ಚಾಕೋಲೆಟ್‌ ಡೇ: ಹೋಂಮೇಡ್ ಚಾಕೋಲೆಟ್ ಮಾಡುವುದು ಹೇಗೆ?

ಫೆಬ್ರವರಿ 9ನ್ನು ಚಾಕೋಲೆಟ್‌ ಡೇಯೆಂದು ಆಚರಿಸಲಾಗುವುದು. ಈ ದಿನದ ವಿಶೇಷವಾಗಿ ಮಾತ್ರವಲ್ಲ ಯಾವುದೇ ದಿನವಾದರೂ ನೀವು ಚಾಕೋಲೆಟ್‌ ಸುಲಭವಾಗಿ ಮಾಡಬಹುದು, ಇನ್ನು ಮನೆಯಲ್ಲಿ ಮಕ್ಕಳಿಗೆ ನೀವೇ ಚಾಕೋಲೆಟ್‌ ಮಾಡಿ ಕೊಡಬಹುದು, ಈ ಚಾಕೋಲೆಟ್‌ ಮಾಡುವ ವಿಧಾನ ಕೂಡ ಅಷ್ಟೇ ಸರಳವಾಗಿದೆ, ಇದಕ್ಕೆ ಬೇಕಿದ್ದರೆ ನೀವು ನಟ್ಸ್‌ ಸೇರಿಸಬಹುದು, ಮೋಲ್ಡ್‌ಗೆ ಸುರಿಯುವಾಗ ರೋಸ್ಟ್ ಮಾಡಿದ ನಟ್ಸ್ ಇಟ್ಟು ಸುರಿಯಿರಿ.

ಹೋಂ ಮೇಡ್ ಚಾಕೋಲೆಟ್ ಮಾಡುವುದು ಹೇಗೆ ಎಂದು ನೋಡೋಣ:

ಹೋಂಮೇಡ್‌ ಚಾಕೋಲೆಟ್‌ಗೆ ಬೇಕಾಗುವ ಸಾಮಗ್ರಿ
ಬೆಣ್ಣೆ: ತಾಜಾ ಬೆಣ್ಣೆ ಬಳಸಿ, ಮನೆಯಲ್ಲಿಯೇ ಮಾಡಿದ ಬೆಣ್ಣೆಯಾದರೆ ಇನ್ನೂ ಒಳ್ಳೆಯದು
ಹಾಲಿನ ಪುಡಿ: ನೀವು ಯಾವುದೇ ಹಾಲಿನ ಪುಡಿ ಬಳಸಬಹುದು
ಸಕ್ಕರೆ: ಇದನ್ನು ನುಣ್ಣನೆ ಪುಡಿ ಮಾಡಿರಬೇಕು
ಕೋಕಾ ಪುಡಿ: ಒಳ್ಳೆಯ ಗುಣಮಟ್ಟದ ಕೋಕಾಪುಡಿ ಬಳಸಿ

ಇತರ ಸಲಹೆ
ನೀವು ಬದಲಿಗೆ ಎಣ್ಣೆ ಬಳಸಿದರೆ ಅಷ್ಟು ರುಚಿ ಅನಿಸುವುದಿಲ್ಲ
ತುಪ್ಪ: ತುಪ್ಪದ ಫ್ಲೇವರ್‌ ತುಂಬಾ ದಿನ ಇಡುವಾಗ ಭಿನ್ನವಾಗಿರುತ್ತದೆ
ಹಾಗಾಗಿ ನೀವು ಬೆಣ್ಣೆಯನ್ನೇ ಬಳಸಿ

ಚಾಕೋಲೆಟ್ ಮಾಡುವ ಸ್ಟೆಪ್ ಬೈ ಸ್ಟೆಪ್ ವಿಧಾನ:

• ಒಂದು ಬೌಲ್‌ಗೆ 3 ಚಮಚ ಸಕ್ಕರೆ ಪುಡಿ, 2 ಚಮಚ ಕೋಕಾ ಪುಡಿ, 1 ಚಮಚ ಹಾಲಿನ ಪುಡಿ ಹಾಕಿ ಸೋಸಿ, ಆವಾಗ ನಿಮಗೆ ಇನ್ನೂ ನುಣ್ಣನೆಯ ಪುಡಿ ಸಿಗಲಿದೆ
• ನಂತರ ಇವುಗಳನ್ನು ಸ್ಪೂನ್‌ನಲ್ಲಿ ಮಿಕ್ಸ್ ಮಾಡಿ ಬದಿಯಲ್ಲಿ ಇಡಿ.
• ಚಿಕ್ಕ ಪ್ಯಾನ್‌ನಲ್ಲಿ ಒಂದು ಲೋಟ ನೀರು ಹಾಕಿ ಕುದಿಸಿ
• ಈಗ ಒಂದು ಬೌಲ್‌ ನೀರಿನ ಮೇಲಿಡಿ
• ಆದರೆ ನೀರಿನೊಳಗಡೆ ಬೌಲ್ ಮುಳುಗುವಂತೆ ಇರಬಾರದು
• ಈಗ ಆ ಬೌಲ್‌ಗೆ 1/4 ಕಪ್ ಬೆಣ್ಣೆ ಹಾಕಿ
• ಅದು ಕರಗುವವರೆಗೆ ಬಿಡಿ
• ಬೆಣ್ಣೆ ಕರಗಿದ ಮೇಲೆ ನೀವು ಸೋಸಿ ಮಿಕ್ಸ್ ಮಾಡಿಟ್ಟ ಪುಡಿ ಹಾಕಿ
• ಮಿಶ್ರಣ ಹಾಕಿದಾಗ ಗಂಟು ಕಟ್ಟದಿರಲು ಮಿಕ್ಸ್ ಮಾಡುತ್ತಲೇ ಇರಿ
• (ಸಲಹೆ: ನೀವು ಎಲ್ಲಾ ಮಿಶ್ರಣ ಒಟ್ಟಿಗೆ ಸುರಿಯಬೇಡಿ, ಮೊದಲಿಗೆಅರ್ಧದಷ್ಟು ಮಿಶ್ರಣ ಮೆಲ್ಲನೆ ಸುರಿದು ಮಿಕ್ಸ್ ಮಾಡಿ, ನಂತರ ಬಾಕಿಯುಳಿದ ಮಿಶ್ರಣ ಸೇರಿಸಿ)
• ಮಿಶ್ರಣ ತುಂಬಾ ಚೆನ್ನಾಗಿ ಮಿಕ್ಸ್ ಆಗಬೇಕು.
• ಅದಕ್ಕೆ ಅರ್ಧ ಚಮಚ ವೆನಿಲ್ಲಾ ಎಸೆನ್ಸ್ ಸೇರಿಸಿ
• ನಂತರ ಪಟ್ ಅಂತ ಮಿಕ್ಸ್ ಮಾಡಿ
• ಸ್ಟೌವ್ ಆಫ್ ಮಾಡಿ
• ನಂತರ ಚಾಕೋಲೆಟ್‌ ಮೋಲ್ಡ್ ಹಾಕಿಗೆ, ಹಾರ್ಟ್‌ ಶೇಪ್‌ನ ಚಾಕೋಲೆಟ್‌ಗೆ ಸುರಿದರೆ ಇನ್ನೂ ಒಳ್ಳೆಯದು, ಇಷ್ಟು ಮಾಡಿದರೆ ಹೋಂ ಮೇಡ್‌ ಚಾಕೋಲೆಟ್‌ ರೆಡಿ.

ಈ ಚಾಕೋಲೆಟ್‌ ನೀವು ಮಾಡಿದರೆ ತಿಂಗಳವರೆಗೆ ಇಟ್ಟರೂ ಹಾಳಾಗವುದಿಲ್ಲ, ಅಲ್ಲದೆ ಇದನ್ನು ನೀವು ಭಿನ್ನ ಶೇಪ್‌ನಲ್ಲಿಯೂ ಮಾಡಬಹುದು. ಇದರ ಮೇಲೆ ಬೇಕಿದ್ದರೆ ಕ್ರೀಮ್ ಕೂಡ ಸೇರಿಸಬಹುದು.