ಸಮಾಜದ ಕಟ್ಟುಪಾಡು ಮುರಿದು ನಿಶ್ಚಿತಾರ್ಥ ಮಾಡಿಕೊಂಡ ಸಲಿಂಗಿ ವೈದ್ಯೆಯರು

ಸಲಿಂಗಿ ಜೋಡಿಯ ನಿಶ್ಚಿತಾರ್ಥ

ಇಬ್ಬರು ವೃತ್ತಿಯಲ್ಲಿ ವೈದ್ಯೆಯರು, ಜೊತೆಯಾಗಿ ಸಂಸಾರ ನಡೆಸಲು ಮುಂದಾಗಿದ್ದಾರೆ. ಪರೊಮಿತಾ ಮುಖರ್ಜಿ ಹಾಗೂ ಸುರ್ಭಿ ಮಿತ್ರ ನಾಗ್‌ಪುರ್‌ದಲ್ಲಿ ಡಿಸೆಂಬರ್ 29ಕ್ಕೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದು ಇವರ ಮದುವೆಗೆ ಮನೆಯವರ ಒಪ್ಪಿಗೆಯೂ ಇದೆ.

ಜೊತೆಯಾಗಿ ಬಾಳಲು ಮುಂದಾದ ಜೋಡಿಗೆ ಹಿರಿಯರ ಸಮ್ಮತಿ

ಮದುವೆ ಬಗ್ಗೆ ಪರೊಮಿತಾ ಎಎನ್‌ಐ ಜೊತೆ ಮಾತನಾಡುತ್ತಾ 'ನನ್ನ ಲೈಂಗಿಕ ಆಸಕ್ತಿ ಕುರಿತು ತಂದೆಗೆ 2013ರಿಂದಲೇ ತಿಳಿದಿತ್ತು. ಆದರೆ ತಾಯಿಗೆ ಇತ್ತೀಚೆಗಷ್ಟೇ ತಿಳಿಸಿದೆ, ವಿಷಯ ತಿಳಿದು ಅವರು ಶಾಕ್‌ ಆದರು, ನಂತರ ನನ್ನ ಖುಷಿಯೇ ಮುಖ್ಯ ಎಂದು ಮದುವೆಗೆ ಒಪ್ಪಿಕೊಂಡರು' ಎಂದು ಹೇಳಿದ್ದಾರೆ.

ನನ್ನ ಕುಟುಂಬದವರಿಗೆ ನನ್ನ ಲೈಂಗಿಕ ಆಸಕ್ತಿ ಬಗ್ಗೆ ಯಾವುದೇ ವ ವಿರೋಧವಿರಲಿಲ್ಲ, ನಾನು ನನ್ನ ಪೋಷಕರ ಬಳಿ ಹೇಳಿದಾಗ ಸಂತೋಷದಿಂದಲೇ ಒಪ್ಪಿಕೊಂಡರು ಎಂದು ಸುಬ್ರಿ ಹೇಳಿದ್ದಾರೆ.

ಸಲಿಂಗಿಗಳ ನೋವು ಹೇಳಿಕೊಂಡ ವೈದ್ಯೆ

ಮಾನಸಿಕ ತಜ್ಞೆಯಾಗಿರುವ ಸುಬ್ರಿ 'ನನ್ನಂಥ(ಸಲಿಂಗಿಗಳು) ಎಷ್ಟೋ ಜನರು ಸರಿಯಾದ ನಿರ್ಧಾರ ತೆಗೆದುಕೊಳ್ಳಲು ಸಾಧಯವಾಗದೆ ಗೊಂದಲದಲ್ಲಿರುತ್ತಾರೆ' ಎಂದು ಸಲಿಂಗಿಗಳು ಅನುಭವಿಸುತ್ತಿರುವ ಕಷ್ಟದ ಬಗ್ಗೆ ಹೇಳಿಕೊಂಡಿದ್ದಾರೆ.

ಸಲಿಂಗಿಗಳಾಗುವುದು ಹಾರ್ಮೋನ್‌ಗಳ ವ್ಯತ್ಯಾಸದಿಂದ

ಹಾರ್ಮೋನ್‌ಗಳಲ್ಲಿ ವ್ಯತ್ಯಾಸದಿಂದಾಗ ತಮ್ಮದೇ ಲಿಂಗದವರ ಕಡೆಗೆ ಆಕರ್ಷತರಾಗುತ್ತಾರೆ, ವಿರುದ್ಧ ಲಿಂಗದವರ ಕಡೆಗೆ ಅವರಿಗೆ ಯಾವುದೇ ಆಕರ್ಷಕಣೆ ಇರುವುದಿಲ್ಲ, ಇಂಥ ಎಷ್ಟೋ ಜನರು ನಮ್ಮ ನಡುವೆ ಇದ್ದಾರೆ, ಎಷ್ಟೋ ಜನರು ಸಮಾಜಕ್ಕೆ ಹೆದರಿ ತಮ್ಮ ಭಾವನೆಗಳನ್ನು ಗುಪ್ತವಾಗಿ ಇಡುತ್ತಾರೆ. ಹೊರಗೆ ಹೇಳುವುದಕ್ಕೂ ಆಗದೆ ಅನುಭವಿಸಕ್ಕೂ ಆಗದೆ ಒದ್ದಾಡುತ್ತಿರುತ್ತಾರೆ. ಇಂಥವರಿಗೆ ವಿರುದ್ಧ ಲಿಂಗದವರ ಜೊತೆ ಮದುವೆಯಾದರೆ ಅವರ ಕಡೆಗೆ ಯಾವುದೇ ಆಕರ್ಷಣೆ ಇರುವುದಿಲ್ಲ, ಇದರಿಂದ ಸಂಸಾರದಲ್ಲಿ ಸಮಸ್ಯೆಗಳು ಏಳುವುದು. ಅದೇ ಸಲಿಂಗಿ ವ್ಯಕ್ತಿ ಸಿಕ್ಕರೆ ಅವರ ಜೊತೆ ಚೆನ್ನಾಗಿ ಇರುತ್ತಾರೆ. ಎಷ್ಟೋ ಸೆಲೆಬ್ರಿಟಿಗಳು ತಾವು ಸಲಿಂಗಿ ಎಂಬುವುದನ್ನು ಒಪ್ಪಿಕೊಳ್ಳುತ್ತಾರೆ, ಆದರೆ ಎಷ್ಟೋ ಜನರು ತಮ್ಮ ಲೈಂಗಿಕ ಆಸಕ್ತಿ ಬಗ್ಗೆ ಹೇಳಿದರೆ ಮನೆಯರು, ಸಮಾಜ ಹೇಗೆ ರಿಯಾಕ್ಟ್ ಮಾಡುತ್ತೋ ಎಂದು ಹೆದರಿ ತುಂಬಾ ಹಿಂಸೆ ಅನುಭವಿಸುತ್ತಿರುತ್ತಾರೆ.