ಪನ್ನೀರ್ ದೋಸೆ -ಬ್ರೇಕ್ ಫಾಸ್ಟ್ ರೆಸಿಪಿ

Breakfast

oi-Reena

By Hema S

Updated: Thursday, December 13, 2012, 11:06 [IST]

ಪನ್ನೀರ್ ಆರೋಗ್ಯಕ್ಕೆ ಒಳ್ಳೆಯದು ಮತ್ತು ಇದರಿಂದ ಪದಾರ್ಥ ಮಾಡಿದರೆ ತುಂಬಾ ರುಚಿಕರವಾಗಿರುತ್ತದೆ. ಒಡೆದ ಹಾಲನ್ನು ಬಿಸಾಡದೆ ಅದರಿಂದ ಪನ್ನೀರ್ ತಯಾರಿಸಿ ರುಚಿಕರವಾದ ಕರಿ, ತಿಂಡಿ, ಸ್ಟ್ರಾಟರ್ಸ್ ತಯಾರಿಸಬಹುದು. ಪನ್ನೀರ್ ನಿಂದ ರುಚಿಕರವಾದ ತಯಾರಿಸಬಹುದಾಗಿದ್ದು ಪನ್ನೀರ್ ದೋಸೆಯ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
3 ಕಪ್ ಅಕ್ಕಿ
1 ಕಪ್ ಉದ್ದಿನ ಬೇಳೆ
1 ಚಮಚ ಮೆಂತೆ
ಬೆಣ್ಣೆ
2-3 ಆಲೂಗೆಡ್ಡೆ
ಅರ್ಧ ಕಪ್ ತುರಿದ ಪನ್ನೀರ್
3 ಹಸಿ ಮೆಣಸಿನಕಾಯಿ
1 ಚಮಚ ಸಾಸಿವೆ
ಕಾಲು ಚಮಚ ಅರಿಶಿಣ
10-12 ಕರಿಬೇವಿನ ಎಲೆ
ರುಚಿಗೆ ತಕ್ಕ ಉಪ್ಪು
ಎಣ್ಣೆ

ತಯಾರಿಸುವ ವಿಧಾನ:

1. ಅಕ್ಕಿ, ಉದ್ದಿನಬೇಳೆ, ಮೆಂತೆಯನ್ನು 6-8 ಗಂಟೆಗಳ ನೀರಿನಲ್ಲಿ ನೆನೆ ಹಾಕಬೇಕು.

2. ನಂತರ ಸಾಯಂಕಾಲ ಹೊತ್ತಿಗೆ ಅವುಗಳಿಗೆ ಸ್ವಲ್ಪ ನೀರು ಹಾಕಿ ನುಣ್ಣಗೆ ಅರೆಯಬೇಕು.

3. ರುಚಿಗೆ ತಕ್ಕ ಉಪ್ಪು ಸೇರಿಸಿ ಒಂದು ರಾತ್ರಿ ಇಡಬೇಕು.

4. ಆಲೂಗೆಡ್ಡೆಯ ಸಿಪ್ಪೆ ತೆಗೆದು ಕತ್ತರಿಸಿ ಚಿಕ್ಕ ತುಂಡುಗಳಾಗಿ ಕತ್ತರಿಸಬೇಕು.

5. ಈರುಳ್ಳಿ ಮತ್ತು ಹಸಿ ಮೆಣಸಿನಕಾಯಿಯನ್ನೂ ಕೂಡ ಚಿಕ್ಕದಾಗಿ ಕತ್ತರಿಸಬೇಕು.

6. ನಂತರ ಒಂದು ಪಾತ್ರೆಗೆ ಎಣ್ಣೆ ಹಾಕಿ ಅದರಲ್ಲಿ ಸಸಿವೆಯನ್ನು ಹಾಕಬೇಕು, ಸಾಸಿವೆ ಚಟಾಪಟ ಶಬ್ದ ಬರುವಾಗ ಕರಿಬೇವಿನ ಎಲೆ, ಕತ್ತರಿಸಿದ ಈರುಳ್ಳಿ ಹಾಕಿ, ಈರುಳ್ಳಿ ಕಂದು ಬಣ್ಣ ಬರುವಾಗ ಆಲೂಗೆಡ್ಡೆ, ಹಸಿಮೆಣಸಿನಕಾಯಿ ಮತ್ತು ಪನ್ನೀರ್ ಮೂರನ್ನು ಹಾಕಿ ಅರ್ಧ ಚಮಚದಷ್ಟು ಉಪ್ಪು ಮತ್ತು ಅರಿಶಿಣಪುಡಿ ಹಾಕಿ ಆಲೂಗೆಡ್ಡೆ ಬೇಯುವವರೆಗೆ ಹುರಿದು ಪಾತ್ರೆಯನ್ನು ಉರಿಯಿಂದ ತೆಗೆದು ಇಡಬೇಕು.

7. ನಂತರ ತವಾವನ್ನು ಬಿಸಿ ಮಾಡಿ ಅದಕ್ಕೆ ಒಂದು ಚಮಚ ಎಣ್ಣೆ ಹಾಕಿ ದೋಸೆ ಹುಯ್ಯಬೇಕು. ದೋಸೆ ಸ್ವಲ್ಪ ಬೆಂದಾಗ ಸ್ವಲ್ಪ ಬೆಣ್ಣೆ ಹಾಕಿ ಅದರ ಮೇಲೆ ಪನ್ನೀರ್ ಮಿಶ್ರಣವನ್ನು ಉದುರಿಸಿ, ಮಸಾಲೆದೋಸೆ ಮಡಚುವ ರೀತಿ ಮಡಚಿದರೆ ಪನ್ನಿರ್ ದೋಸೆ ರೆಡಿ. ನಂತರ ತವಾವನ್ನು ಬಟ್ಟೆಯಿಂದ ಒರೆಸಿ ಇದೇ ರೀತಿ ಉಳಿದ ಮಿಶ್ರಣದಿಂದ ದೋಸೆ ಮಾಡಬೇಕು.

ಈ ದೋಸೆಯನ್ನು ಸಾಂಬರ್ ಮತ್ತು ಚಟ್ನಿ ಜೊತೆ ನೆಚ್ಚಿಕೊಂಡು ತಿನ್ನಲು ತುಂಬಾ ರುಚಿಯಾಗಿರುತ್ತದೆ.