Click it and Unblock the Notifications
Latest Updates
-
ಮಂಗಳ ಗೌರಿ ವ್ರತದ ದಿನ ದಂಪತಿಗಳ ನಡುವೆ ಕಿರಿಕಿರಿ ಬೇಡ: ಪ್ರೀತಿ ಹೆಚ್ಚಿಸಲು ಇಲ್ಲಿದೆ ಬೆಸ್ಟ್ ಟಿಪ್ಸ್ -
ನ್ಯಾಷನಲ್ ಕಪಲ್ಸ್ ಡೇ: ಪ್ರೀತಿಯ ಸಂಭ್ರಮದ ಜೊತೆಗೆ ಡಿಜಿಟಲ್ ಪ್ರೈವೆಸಿ ಮತ್ತು ರೊಮ್ಯಾಂಟಿಕ್ ಡೇಟ್ ಐಡಿಯಾಗಳು -
ವರಮಹಾಲಕ್ಷ್ಮಿ ಹಬ್ಬದ ಸೌಂದರ್ಯಕ್ಕೆ ಸಾಂಪ್ರದಾಯಿಕ ಆಭರಣಗಳ ಮೆರುಗು: ಈ ಬಾರಿಯ ಫ್ಯಾಷನ್ ಟ್ರೆಂಡ್ಸ್ -
ಅಪಾರ್ಟ್ಮೆಂಟ್ನಲ್ಲಿ ಓಣಂ ಸಂಭ್ರಮ: ಮಳೆಗೆ ಹಾಳಾಗದ, ಬಜೆಟ್ ಸ್ನೇಹಿ ಪೂಕಳಂಗೆ ಇಲ್ಲಿದೆ ಸೂಪರ್ ಟಿಪ್ಸ್! -
ವಿಶ್ವ ಛಾಯಾಗ್ರಹಣ ದಿನ: ಮನೆಯಲ್ಲೇ ಫೋಟೋ ಸ್ಟುಡಿಯೋ ಮಾಡಿ, ನಿಮ್ಮ ಗಿಡಗಳ ಫೋಟೋ ವೈರಲ್ ಆಗುವಂತೆ ಕ್ಲಿಕ್ ಮಾಡಿ! -
98% ಅಂಕ ಪಡೆದರೂ ಅಂಗಡಿ ಬಂದ್: FDAಗೆ ಹೈಕೋರ್ಟ್ ತರಾಟೆ, ಕಲಬೆರಕೆ ಸಿಹಿ ಪತ್ತೆಹಚ್ಚುವುದು ಹೇಗೆ? -
BWF ವಿಶ್ವ ಚಾಂಪಿಯನ್ಷಿಪ್ 2026: ಲಕ್ಷ್ಯ ಸೇನ್ ಅಬ್ಬರಕ್ಕೆ ದೆಹಲಿ ಸಜ್ಜು, ಲೈವ್ ಮಿಸ್ ಮಾಡ್ಬೇಡಿ! -
ವಿಶ್ವ ಹಿರಿಯ ನಾಗರಿಕರ ದಿನ: ಪೋಷಕರ ಆರೋಗ್ಯ ಮತ್ತು ಸಮತೋಲನ ಹೆಚ್ಚಿಸುವ ಸರಳ ಬೆಳಗಿನ ವ್ಯಾಯಾಮಗಳು -
ಸಿಂಹ ಸಂಕ್ರಾಂತಿ ಹಬ್ಬದ ಸಂಭ್ರಮ: ದಂಪತಿಗಳ ನಡುವಿನ ಜಗಳ ತಪ್ಪಿಸಲು ಇಲ್ಲಿದೆ 12 ನಿಮಿಷದ ಸೂತ್ರ! -
ಸಿಂಹ ಸಂಕ್ರಾಂತಿ ಹಬ್ಬದ ಸಂಭ್ರಮ: ದಂಪತಿಗಳ ನಡುವಿನ ಜಗಳ ತಡೆಯಲು ಈ 'ಕಪಲ್ ಸ್ಕ್ರಿಪ್ಟ್ಸ್' ಬಳಸಿ!
ಭಾರತದಲ್ಲಿ ಇದೇ ಮೊದಲ ಬಾರಿಗೆ ಗ್ರೀನ್ ಫಂಗಸ್ ಪತ್ತೆ: ಇದನ್ನು ತಡೆಗಟ್ಟುವುದು ಹೇಗೆ
ಕೊರೊನಾ 2ನೇ ಅಲೆ ದೇಶಕ್ಕೆ ದೊಡ್ಡ ನಷ್ಟವನ್ನೇ ತಂದಿದೆ. ಸಾಕಷ್ಟು ಜನ ಇದರಿಂದಾಗ ಪ್ರಾಣ ಕಳೆದುಕೊಂಡಿದ್ದಾರೆ. ಚೇತರಿಸಿಕೊಂಡವರಲ್ಲಿ ಬಗೆ-ಬಗೆಯ ಕಾಯಿಲೆಗಳು ಕಾಣಿಸುವ ಮೂಲಕ ಕೊರೊನಾ ಎಂಬ ಮಹಾಮಾರಿ ಭೀಕರ ಸ್ವರೂಪ ತೋರುತ್ತಿದೆ.
ಕೊರೊನಾದಿಂದ ಚೇತರಿಸಿಕೊಂಡ ಕೆಲವರಲ್ಲಿ ಬ್ಲ್ಯಾಕ್ ಫಂಗಸ್, ವೈಟ್ ಫಂಗಸ್, ಯೆಲ್ಲೋ ಫಂಗಸ್ ಕಾಣಿಸಿಕೊಂಡಿತ್ತು, ಕೋವಿಡ್ನಿಂದ ಚೇತರಿಸಕೊಂಡ ಮಕ್ಕಳಲ್ಲಿ ಎಂಐಎಸ್ ಸಮಸ್ಯೆ ಕಂಡು ಬರುತ್ತಿದೆ, ಇವೆಲ್ಲದರ ಜೊತೆಗೆ ಇದೀಗ ಗ್ರೀನ್ ಫಂಗಸ್ ಎಂಬುವುದು ಕಂಡು ಬಂದಿದೆ. ಗ್ರೀನ್ ಫಂಗಸ್ ದೇಶದಲ್ಲಿ ಇದೇ ಮೊದಲಿಗೆ ಕಂಡು ಬಂದಿದ್ದು ಕೋವಿಡ್ನಿಂದ ಚೇತರಿಸಿದ ಮಧ್ಯಪ್ರದೇಶದ 34 ವರ್ಷದ ವ್ಯಕ್ತಿಯಲ್ಲಿ ಈ ಸೋಂಕು ಕಂಡು ಬಂದಿದೆ.
ಸೈಮ್ಸ್ (Sri Aurobindo Institute of Medical Sciences)ನ ಹೃದಯ ಕಾಯಿಲೆ ವಿಭಾಗದ ಮುಖ್ಯಸ್ಥರಾಗಿರುವ ಡಾ. ರವಿ ದೋಸಿಯವರು ಕೋವಿಡ್ 19ನಿಂದ ಚೇತರಿಸಿದ ವ್ಯಕ್ತಿಯಲ್ಲಿ ಆರೋಗ್ಯದಲ್ಲಿ ವ್ಯತ್ಯಾಸ ಉಂಟಾದಾಗ ಬ್ಲ್ಯಾಕ್ ಫಂಗಸ್ ಇರಬಹುದೆಂದು ಪರೀಕ್ಷಿಸಿದಾಗ ಗ್ರೀನ್ ಫಂಗಸ್ ಪತ್ತೆಯಾಗಿದೆ.
ಇದರ ಬಗ್ಗೆ ಹೆಚ್ಚಿನ ಸಂಶೋಧನೆ ನಡೆಯಬೇಕಾಗಿದೆ
ಗ್ರೀನ್ ಫಂಗಸ್ ರೋಗಿಗಳಲ್ಲಿ ಇತರರಿಗಿಂತ ಬೇರೆ ರೋಗ ಲಕ್ಷಣಗಳು ಕಂಡು ಬರುತ್ತಿದೆಯೇ ಎಂಬುವುದರ ಬಗ್ಗೆ ಅಧಿಕ ಸಂಶೋಧನೆಗಳು ಆಗಬೇಕಾಗಿವೆ ಎಂದು ಡಾ. ದೋಸಿ ಹೇಳಿದ್ದಾರೆ.
ಗ್ರೀನ್ ಫಂಗಸ್ ಎಂದರೇನು?
ಗ್ರೀನ್ ಫಂಗಸ್ (Aspergillosis) ಆಸ್ಪರ್ಜಿಲಸ್ ಎಂಬ ಫಂಗಸ್ನಿಂದ ಬರುವುದು. ನಮ್ಮಲ್ಲಿ ಬಹುತೇಕರು ಆಸ್ಪರ್ಜಿಲಸ್ ಅನ್ನು ಉಸಿರಾಡುತ್ತಾರೆ, ಆದರೆ ಅವುಗಳಿಂದ ಯಾವುದೇ ಹಾನಿಯುಂಟಾಗಿರುವುದಿಲ್ಲ. ಸುಮಾರು 180ಕ್ಕೂ ಪ್ರಬೆಧಗಳಿವೆ, ಅವುಗಳಲ್ಲಿ 40ರಷ್ಟು ಮಾತ್ರ ಈ ರೀತಿ ಫಂಗಸ್ ಸೋಂಕಿಗೆ ಕಾರಣವಾಗಿದೆ. ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರು ಇದನ್ನು ಉಸಿರಾಡಿದಾಗ ತೊಂದರೆ ಉಂಟಾಗುವುದು.
ಲಕ್ಷಣಗಳು
* ಉಸಿರಾಟದ ತೊಂದರೆ
* ದಮ್ಮು
* ಜ್ವರ (ಕೆಲವೊಮ್ಮೆ)
* ಸೋಂಕು ತುಂಬಾ ಇದ್ದರೆ ಎದೆನೋವು, ಕೆಮ್ಮುವಾಗ ರಕ್ತ ಬರುವುದು.
ಪತ್ತೆ ಹೇಗೆ?
ಆರೋಗ್ಯ ತಜ್ಞರು ನಿಮ್ಮ ಆರೋಗ್ಯ ಸ್ಥಿತಿ, ಲಕ್ಷಣಗಳು, ನಿಮ್ಮ ವೈದ್ಯಕೀಯ ಇತಿಹಾಸ ಎಲ್ಲವನ್ನು ಪರಿಶೀಲಿಸಿದ ಮೇಲೆ ಸಿಟಿ ಸ್ಕ್ಯಾನ್ ಮೇಲೆ ಕಂಡು ಹಿಡಿಯಲಾಗುವುದು.
ಆಸ್ಪರ್ಜಿಲಸ್ ತಡೆಗಟ್ಟುವುದು ಅಸಾಧ್ಯ
ಆಸ್ಪರ್ಜಿಲಸ್ ವಾತಾವರಣದಲ್ಲಿರುತ್ತದೆ. ಇದನ್ನು ಕೆಲವೊಮ್ಮೆ ನಾವೆಲ್ಲಾ ಉಸಿರಾಡುತ್ತೇವೆ, ಆದರೆ ಯಾರಲ್ಲಿ ರೋಗ ನಿರೋಧಕ ಶಕ್ತಿ ತುಂಬಾ ಕಡಿಮೆ ಇರುತ್ತದೋ ಅಂಥವರು ಆಸ್ಪರ್ಜಿಲಸ್ನ ಹಾನಿಕಾರಕ ಪ್ರಬೇಧ ಉಸಿರಾಡಿದಾಗ ತೊಂದರೆ ಉಂಟಾಗುವುದು.
ರೋಗ ನಿರೋಧಕ ಶಕ್ತಿ ತುಂಬಾ ಕಡಿಮೆ ಇರುವವರು ಏನು ಮಾಡಬೇಕು?
* ದೂಳು ಇರುವ ಕಡೆ ಹೀಗಬೇಡಿ, ಒಂದು ವೇಳೆ ಅಂಥ ಪ್ರದೇಶಕ್ಕೆ ಹೋಗದೇ ಇರಲು ಸಾಧ್ಯವಾಗದಿದ್ದರೆ ಅಥವಾ ನಿಮ್ಮ ಅಕ್ಕಪಕ್ಕ ಕಟ್ಟಡ ನಿರ್ಮಾಣವಾಗುತ್ತಿದ್ದರೆ N95 ಮಾಸ್ಕ್ ಧರಿಸಿ.
* ಮಣ್ಣು, ದೂಳು ಇವುಗಳನ್ನು ಮುಟ್ಟಬೇಡಿ.
* ಇನ್ನು ಗಾಯವಿದ್ದರೆ ಅದನ್ನು ಸೋಪು ಹಚ್ಚಿ ತೊಳೆದು ಸ್ವಚ್ಛವಾಗಿಡಿ. ಮಣ್ಣು, ದೂಳು ಅದರ ಮೇಲೆ ಕೂರದಂತೆ ಎಚ್ಚರವಹಿಸಿ.
Continue with Google