ಆ ಪ್ಲೈಟ್‌ನಲ್ಲಿ ತಾಯಿಯೂ ಪೈಲೆಟ್-ಮಗಳು ಪೈಲೆಟ್‌- ವೀಡಿಯೋ ಆಯ್ತು ವೈರಲ್

ಅವರಿಗೆ ಬಹುದೊಡ್ಡ ಕನಸು ನನಸಾದ ಕ್ಷಣವು, ಆ ಸುಂದರ ವೀಡಿಯೋವನ್ನು ನೆಟ್ಟಿಗರು ಕೂಡ ಮೆಚ್ಚಿಕೊಂಡಿದ್ದಾರೆ. ಪ್ರತಿಯೊಬ್ಬ ತಂದೆ-ತಾಯಿಗೆ ನನ್ನ ಮಗ-ಮಗಳು ಏನು ಆಗಬೇಕು ಎಂಬ ಆಸೆ ಇರುತ್ತದೆ, ಅದರಂತೆ ಅವರು ಆದಾಗ ಅವರು ತುಂಬಾ ಹೆಮ್ಮೆ ಪಡುತ್ತಾರೆ, ಈ ತಾಯಿ ಕೂಡ ಅಷ್ಟೇ ತುಂಬಾ ಹೆಮ್ಮೆ ಪಡುತ್ತಿರುವ ದೃಶ್ಯ ಇಂಟರ್‌ನೆಟ್‌ನಲ್ಲಿ ವೈರಲ್ ಆಗಿದೆ.

ಸೌತ್‌ವೆಸ್ಟ್‌ ಏರ್‌ಲೈನ್ಸ್‌ ಇದೊಂದು ಐತಿಹಾಸಿಕ ಕ್ಷಣ ಎಂದು ಟ್ವೀಟ್‌ ಮಾಡಿದೆ. ತಾಯಿ ಪೈಲೆಟ್‌ ಆಗಿರುವ ವಿಮಾನದಲ್ಲಿ ಮಗಳು ಕೂಡ ಪೈಲೆಟ್, ಈ ಒಬ್ಬರು ಪೈಲೆಟ್‌ ಸೇರಿ ಜುಲೈ 23ಕ್ಕೆ ಫ್ಲೈಟ್ 3658ನ್ನು ಡೆನ್ವರ್ ನಿಂದ ಸೇಂಟ್ ಲೂಯಿಸ್‌ಗೆ ಹಾರಿಸಿದ್ದಾರೆ.

ಕ್ಯಾಪ್ಟನ್‌ ಹೋಲಿ ಮಗಳು ಕೀಲಿಯನ್ನು ಪ್ರಯಾಣಿಕರಿಗೆ ಪರಿಚಯಿಸುತ್ತಿರುವ ಕ್ಷಣವನ್ನು ಕ್ಯಾಮೆರಾದಲ್ಲಿ ಸೆರೆ ಹಿಡಿಯಲಾಗಿದ್ದು Good Morning Americaದಲ್ಲಿ ಅದನ್ನು ಮಂಗಳವಾರ ಪ್ರಸಾರ ಕೂಡ ಮಾಡಲಾಗಿತ್ತು.

ತಾಯಿ ಮಗಳು ಫೋಟೋಗ್ರಾಫ್‌ ಹಿಡಿದು ನಿಂತಿರುವ ಚಿತ್ರದೊಂದಿಗೆ ವೀಡಿಯೋ ಪ್ರಾರಂಭವಾಗುತ್ತೆ ಆ ಫೋಟೋಗ್ರಾಫ್‌ನಲ್ಲಿ "POV:You become the first mother-daughter duo at Southwest"ಎಂದು ಬರೆಯಲಾಗಿತ್ತು.

ಈ ದಿನ ನನಗೆ ವಿಶೇಷವಾದ ದಿನವಾಗಿದೆ, ನಾನು ನಿಮಗೆ ನಿಮ್ಮ ಫಸ್ಟ್‌ ಆಫೀಸರ್‌ ಅನ್ನು ಪರಿಚಯಿಸುತ್ತಿದ್ದೇನೆ, ಸೌತ್‌ವೆಸ್ಟ್‌ ಟೀಂನ ಪೈಲೆಟ್‌ಗಳಲ್ಲಿ ಇವರು ಹೊಸ ಸದಸ್ಯರು, ಇವರು ನನ್ನ ಮಗಳು ಕೀಲಿ' ಎಂದು ಪರಿಚಯಿಸಿದ್ದಾರೆ.

ನನ್ನ ಕನಸು ನನಸಾಗಿದೆ, ಮೊದಲಿಗೆ ಈ ವೃತ್ತಿಯನ್ನು ನಾನು ಇಷ್ಟಪಟ್ಟು ಬಂದೆ, ಈಗ ನನ್ನ ಮಗಳು ಕೂಡ ಇಷ್ಟಪಟ್ಟು ಬಂದಿದ್ದಾಳೆ, ಖುಷಿಯಾಗಿದೆ ಎಂದು ಹೇಳಿದ್ದಾರೆ.

ಕೀಲಿ 14 ವರ್ಷ ಇರುವಾಗಲೇ ಪೈಲೆಟ್ ಆಗ ಬಯಸಿದಳು, 2017ರಲ್ಲಿ ಇಂಟರ್ನ್‌ಶಿಪ್‌ ಮಾಡಿದರು, ಅಲ್ಲಿಂದ ತಿರುಗಿ ನೋಡೊಯೇ ಇಲ್ಲ....
ಪೈಲೆಟ್‌ ಅಮ್ಮ-ಮಗಳನ್ನು ನೋಡಿ ನೆಟ್ಟಿಗರು ಕೂಡ ಖುಷಿ ಪಟ್ಟಿದ್ದಾರೆ.