ಹೆಚ್ಚಿನ ವಿಟಮಿನ್ ಗಾಗಿ ಮಿಶ್ರ ವೆಜಿಟೇಬಲ್ ಸೂಪ್

Drinks

oi-Reena

By Hema S

Published: Tuesday, February 14, 2012, 17:27 [IST]

ಸೂಪ್ ಬಾಯಿಗೆ ರುಚಿ, ಆರೋಗ್ಯಕ್ಕೆ ಒಳ್ಳೆಯದು. ದಣಿದು ಬಂದಾಗ ಸೂಪ್ ಕುಡಿದರೆ ಸುಸ್ತು ಕ್ಷಣಾರ್ಧದಲ್ಲಿ ಮಾಯ. ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒಂದೇ ತರಕಾರಿಯಿಂದ ಪಡೆಯಲು ಸಾಧ್ಯವಿಲ್ಲ. ಅನೇಕ ಬಗೆಯ ತರಕಾರಿಗಳನ್ನು ಹಾಕಿ ಸೂಪ್ ತಯಾರಿಸಿದರೆ ದೇಹಕ್ಕೆ ಅಧಿಕ ವಿಟಮಿನ್ ಗಳು ದೊರೆಯುವುದು. ಇದರಿಂದ ಆರೋಗ್ಯ ಹೆಚ್ಚುತ್ತದೆ. ಆದ್ದರಿಂದ ಇವತ್ತು ನಾವು ಮಿಶ್ರ ವೆಜಿಟೇಬಲ್ ಸೂಪ್ ಮಾಡುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:

* 1/2 ಕಪ್ ಕ್ಯಾರೆಟ್ ( ಕತ್ತರಿಸಿದ್ದು)
* 1/4 ಕಪ್ ಕಿಡ್ನಿ ಬೀನ್ಸ್
* 1/2 ಕಪ್ ಬಟಾಣಿ
* 2 ಟೊಮೆಟೊ
* 1 ಚಮಚ ಬೆಳ್ಳುಳ್ಳಿ ಪೇಸ್ಟ್
* 1 ಚಮಚ ಶುಂಠಿ ಪೇಸ್ಟ್
* ಸ್ವಲ್ಪ ಕೊತ್ತಂಬರಿ ಸೊಪ್ಪು
* 3 ಚಮಚ ಬೆಣ್ಣೆ
* 3 ಲೋಟ ನೀರು
* ರುಚಿಗೆ ತಕ್ಕ ಉಪ್ಪು
* ತುಪ್ಪ

ತಯಾರಿಸುವ ವಿಧಾನ:

1. ಪ್ರೆಶರ್ ಕುಕ್ಕರ್ ನಲ್ಲಿ ಬೆಣ್ಣೆಯನ್ನು ಹಾಕಿ ಅದು ಬಿಸಿಯಾದಾಗ ಶುಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ. ನಂತರ ಉಳಿದ ತರಕಾರಿಗಳನ್ನು ಹಾಕಿ ಸ್ವಲ್ಪ ಹೊತ್ತು ಬಿಸಿ ಮಾಡಿ.

2. ಈ ಮಿಶ್ರಣಕ್ಕೆ ರುಚಿಗೆ ತಕ್ಕ ಉಪ್ಪು ಸೇರಿಸಿ. ನಂತರ ನೀರು ಸೇರಿಸಿ, ಪ್ರೆಶರ್ ಕುಕ್ಕರ್ ನ ಮುಚ್ಚಳ ಹಾಕಿ 5-6 ನಿಮಿಷ ಬೇಯಿಸಬೇಕು

3. ನಂತರ ಕೊತ್ತಂಬರಿ ಸೊಪ್ಪು ಸೇರಿಸಿ 2-3 ನಿಮಿಷ ಬೇಯಿಸಬೇಕು.

4. ಈಗ ಸ್ವಲ್ಪ ತುಪ್ಪ ಹಾಕಿದರೆ ರುಚಿಕರವಾದ ಮಿಶ್ರ ವೆಜಿಟೇಬಲ್ ಸೂಪ್ ರೆಡಿ.

ಗಮನಕ್ಕೆ: ಗಟ್ಟಿಯಾದ ಸೂಪ್ ಬೇಕಾದರೆ 1/2 ಗ್ಲಾಸ್ ಹಾಲಿಗೆ 2 ಚಮಚ ಜೋಳದ ಪುಡಿಯನ್ನು ಮಿಶ್ರ ಮಾಡಿ ಮೇಲಿನ ಸಾಮಾಗ್ರಿಗಳ ಜೊತೆ ಹಾಕಬೇಕು.