ಅಷ್ಟಕ್ಕೂ ಸಣ್ಣ ಮಗುವಿಗೆ ಮಸಾಜ್‌ನ ಅಗತ್ಯವಿದೆಯಾ?

ಮಸಾಜ್ ಅಗತ್ಯವೇ?

ಇದರ ಅಗತ್ಯವೇನಿಲ್ಲ. ಆದರೆ ಇದು ಹೆತ್ತವರ ಆಯ್ಕೆಗೆ ಬಿಟ್ಟಿರುವ ವಿಚಾರ. ಮಸಾಜ್ ನಿಂದ ಮಗುವಿನೊಂದಿಗಿನ ಭಾಂದವ್ಯವು ಹೆಚ್ಚಾಗುವುದು.

ಇದರ ಲಾಭಗಳು ಏನು?

ಮಕ್ಕಳಿಗೆ ಮಸಾಜ್ ಮಾಡುವುದರಿಂದ ಎಲುಬುಗಳ ಬೆಳವಣಿಗೆ, ರಕ್ತ ಸಂಚಾರ ಉತ್ತಮವಾಗುವುದು ಮತ್ತು ಶಿಶುವಿನ ದೇಹಕ್ಕೆ ಸರಿಯಾದ ಆಕಾರ ನೀಡಲು ಸಾಧ್ಯವಾಗುವುದು ಎಂದು ಹೇಳಲಾಗುತ್ತದೆ. ಆದರೆ ಇದೆಲ್ಲವು ಇದುವರೆಗೆ ಸಾಬೀತಾಗಿಲ್ಲ. ಮಸಾಜ್ ಮಾಡಿದಾಗ ಇದು ಹೆತ್ತವರು ಮತ್ತು ಮಗುವಿನ ನಡುವಿನ ಭಾಂದವ್ಯ ಹೆಚ್ಚಿಸುವುದು.

ಮಸಾಜ್ ಬೇರೆ ಏನು ಮಾಡುತ್ತದೆ?

ಮಗು ಆರಾಮವಾಗಿರಲು ಇದು ನೆರವಾಗುವುದು. ಮಗುವಿಗೆ ಒಳ್ಳೆಯ ನಿದ್ರೆ ಬರುವುದು. ದೊಡ್ಡವರಂತೆ ಮಕ್ಕಳು ಕೂಡ ಪ್ರೀತಿಯ ಸ್ಪರ್ಶ ಇಷ್ಟಪಡುತ್ತಾರೆ ಮತ್ತು ಒತ್ತಡ ನಿವಾರಿಸುವುದು. ಇತರ ಲಾಭಗಳು ವೈಜ್ಞಾನಿಕವಾಗಿ ಸಾಬೀತಾಗಿಲ್ಲ.

ಮಸಾಜ್ ನಿಂದ ಯಾವುದೇ ಹಾನಿ ಇದೆಯಾ?

ಮಸಾಜ್ ನ್ನು ಸೂಕ್ಷ್ಮವಾಗಿ ಮಾಡದೇ ಹೋದರೆ ಅದರಿಂದ ಶಿಶುವಿನ ದೇಹದ ಮೇಲೆ ಹಾನಿಯಾಗಬಹುದು. ಹೊರಗಿನವರಲ್ಲಿ ಮಸಾಜ್ ಮಾಡಲು ಹೇಳಿದರೆ ಆಗ ಆಕೆ ತುಂಬಾ ಸೂಕ್ಷ್ಮ ಮತ್ತು ಪ್ರೀತಿಯಿಂದ ಇದನ್ನು ಮಾಡಲಿಕ್ಕಿಲ್ಲ. ಇದರಿಂದ ಮಗುವಿಗೆ ನೋವಾಗಬಹುದು.

ಬೇರೆ ಯಾವುದೇ ಸಮಸ್ಯೆಯಿದೆಯಾ?

ಮಗುವಿಗೆ ಮಸಾಜ್ ಮಾಡುವ ವ್ಯಕ್ತಿಯ ಕೈಗಳು ಸ್ವಚ್ಛವಾಗಿರದೆ ಇದ್ದರೆ ಅದರಿಂದ ಸೋಂಕು ಉಂಟಾಗುವ ಸಾಧ್ಯತೆಗಳು ಇವೆ. ಶಿಶುವಿನ ಮೃಧು ದೇಹ ಹಾಗೂ ಮೂಳೆಗಳು ಹೆಚ್ಚಿನ ಒತ್ತಡ ತೆಗೆದುಕೊಳ್ಳದು. ಇದರಿಂದ ಬೇರೆಯವರು ಮಗುವಿಗೆ ಮಸಾಜ್ ಮಾಡುವುದು ಅಷ್ಟು ಒಳ್ಳೆಯ ವಿಚಾರವಲ್ಲ.

ಏನು ಮಾಡಬೇಕು?

ಹೆತ್ತವರೇ ಶಿಶುವಿಗೆ ಮಸಾಜ್ ಮಾಡುವ ಕೆಲಸ ಮಾಡಬೇಕು. ಆದರೆ ಅವರು ತುಂಬಾ ಕೋಪದಲ್ಲಿ ಅಥವಾ ಉದ್ರಿಕ್ತರಾಗಿರುವಾಗ ಈ ಕೆಲಸ ಮಾಡಬಾರದು. ಯಾವುದೇ ಒತ್ತಡವಿಲ್ಲದೆ ಸಂಪೂರ್ಣವಾಗಿ ಆರಾಮವಾಗಿರುವಾಗ ಮಸಾಜ್ ಮಾಡಿ.

ಎಣ್ಣೆ ಬಳಸುತ್ತೀರಾ?

ಮಕ್ಕಳಿಗಾಗಿ ತಯಾರಿಸಿರುವಂತಹ ಎಣ್ಣೆಯನ್ನು ಬಳಸಿಕೊಂಡು ನಿಮ್ಮ ಬೆರಳುಗಳನ್ನು ಸರಿಯಾಗಿ ಬಳಸಿ ಮಗುವಿಗೆ ಮಸಾಜ್ ಮಾಡಿ. ಹೀಗೆ ಮಾಡುವಾಗ ಮಗು ಯಾವ ರೀತಿಯ ಪ್ರತಿಕ್ರಿಯೆ ನೀಡುತ್ತಿದೆ ಎಂದು ನೋಡಿ. ಮಗು ಇದರಿಂದ ಖುಷಿ ಪಡುತ್ತಾ ಇದ್ದರೆ ಮುಂದುವರಿಯಿರಿ. ಮಗು ಅಳುತ್ತಿದ್ದರೆ ಮಸಾಜ್ ನಿಲ್ಲಿಸಿ.