ಅಯ್ಯೋ ಮರೆತೆ ಬಿಟ್ಟೆವು! ಅಜ್ಜಿ ಕಾಲದ 8 ರುಚಿಕರ ಭಕ್ಷ್ಯಗಳಿವು.. ಇವುಗಳ ರುಚಿ ನೋಡಿದ್ದೀರಾ?

ಅಯ್ಯೋ ಮರೆತೆ ಬಿಟ್ಟೆವು! ನಮ್ಮ ಅಜ್ಜಿ ಕಾಲದ 8 ಆಹಾರಗಳು. ಇವುಗಳ ಬಗ್ಗೆ ನಿಮಗೆಷ್ಟು ಗೊತ್ತು? ಹೌದು, ಈ 8 ಅದ್ಭುತ ಭಾರತೀಯ ತಿನಿಸುಗಳು (traditional Indian dishes) ಇಂದಿನ ಕಾಲಕ್ಕೆ ಸಿಗುವುದಿಲ್ಲ. ಹೌದು, ಕಾಲಕ್ರಮೇಣ ಮರೆಯಾಗಿರುವ ಕೆಲವು ಸಾಂಪ್ರದಾಯಿಕ ಭಕ್ಷ್ಯಗಳ ಬಗ್ಗೆ ಈ ಲೇಖನದಲ್ಲಿ ತಿಳಿಸಲಾಗಿದೆ. ಅವುಗಳ ಸವಿರುಚಿ ಮತ್ತು ಪರಿಮಳವು ಇಂದಿಗೂ ಬಾಯಲ್ಲಿ ನೀರೂರಿಸುವಂತೆ ಮಾಡುತ್ತದೆ. ಅವುಗಳು ಖಂಡಿತವಾಗಿಯೂ ಹಳೆಯ ನೆನಪುಗಳನ್ನು ಮರುಕಳಿಸುವಂತೆ ಮಾಡುತ್ತವೆ.

ಭಾರತವು ತನ್ನ ಶ್ರೀಮಂತ ಮತ್ತು ವೈವಿಧ್ಯಮಯ ಸುವಾಸನೆಗಳಿಗೆ ಹೆಸರುವಾಸಿ. ಪ್ರತಿಯೊಂದು ರಾಜ್ಯ ಅಥವಾ ಪ್ರದೇಶವು ತನ್ನದೇ ಆದ ವಿಶಿಷ್ಟವಾದ ಪಾಕಶಾಲೆಯ ಸೊಬಗನ್ನು ಹೊಂದಿದೆ. ಆದರೆ ಬಿರಿಯಾನಿ, ಸಮೋಸಾ ಚಾಟ್ ಮತ್ತು ಚೋಲೆ ಭಟೂರೆಯಂತಹ ಜನಪ್ರಿಯ ತಿನಿಸುಗಳು ವ್ಯಾಪಕವಾಗಿ ಪ್ರಚಾರ ಪಡೆಯುತ್ತವೆ. ಆದಾಗ್ಯೂ, ಅನೇಕ ಸಾಂಪ್ರದಾಯಿಕ ಭಕ್ಷ್ಯಗಳು ನಿಧಾನವಾಗಿ ಬಳಕೆಯಿಲ್ಲದಂತಾಗಿವೆ. ಅವುಗಳ ರುಚಿ ಮತ್ತು ಇತಿಹಾಸವನ್ನು ಉಳಿಸುವುದು ಮುಖ್ಯ.

1. ಮರ್ಘ್ ಚೋಲೆ

ಮರೆಯಾಗಿರುವ ಖಾದ್ಯಗಳಲ್ಲಿ ಮರ್ಘ್ ಚೋಲೆ (Murgh cholay) ಪ್ರಮುಖವಾದದ್ದು. ಇದು ಅವಿಭಜಿತ ಪಂಜಾಬ್‌ನ ಪಾಕವಿಧಾನವಾಗಿದೆ. ಪಂಜಾಬಿ ಅಡುಗೆಯಲ್ಲಿ ಸಾಮಾನ್ಯವಾಗಿ ಬಳಸುವ ಚಿಕನ್ ಮತ್ತು ಚೋಲೆ (ಕಡಲೆಕಾಳು) ಯನ್ನು ಇದು ಒಳಗೊಂಡಿದೆ. ವಿಭಜನೆಯ ಕಷ್ಟಕರ ಸಮಯದಲ್ಲಿ ಈ ಖಾದ್ಯವು ಉಳಿದುಕೊಂಡಿತು ಎಂದು ಹೇಳಲಾಗುತ್ತದೆ.

2. ದಾಲ್ ಕಿ ದುಲ್ಹನ್

ದಾಲ್ ಕಿ ದುಲ್ಹನ್ (Dal ki Dulhan) ಬಿಹಾರ ಮತ್ತು ಉತ್ತರ ಪ್ರದೇಶದ ಒಂದು ಸಾಂಪ್ರದಾಯಿಕ ತಿನಿಸು. ಗೋಧಿ ಹಿಟ್ಟಿನಿಂದ ತಯಾರಿಸಿದ ದುಂಡನೆಯ ಕಡುಬುಗಳನ್ನು ತೊಗರಿ ಬೇಳೆ ಸಾರಿನಲ್ಲಿ ಬೇಯಿಸಿ, ತುಪ್ಪ, ಜೀರಿಗೆ, ಕೆಂಪು ಮೆಣಸಿನಕಾಯಿ ಮತ್ತು ಇಂಗು ಒಗ್ಗರಣೆ ಹಾಕಲಾಗುತ್ತದೆ.

3. ಕೇಸರಿ ಮಾಸ್

ಕೇಸರಿ ಮಾಸ್ (Kesari Maas) ಎಂಬುದು ಮಹಾರಾಷ್ಟ್ರದ ಒಂದು ಖಾದ್ಯವಾಗಿದೆ. ಹೆಸರೇ ಸೂಚಿಸುವಂತೆ, ಇದು ಕುಂಕುಮ ಕೇಸರಿ ಮತ್ತು ಮಟನ್ ಬಳಸಿ ತಯಾರಿಸಲಾಗುತ್ತದೆ. ಇದನ್ನು ಆ ರಾಜ್ಯದ ರಾಜಮನೆತನದ ಭಕ್ಷ್ಯವೆಂದು ಪರಿಗಣಿಸಲಾಗುತ್ತದೆ.

4. ಅವಾನ್ ಬಾಂಗ್ವಿ

ಅವಾನ್ ಬಾಂಗ್ವಿ (Awan Bangwi) ತ್ರಿಪುರಾದ ಒಂದು ವಿಶಿಷ್ಟ ಭಕ್ಷ್ಯ. ಇದನ್ನು 'ಗುರಿಯಾ' ಎಂಬ ವಿಶೇಷವಾದ ದಪ್ಪ ಅಕ್ಕಿಯಿಂದ ತಯಾರಿಸಲಾಗುತ್ತದೆ. ಇದನ್ನು 'ಲೈರು' ಎಲೆಗಳಲ್ಲಿ ಸುತ್ತಿ ಬೇಯಿಸಲಾಗುತ್ತದೆ. ಈ ಎಲೆಗಳು ಭಕ್ಷ್ಯಕ್ಕೆ ವಿಶಿಷ್ಟ ಪರಿಮಳವನ್ನು ನೀಡುತ್ತವೆ.

5. ಕುವರ್ ಪಾಕ್

ಕುವರ್ ಪಾಕ್ (Kuvar Pak) ಒಂದು ಗುಜರಾತಿ ಸಿಹಿ ತಿನಿಸು. ಇದನ್ನು ಅಲೋವೆರಾ, ಹಾಲು, ಕೆನೆ, ತುಪ್ಪ, ಬೀಜಗಳು ಮತ್ತು ಸಕ್ಕರೆಯಿಂದ ತಯಾರಿಸಲಾಗುತ್ತದೆ. ಇದು ರುಚಿಕರ ಮತ್ತು ಆರೋಗ್ಯಕರ ಸಿಹಿ ಖಾದ್ಯವಾಗಿದೆ.

6. ರಾಂಪುರಿ ತಾರ್ ಕೋರ್ಮಾ

ರಾಂಪುರಿ ತಾರ್ ಕೋರ್ಮಾ (Rampuri Taar Korma) ರಾಂಪುರದಲ್ಲಿ ಹುಟ್ಟಿಕೊಂಡ ಒಂದು ವಿಶೇಷ ಭಕ್ಷ್ಯವಾಗಿದೆ. ಮಟನ್ ಸ್ಟಾಕ್ ಅನ್ನು ಬೇಯಿಸುವ ವಿಧಾನವು ಈ ಕೋರ್ಮಾಕ್ಕೆ ವಿಶಿಷ್ಟ ರುಚಿಯನ್ನು ನೀಡುತ್ತದೆ. ಇದು ಬಾಯಿಯಲ್ಲಿ ಕರಗುವಂತಹ ಮೃದುವಾದ ಗ್ರೇವಿಯನ್ನು ಹೊಂದಿರುತ್ತದೆ.

7. ಬಜ್ರೆ ಕೆ ಚಮ್ಚಮಿಯಾ

ಬಜ್ರೆ ಕೆ ಚಮ್ಚಮಿಯಾ (Bajre ke Chamchamiya) ಗುಜರಾತ್‌ನ ಚಳಿಗಾಲದ ವಿಶೇಷ ಖಾದ್ಯವಾಗಿದೆ. ಇದು ರಾಗಿ ಹಿಟ್ಟಿನಿಂದ ಮಾಡಿದ ಪ್ಯಾನ್‌ಕೇಕ್ ಆಗಿದೆ. ರಾಗಿ ಹಿಟ್ಟು, ಮೆಂತ್ಯ ಸೊಪ್ಪು, ಕೊತ್ತಂಬರಿ ಸೊಪ್ಪು, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಇಂಗು, ಓಂಕಾಳು, ಮೊಸರು, ಎಳ್ಳು ಮತ್ತು ಅಡುಗೆ ಸೋಡಾ ಮುಂತಾದ ಪದಾರ್ಥಗಳನ್ನು ಬಳಸಿ ತಯಾರಿಸಲಾಗುತ್ತದೆ.

8. ಬೇರು ರೊಟ್ಟಿ

ಬೇರು ರೊಟ್ಟಿಯನ್ನು ಬೆಡು ರೊಟ್ಟಿ (Bedu Roti) ಎಂತಲೂ ಕರೆಯುತ್ತಾರೆ. ಇದನ್ನು ಗೋಧಿ ಹಿಟ್ಟಿನಿಂದ ತಯಾರಿಸಲಾಗುತ್ತದೆ. ಇದರ ಒಳಗೆ ಉದ್ದಿನ ಬೇಳೆ, ಹಸಿ ಮೆಣಸಿನಕಾಯಿ, ಜೀರಿಗೆ, ಕೊತ್ತಂಬರಿ ಬೀಜ, ತಾಜಾ ಬೆಳ್ಳುಳ್ಳಿ, ತಾಜಾ ಶುಂಠಿ ಮತ್ತು ಉಪ್ಪಿನ ಮಿಶ್ರಣವನ್ನು ತುಂಬಿ ತಯಾರಿಸಲಾಗುತ್ತದೆ. ಈ ಎಲ್ಲಾ ಪದಾರ್ಥಗಳನ್ನು ಸೇರಿಸಿ ಸಿಲ್ ಬಟ್ಟಾದಲ್ಲಿ ತರಿತರಿಯಾಗಿ ರುಬ್ಬಿ, ಆ ಮಿಶ್ರಣವನ್ನು ರೊಟ್ಟಿಯೊಳಗೆ ತುಂಬಲಾಗುತ್ತದೆ.