ರುಚಿಕರ ರಾಗಿ ರೊಟ್ಟಿ ಸುಲಭವಾಗಿ ಮಾಡೋದು ಹೇಗೆ?

Breakfast

oi-Sumalatha

By Sumalatha

Published: Friday, September 30, 2011, 17:11 [IST]

ರಾಗಿ ಮುದ್ದೆ, ರಾಗಿ ದೋಸೆ, ರಾಗಿ ರೊಟ್ಟಿ ತಿನ್ನೋದಕ್ಕೂ ಹಿತ, ಆರೋಗ್ಯಕ್ಕೂ ಒಳ್ಳೇದು. ಈ ದಿನದ ಚಿಕ್ಕಮಗಳೂರು ಸ್ಪೆಷಲ್ ರಾಗಿ ರೊಟ್ಟಿಯನ್ನು ತಯಾರಿಸುವ ಸುಲಭ ವಿಧಾನವನ್ನು ಇಲ್ಲಿ ನೀಡಲಾಗಿದೆ. ಕೇವಲ 3 ಸ್ಟೆಪ್ ಗಳಲ್ಲಿ ಮಾಡಿ ಮುಗಿಸಬಹುದಾದ ಈ ರಾಗಿ ರೊಟ್ಟಿ ಸಾಮಾನ್ಯ ರೊಟ್ಟಿಗಿಂತ ತುಂಬಾ ರುಚಿಕರ.

ರಾಗಿ ರೊಟ್ಟಿಗೆ ಏನೇನು ಬೇಕು?
* 2 ಕಪ್ ರಾಗಿ ಹಿಟ್ಟು
* 1 ಕಪ್ ಚಿಕ್ಕದಾಗಿ ಕ್ತತರಿಸಿದ ಈರುಳ್ಳಿ
* 1/2 ಕಪ್ ಕತ್ತರಿಸಿದ ಕೊತ್ತಂಬರಿ
* 2-3 ಹಸಿರು ಮೆಣಸಿನಕಾಯಿ (ಕತ್ತರಿಸಿದ್ದು)
* 1 ಚಮಚ ಜೀರಿಗೆ
* 1 ಕಪ್ ತುರಿದ ತಾಜಾ ತೆಂಗಿನ ಕಾಯಿ
* 1 ಚಮಚ ಶುಂಠಿ ಪೇಸ್ಟ್
* ರುಚಿಗೆ ತಕ್ಕಷ್ಟು ಉಪ್ಪು, ನೀರು

ರಾಗಿ ರೊಟ್ಟಿ ಸುಲಭವಾಗಿ ತಯಾರಿಸುವುದು ಹೀಗೆ..

ಸ್ಟೆಪ್ 1: ಒಂದು ಬಟ್ಟಲಿನಲ್ಲಿ ರಾಗಿಹಿಟ್ಟು, ಈರುಳ್ಳಿ, ಕೊತ್ತಂಬರಿ, ಹಸಿರುಮೆಣಸಿನ ಕಾಯಿ, ಜೀರಿಗೆ, ತೆಂಗಿನಕಾಯಿ, ಶುಂಠಿ ಪೇಸ್ಟ್, ಉಪ್ಪು ಎಲ್ಲವನ್ನೂ ಹದವಾಗಿ ಮಿಶ್ರಣ ಮಾಡಿ ನೀರು ಹಾಕಿ ಸ್ವಲ್ಪ ಗಟ್ಟಿಯಾಗಿ ಹಿಟ್ಟಿನಂತೆ ಕಲೆಸಿಕೊಳ್ಳಬೇಕು.

ಸ್ಟೆಪ್ 2: ಹಿಟ್ಟನ್ನು ಉಂಡೆಯಂತೆ ತೆಗೆದುಕೊಂಡು ಕಾದಿರುವ ತವೆಯ ಮೇಲೆ ಕೈಯ್ಯಲ್ಲಿ ಹರಡಿಸಬೇಕು.

ಸ್ಟೆಪ್ 3: ರೊಟ್ಟಿ ಕೆಂಪಗಾಗುವವರೆಗೂ ಬೇಯಿಸಿ ನಂತರ ತೆಗೆಯಬೇಕು.

ಈಗ ರೊಟ್ಟಿಯನ್ನು ತುಪ್ಪ ಅಥವಾ ಬೆಣ್ಣೆಯೊಂದಿಗೆ ಹಾಕಿ ಕೊಟ್ಟರೆ ನಾಲಗೆಯ ರುಚಿ ದುಪ್ಪಟ್ಟಾಗುತ್ತೆ. ಜೊತೆಗೆ ಚಟ್ನಿ ಅಥವಾ ಪಲ್ಯ ಇದ್ದರೆ ಇನ್ನೂ ಚೆಂದ.