Just In
- 8 hrs ago ಮೀನ ರಾಶಿಯಲ್ಲಿ ರಾಹು-ಮಂಗಳ ಯುತಿಯಿಂದ ಅಂಗಾರಕ ಯೋಗ: 12 ರಾಶಿಗಳ ಮೇಲಿರಲಿದೆ ಈ ನಕರಾತ್ಮಕ ಪರಿಣಾ
- 8 hrs ago ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- 9 hrs ago ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- 10 hrs ago ಏಪ್ರಿಲ್ 24 ದಿನ ಭವಿಷ್ಯ: ಬುಧವಾರದ ಈ ದಿನ ನಿಮ್ಮ ರಾಶಿಫಲ ಹೇಗಿದೆ?
Don't Miss
- Finance ಎಂಡಿಎಚ್ ಮತ್ತು ಎವರೆಸ್ಟ್ ಸೇರಿದಂತೆ ಎಲ್ಲಾ ಬ್ರಾಂಡ್ ಮಸಾಲೆಗಳ ಮಾದರಿಗಳ ಪರೀಕ್ಷೆಗೆ ಮುಂದಾದ FSSAI
- News ಮತದಾನದ ದಿನ ಬೆಳಗ್ಗೆ ಸಿಗಲ್ಲ ಬಾಡಿಗೆ ವಾಹನಗಳು!
- Sports CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೆರಿಗೆ ಬಳಿಕ ಬಾಣಂತಿಯರ ಆಹಾರಕ್ರಮ ಹೀಗಿದ್ದರೆ ಬೇಗನೆ ಚೇತರಿಸಬಹುದು
ಹೆರಿಗೆ ಎಂಬುವುದು ಹೆಣ್ಣಿಗೆ ಮರುಹುಟ್ಟು. ಒಂದು ಜೀವ ಅವಳಿಂದ ಬರುವಾಗ ಅವಳಿಗೂ ಅದು ಹೊಸ ಜನ್ಮ. ಹೆರಿಗೆಯ ಬಳಿಕ ದೇಹ ಮೊದಲಿನ ಸ್ಥಿತಿಗೆ ಬರಲು ಒಂದೆರಡು ತಿಂಗಳಾದರೂ ಬೇಕು.
ಇನ್ನು ತಾಯಿ ತನ್ನ ಆರೋಗ್ಯದ ಜೊತೆಗೆ ಮಗುವಿನ ಆರೋಗ್ಯದ ಕಡೆಯೂ ಗಮನ ನೀಡಬೇಕು, 6 ತಿಂಗಳವರೆಗೆ ಮಗುವಿಗೆ ಎದೆಹಾಲು ಮಾತ್ರ ನೀಡುವುದರಿಂದ ಮಗುವಿಗೆ ಹಾಲು ಕಡಿಮೆಯಾಗದಿರಲು ಹಾಗೂ ತಮ್ಮ ದೇಹ ಬೇಗನೆ ಚೇತರಿಸಿಕೊಳ್ಳಲು ಪೌಷ್ಠಿಕಾಂಶ ಆಹಾರಗಳನ್ನು ಸೇವಿಸಬೇಕು.
ಬಾಣಂತಿಗೆ ಯಾವ ಆಹಾರಗಳು ಒಳ್ಳೆಯದು? ಆಹಾರಕ್ರಮ ಹೇಗಿರಬೇಕು ಎಂದು ನೋಡೋಣ:
ಬಾಣಂತಿ ಸೇವಿಸಬೇಕಾದ ಆಹಾರಗಳು
* ತರಕಾರಿಗಳು: ಸೊಪ್ಪು, ದುಂಡು ಮೆಣಸು, ಬ್ರೊಕೋಲಿ, ಕ್ಯಾರೆಟ್, ಸಿಹಿ ಗೆಣಸು, ಟೊಮೆಟೊ, ಸೆಲರಿ, ಕ್ಯಾಬೇಜ್, ಬೀಟ್ರೂಡ್, ಹಾಗಲಕಾಯಿ, ಬಾಳೆಯ ಹೂ ಈ ಬಗೆಯ ತರಕಾರಿಗಳನ್ನು ನಿಮ್ಮ ಆಹಾರದಲ್ಲಿ ಸೇವಿಸಬೇಕು.
* ಹಣ್ಣುಗಳು: ಸಿಟ್ರಸ್ ಅಂಶದ ಹಣ್ಣುಗಳನ್ನು ಸೇವಿಸಿ. ಬೆರ್ರಿ, ಮಾವಿನ ಹಣ್ಣು, ಕಲ್ಲಂಗಡಿ, ಬಾಳೆಹಣ್ಣು, ಸೇಬು, ದಾಳಿಂಬೆ ಈ ಬಗೆಯ ಹಣ್ಣುಗಳನ್ನು ಸೇವಿಸಿ.
* ಧಾನ್ಯಗಳು: ಮೊಳಕೆ ಬರಿಸಿದ ಕಾಳುಗಳು, ನವಣೆ, ಕೆಂಪಕ್ಕಿ , ಗೋಧಿ, ಮೊಳಕೆ ಬರಿಸಿದ ಕಾಳುಗಳು ಇವುಗಳನ್ನು ಸೇವಿಸಿ.
* ತೆಳು ಮಾಂಸ ಹಾಗೂ ಪ್ರೊಟೀನ್ ಇರುವ ಆಹಾರಗಳು: ಮೊಟ್ಟೆ, ಮೀನು, ಚಿಕನ್, ಟೋಫು ಇಂಥ ಆಹಾರಗಳನ್ನು ಸೇವಿಸಿ.
* ಕಡಿಮೆ ಕೊಬ್ಬಿನಂಶ ಇರುವ ಹಾಲಿನ ಉತ್ಪನ್ನಗಳು: ಮೊಸರು, ಹಾಲು, ಚೀಸ್ , ತುಪ್ಪ ಇಂಥ ಆಹಾರಗಳನ್ನು ಸೇರಿಸಿ.
ಬಾಣಂತಿಯ ಆಹಾರಕ್ರಮ ಹೇಗಿರಬೇಕು?
ಬ್ರೇಕ್ಫಾಸ್ಟ್: ಒಂದು ಕಪ್ ಹಾಲು ಹಾಕಿದ ಓಟ್ಸ್ ಸೇವಿಸಿ. ಇದರ ಜೊತೆಗೆ ಮತ್ತಷ್ಟು ವಿಟಮಿನ್ಗೆ ಒಂದು ಕಪ್ ಹಣ್ಣುಗಳನ್ನು ಸೇವಿಸಿ.
ಲಂಚ್: ಮೀನು/ಚಿಕನ್/ ಮೊಟ್ಟೆ ಇವುಗಳ ಜೊತೆಗೆ ತರಕಾರಿ ಪಲ್ಯ, ಸಾರು ಹಾಗೂ ಅನ್ನ ಅಥವಾ ಚಪಾತಿ ಸೇವಿಸಿ. ವಿಟಮಿನ್ ಸಿ ಇರುವ ಸೂಪ್ ಸೇವಿಸಿ. ಟೊಮೆಟೊ ಸೂಪ್, ಚಿಕನ್ ಸೂಪ್ ಮುಂತಾದ ಸೂಪ್ ಒಳ್ಳೆಯದು.
ಡಿನ್ನರ್: ಸ್ವಲ್ಪ ಕೆಂಪಕ್ಕಿ ಅನ್ನ, ಒಂದು ಚಮಚ ತುಪ್ಪ, ಮೀನು ಅಥವಾ ಚಿಕನ್ ಜೊತೆಗೆ ಸ್ವಲ್ಪ ತರಕಾರಿ ನಿಮ್ಮ ಡಿನ್ನರ್ನಲ್ಲಿರಲಿ.
ಸ್ನಾಕ್ಸ್: ಇದರ ಮಧ್ಯ-ಮಧ್ಯ ಡ್ರೈಫ್ರೂಟ್ಸ್ ಸವಿಯಿರಿ. ಜೊತೆಗೆ ತಾಜಾ ಜ್ಯೂಸ್ ಅಥವಾ ಸ್ಮೂತಿ ತಯಾರಿಸಿ ಕುಡಿಯಬಹುದು.
ಸಾಕಷ್ಟು ನೀರು ಕುಡಿಯಿರಿ: ಬಾಣಂತಿಯರು ಕಡಿಮೆಯೆಂದರೂ 3 ಲೀಟರ್ ನೀರು ಕುಡಿಯಬೇಕು. ಬಿಸಿ-ಬಿಸಿಯಾದ ನೀರು ಕುಡಿಯಿರಿ.
ವಿಟಮಿನ್ಸ್ ಸಪ್ಲಿಮೆಂಟ್ ತೆಗೆದುಕೊಳ್ಳಬೇಕೇ?
ಈ ಕುರಿತು ನಿಮ್ಮ ವೈದ್ಯರ ಬಳಿ ವಿಚಾರಿಸಿ, ಅವರು ಸೂಚಿಸಿದ ಸಪ್ಲಿಮೆಂಟ್ಸ್ ಅವರು ಹೇಳಿರುವ ಪ್ರಮಾಣದಲ್ಲಿ ಸೇವಿಸಿ. ವಿಟಮಿನ್ಸ್ಗಳ ಕೊರತೆಯಾಗದಂತೆ ಆಹಾರಕ್ರಮ ಪಾಲಿಸಿದರೆ ಸಪ್ಲಿಮೆಂಟ್ಸ್ ಬೇಕಾಗಿಲ್ಲ. ತುಂಬಾ ವೀಕ್ ಇರುವವರು ಕ್ಯಾಲ್ಸಿಯಂ ಹಾಗೂ ಐರನ್ (ಕಬ್ಬಿಣದಂಶ) ಸಪ್ಲಿಮೆಂಟ್ಸ್ ತೆಗೆದುಕೊಳ್ಳಬೇಕು.
ಈ ಪೋಷಕಾಂಶಗಳು ನಿಮ್ಮ ದೇಹಕ್ಕೆ ಅವಶ್ಯಕವಾಗಿದೆ.
ಪ್ರೋಟಿನ್ಸ್: ಬೀನ್ಸ್, ಸಮುದ್ರಾಹಾರ, ತೆಳು ಮಾಂಸ, ಮೊಟ್ಟೆ, ಸೋಯಾ ಉತ್ಪನ್ನಗಳು. ದಿನದಲ್ಲಿ ಸ್ವಲ್ಪ-ಸ್ವಲ್ಪವಾಗಿ 5-7 ಬಾರಿ ಪ್ರೊಟೀನ್ ಇರುವ ಆಹಾರಗಳನ್ನು ಸೇವಿಸಿ.
ಕ್ಯಾಲ್ಸಿಯಂ: ಬಾಣಂತಿಯರಿಗೆ ಒಂದು ದಿನಕ್ಕೆ 1,000 ಮಿ.ಗ್ರಾಂ ಅವಶ್ಯಕವಾಗಿದೆ. ದಿನದಲ್ಲಿ 3 ಬಾರಿ ಸೇವಿಸಿ.
ಕಬ್ಬಿಣದಂಶ: ಪ್ರತಿ ದಿನ 9ಮಿಗ್ರಾಂ ಕಬ್ಬಿಣದಂಶ ಅವಶ್ಯಕವಾಗಿದೆ
ಬಾಣಂತಿಯರಿಗೆ ಎಷ್ಟು ಕ್ಯಾಲೋರಿ ಅವಶ್ಯಕ?
ಮಗುವಾದ ಬಳಿಕ ತಾಯಿಗೆ ದಿನದಲ್ಲಿ 1800 ರಿಂದ 2,200 ಕ್ಯಾಲೋರಿಯ ಆಹಾರಸೇವಿಸಬೇಕು. ನೀವು ಕಡಿಮೆ ತೂಕವನ್ನು ಹೊಂದಿದ್ದರೆ ಅಥವಾ ವರ್ಕ್ಔಟ್ ಮಾಡುವವರಾದರೆ ಇನ್ನೂ 500 ಕ್ಯಾಲೋರಿ ಅಧಿಕ ಸೇವಿಸಬೇಕು.
ಬಾಣಂತಿಯರು ಡಯಟ್ ಮಾಡಬಹುದೇ?
ಕೆಲವರು ಮೈ ತೂಕ ಹೆಚ್ಚಾಗುತ್ತದೆ ಎಂದು ಡಯಟ್ ಮಾಡಲು ಮುಂದಾಗುತ್ತಾರೆ. ಆದರೆ ಈ ಸಮಯದಲ್ಲಿ ನೀವು ಪೌಷ್ಠಿಕಾಂಶದ ಆಹಾರದ ಕಡೆ ಗಮನ ಕೊಡಬೇಕೇ ಹೊರತು ಡಯಟ್ ಕಡೆ ಗಮನ ನೀಡಬಾರದು. ನೀವು ಕಡಿಮೆ ಆಹಾರ ಸೇವನೆ ಮಾಡಿದರೆ ಅದು ನಿಮ್ಮ ಆರೋಗ್ಯಕ್ಕೂ ಒಳ್ಳೆಯದಲ್ಲ, ಮಗುವಿಗೆ ಹಾಲು ಕಡಿಮೆಯಾಗಿ ಪೌಷ್ಠಿಕಾಂಶದ ಕೊರತೆ ಉಂಟಾಗುವುದು. ಆದ್ದರಿಂದ ಬಾಣಂತಿಯಾಗಿದ್ದಾಗ ಪೌಷ್ಠಿಕಾಂಶದ ಆಹಾರ ಸೇವಿಸಿ, ವರ್ಕೌಟ್ ಮಾಡಿ.. ಮೈ ತೂಕ ಹೆಚ್ಚಾಗುವುದಿಲ್ಲ, ದೇಹವೂ ಬೇಗನೆ ಚೇತರಿಸಿಕೊಳ್ಳುವುದು.
ವರ್ಕೌಟ್ ಕೂಡ ಮೊದಲಿಗೆ ಸರಳವಾದ ವ್ಯಾಯಾಮ ಮಾಡಿ, ನಂತರ 6 ತಿಂಗಳ ಬಳಿಕ ಹೊಟ್ಟೆ ಕರಗಿಸುವ ವ್ಯಾಯಾಮದತ್ತ ಗಮನ ನೀಡಿ.