾಲ್ ನೆಟ್ಸ್
* 1/2 ಚಮಚ ಏಲಕ್ಕಿ ಪುಡಿ
* ಸಕ್ಕರೆ
* ಚಾಕಲೇಟ್ ಸಾಸ್

ನಟ್ಸ್ ಮಿಲ್ಕ್ ಶೇಕ್ ತಯಾರಿಸುವ ವಿಧಾನ:

1. ನಟ್ಸ್ ಗಳನ್ನು ಪುಡಿ ಮಾಡಬೇಕು. ನಂತರ ಸಕ್ಕರೆ ಸೇರಿಸಿ ಪುಡಿ ಮಾಡಬೇಕು.
2. ಎರಡು ಚಮಚ ನಟ್ಸ್ ಮಿಶ್ರಣವನ್ನು ಒಂದು ಲೋಟ ತಣ್ಣನೆಯ ಹಾಲಿಗೆ ಹಾಕಿ , ಅದಕ್ಕೆ ಸ್ವಲ್ಪ ಚಾಕಲೇಟ್ ಸಾಸ್ ಸೇರಿಸಿ ಚೆನ್ನಾಗಿ ಕದಡಿ ಕುಡಿಯಬಹುದು ಅಥವಾ 1/2 ಗಂಟೆ ಫ್ರಿಜ್ ನಲ್ಲಿಟ್ಟು ಕುಡಿದರೆ ತುಂಬಾ ತಂಪಾಗಿ ಇರುವುದರಿಂದ ಕುಡಿಯಲು ಖುಷಿಯಾಗುವುದು.