ಹೆಚ್ಚಿನ ಪ್ರಮಾಣದಲ್ಲಿ ಅಯೋಡೀನ್‌ ಹೊಂದಿರುವ ಆರೋಗ್ಯಕಾರಿ ಆಹಾರಗಳು

ಅಯೋಡೀನ್ ಅಂಶ ದೇಹದಲ್ಲಿ ಕಡಿಮೆಯಾದರೆ ಏನಾಗುತ್ತದೆ ?

ಮನುಷ್ಯನ ದೇಹದಲ್ಲಿ ಅಯೋಡೀನ್ ಅಂಶ ಇಷ್ಟೆಲ್ಲಾ ಸಹಕಾರಿಯಾಗಿದೆ ಎಂದು ಅದನ್ನು ದೇಹಕ್ಕೆ ಅಯೋಡೀನ್ ಯುಕ್ತ ಆಹಾರದ ಮೂಲಕ ಹೆಚ್ಚಾಗಿ ತೆಗೆದುಕೊಳ್ಳಲು ಸಾಧ್ಯವಿಲ್ಲ . ತೀರಾ ಕಡಿಮೆ ಕೂಡ ಮಾಡುವ ಹಾಗಿಲ್ಲ . ಎರಡೂ ಅಪಾಯಕಾರಿಯೇ . ಅಯೋಡೀನ್ ಕಡಿಮೆ ಮತ್ತು ಜಾಸ್ತಿ ಆದರೆ ಥೈರಾಯಿಡ್ ಗ್ರಂಥಿಯಿಂದ ಉತ್ಪತ್ತಿಯಾಗುವ ಥೈರಾಯಿಡ್ ಹಾರ್ಮೋನ್ ನ ಮೇಲೆ ಪ್ರತಿಕೂಲ ಪರಿಣಾಮ ಬೀರಿ ಅದರ ಪ್ರತಿಕ್ಷಣದ ಕೆಲಸಕ್ಕೆ ಅಡಚಣೆ ಉಂಟು ಮಾಡುತ್ತದೆ . ಇದರಿಂದ ಹೈಪೋ ಥೈರಾಯಿಡಿಸಂ , ರೋಗ ನಿರೋಧಕ ಶಕ್ತಿಯ ಕೊರತೆ , ಗಾಯ್ಟರ್ ಮತ್ತು ಮಕ್ಕಳಲ್ಲಿ ಮಂದಬುದ್ಧಿಯ ಲಕ್ಷಣ ತಲೆ ದೋರುವಂತೆ ಮಾಡುತ್ತದೆ .

ಅಯೋಡೀನ್ ಅಂಶ ದೇಹದಲ್ಲಿ ಕಡಿಮೆಯಾದರೆ ಏನಾಗುತ್ತದೆ ?

ಮೊದಲೇ ಹೇಳಿದಂತೆ ಥೈರಾಯಿಡ್ ಹಾರ್ಮೋನ್ ನಿಯಂತ್ರಣ ಮಾಡುವಲ್ಲಿ ಮಹತ್ತರ ಪಾತ್ರ ವಹಿಸುತ್ತದೆ . ನಮ್ಮ ಪ್ರತಿದಿನದ ಆಹಾರದಲ್ಲೇನಾದರೂ ಅಯೋಡೀನ್ ಅಂಶದ ಕೊರತೆ ಕಂಡುಬಂದರೆ ದೇಹದ ತೂಕ ಹೆಚ್ಚು ಕಡಿಮೆಯಾಗಬಹುದು , ಹಾರ್ಮೋನ್ ಅಸಮತೋಲನ ಉಂಟಾಗಬಹುದು , ಜ್ಞಾಪಕ ಶಕ್ತಿ ಕುಂಠಿತಗೊಳ್ಳಬಹುದು ಮತ್ತು ಸದಾ ಆಯಾಸವಾದಂತೆಯೇ ಕಾಣಬಹುದು.ಹಾಗಾದರೆ ಅಯೋಡೀನ್ ಅಂಶ ಮತ್ತು ಪ್ರಮಾಣ ಹೊಂದಿರುವ ಆಹಾರಗಳ ಬಗ್ಗೆ ಒಮ್ಮೆ ಕಣ್ಣಾಡಿಸೋಣವೇ !!!

ಹಾಲು

ನಾವು ಪ್ರತಿನಿತ್ಯ ಉಪಯೋಗಿಸುವ ಡೇರಿ ಪದಾರ್ಥವಾದ ಹಾಲಿನಲ್ಲೂ ಅಯೋಡೀನ್ ಅಂಶ ಹೇರಳವಾಗಿದೆ . ಪ್ರತಿದಿನ ರಾತ್ರಿ ಮಲಗುವ ಮುಂಚೆ ಒಂದು ಲೋಟ ಹಾಲು ಕುಡಿಯುವ ಅಭ್ಯಾಸವಿಟ್ಟುಕೊಂಡರೆ ನಿಮ್ಮ ದೇಹಕ್ಕೆ ಸುಮಾರು 56 ಮೈಕ್ರೋಗ್ರಾಮ್ ನಷ್ಟು ಅಯೋಡೀನ್ ಸೇರಿದಂತೆಯೇ . ಹಾಲಿನಲ್ಲಿ ಅಯೋಡೀನ್ ಅಷ್ಟೇ ಅಲ್ಲದೆ ವಿಟಮಿನ್ ಡಿ , ಕ್ಯಾಲ್ಸಿಯಂ , ಮ್ಯಾಂಗನೀಸ್ , ಫೋಲೇಟ್ , ಫಾಸ್ಫರಸ್ , ಪೊಟ್ಯಾಸಿಯಂ ಮತ್ತು ಮೆಗ್ನೀಷಿಯಂ ಅಂಶಗಳಿರುವುದರಿಂದ ಹಾಲು ಮಹಾನ್ ಖನಿಜಗಳ ತವರಾಗಿದೆ ಮತ್ತು ದೇಹಕ್ಕೆ ಎಲ್ಲಾ ಪೋಷಕಾಂಶಗಳು ಒಂದೇ ಕಡೆ ದೊರಕುತ್ತವೆ.

ಬೇಯಿಸಿದ ಆಲೂಗಡ್ಡೆ

ಬೇಯಿಸಿದ ಆಲೂಗಡ್ಡೆ ಯನ್ನು ಸಾಮಾನ್ಯವಾಗಿ ಎಲ್ಲರೂ ಮಧ್ಯಾಹ್ನದ ಮತ್ತು ರಾತ್ರಿ ಊಟದ ಸಮಯದಲ್ಲಿ ಉಪಯೋಗಿಸುತ್ತಾರೆ . ಒಂದು ಮಧ್ಯಮ ಗಾತ್ರದ ಬೇಯಿಸಿದ ಆಲೂಗಡ್ಡೆಯಲ್ಲಿ 60 ಮೈಕ್ರೋಗ್ರಾಮ್ ನಷ್ಟು ಅಯೋಡೀನ್ ಇದ್ದು ಮನುಷ್ಯನ ದೇಹಕ್ಕೆ ದಿನನಿತ್ಯ ಬೇಕಾದ ಅಯೋಡೀನ್ ನಲ್ಲಿ ಶೇಖಡಾ 40 ರಷ್ಟು ಅಯೋಡೀನ್ ಅಂಶ ಒಂದು ಆಲೂಗಡ್ಡೆಯಲ್ಲೇ ಸಿಕ್ಕಂತಾಗುತ್ತದೆ .ಇದಲ್ಲದೆ ಬೇಯಿಸಿದ ಆಲೂಗಡ್ಡೆಯಲ್ಲಿ ಫೈಬರ್ , ಪೊಟ್ಯಾಸಿಯಂ , ಮಿನರಲ್ ಮತ್ತು ವಿಟಮಿನ್ಗಳು ಅಧಿಕವಾಗಿವೆ .

ಹಿಮಾಲಯನ್ ಸಾಲ್ಟ್

ನಾವು ಪ್ರತಿದಿನ ಅಡುಗೆಗೆ ಬಳಸುವ ಟೇಬಲ್ ಸಾಲ್ಟ್ ನ ಬದಲು ಈ ಹಿಮಾಲಯನ್ ಸಾಲ್ಟ್ ಅನ್ನು ಉಪಯೋಗಿಸಬಹುದು . ಇದರಲ್ಲೂ ಸಹ ಐಯೋಡಿನ್ ಅಂಶ ಹೇರಳವಾಗಿದೆ . ಕೇವಲ ಅರ್ಧ ಚಮಚ ಹಿಮಾಲಯನ್ ಸಾಲ್ಟ್ ನಲ್ಲಿ 250 ಮೈಕ್ರೋಗ್ರಾಮ್ ನಷ್ಟು ಐಯೋಡಿನ್ ಅಂಶವಿದೆ . ಮಾನವನ ದೇಹಕ್ಕೆ ಅವಶ್ಯವಿರುವ ಶೇಖಡಾ 150 ರಷ್ಟು ಐಯೋಡಿನ್ ಅನ್ನು ಹಿಮಾಲಯನ್ ಉಪ್ಪು ಒದಗಿಸಬಲ್ಲುದು . ಹಾಗೆಂದು ಉಪ್ಪು ಅತಿಯಾಗಿ ತಿನ್ನಬೇಡಿ . ಸಾಮಾನ್ಯ ಪ್ರಮಾಣದಲ್ಲಿ ಬಳಸಿ .

ಒಣ ದ್ರಾಕ್ಷಿ

ಅಧಿಕ ಕ್ಯಾಲೊರಿ ಹೊಂದಿರುವ ವಸ್ತುವೆಂದರೆ ಅದು ಒಣ ದ್ರಾಕ್ಷಿ . ಇದರಲ್ಲಿ ಫೈಬರ್ , ಮಿನರಲ್ಸ್ , ವಿಟಮಿನ್ಗಳ ಜೊತೆಗೆ 13 ಮೈಕ್ರೋಗ್ರಾಮ್ ನಷ್ಟು ಐಯೋಡಿನ್ ಕೂಡ ಇದೆ . ಒಣ ದ್ರಾಕ್ಷಿಯ ಸೇವನೆ ಆರೋಗ್ಯಕ್ಕೆ ಬಹಳ ರೀತಿಯಲ್ಲಿ ಸಹಾಯಕವಾಗಿದೆ . ಆದರೆ ಇದರಲ್ಲೂ ಸ್ವಲ್ಪ ಮಟ್ಟಿಗೆ ಮಿತಿಯನ್ನು ಕಾಯ್ದುಕೊಳ್ಳುವುದು ಒಳ್ಳೆಯದು .

ಕೋಳಿ ಮೊಟ್ಟೆ

ಸ್ವಲ್ಪ ಸುಸ್ತು ಎಂದು ಹುಷಾರು ತಪ್ಪಿ ಡಾಕ್ಟರ್ ಬಳಿ ಹೋದರೆ , ಮೊದಲು ರಕ್ತ ಪರೀಕ್ಷೆ ಮಾಡಿ ಅಯೋಡೀನ್ ಸ್ವಲ್ಪ ಕಡಿಮೆ ಇದೆ ಎಂದು ವ್ಯದ್ಯರಿಗೆ ತಿಳಿದ ತಕ್ಷಣ ಅವರು ಮೊದಲು ಸೂಚಿಸುವುದೇ ಬೇಯಿಸಿದ ಕೋಳಿ ಮೊಟ್ಟೆಯನ್ನು . ಸಣ್ಣ ಮಕ್ಕಳಿಂದ ಹಿಡಿದು ದೊಡ್ಡವರಿಗೂ ಕೋಳಿ ಮೊಟ್ಟೆ ಅಯೋಡೀನ್ ಒದಗಿಸುವಲ್ಲಿ ಉಪಯುಕ್ತ . ಅದರಲ್ಲೂ ಮಕ್ಕಳಲ್ಲಿ ಬುದ್ಧಿಶಕ್ತಿ ಮತ್ತು ಜ್ಞಾಪಕಶಕ್ತಿ ಹೆಚ್ಚು ಮಾಡುತ್ತದೆ . ಬೇಯಿಸಿದ ಕೋಳಿ ಮೊಟ್ಟೆಯಲ್ಲಿ 12 ಮೈಕ್ರೋಗ್ರಾಮ್ ನಷ್ಟು ಅಯೋಡೀನ್ ಅಂಶ ವಿದ್ದು ಶೇಕಡಾ 9 ರಷ್ಟು ದೇಹಕ್ಕೆ ಒದಗಿಸುತ್ತದೆ ಎಂದು ವೈದ್ಯಲೋಕ ನಂಬಿದೆ .ಮೊಟ್ಟೆಯನ್ನು ಹಸಿರು ತರಕಾರಿಗಳೊಡನೆ ಸೇವಿಸುವ ಪದ್ಧತಿ ಬೆಳೆಸಿಕೊಂಡರೆ ಬಹಳ ಒಳ್ಳೆಯದು,

ಗಟ್ಟಿ ಮೊಸರು

ಡೇರಿ ಉತ್ಪನ್ನಗಳ ಅತಿ ಮುಖ್ಯ ಮತ್ತು ಅತಿ ಬೇಡಿಕೆಯ ಉತ್ಪನ್ನ ಎಂದರೆ ಅದು ಮೊಸರು . ಪ್ರತಿಯೊಬ್ಬರಿಗೂ ಪ್ರಿಯವಾದುದು . ಬೆಳಗಿನ ಉಪಾಹಾರದಲ್ಲಿ ಮೊಸರನ್ನೊಳಗೊಂಡಿರುವ ಯಾವುದೇ ತಿಂಡಿ ಅಥವಾ ಬೆರ್ರಿ ಹಣ್ಣುಗಳ ಜೊತೆ ಮೊಸರನ್ನು ಸೇವಿಸುವುದನ್ನು ರೂಡಿ ಮಾಡಿಕೊಂಡರೆ ಒಳ್ಳೆಯದು . ಇದರಲ್ಲಿ ಅಧಿಕವಾಗಿ ಅಡಕವಾಗಿರುವ ಪ್ರೋಟೀನ್ ಮತ್ತು ಕ್ಯಾಲ್ಸಿಯಂ ಅಂಶ ಹೊಟ್ಟೆಗೆ ತಂಪನ್ನೂ ಧಾರೆಯೆರೆಯುವುದರ ಜೊತೆಗೆ 1 ಕಪ್ ಮೊಸರಿನಲ್ಲಿ ಸುಮಾರು 154 ಮೈಕ್ರೋಗ್ರಾಮ್ ನಷ್ಟು ಅಯೋಡೀನ್ ಇರುವುದರಿಂದ ಆರೋಗ್ಯಕ್ಕೂ ಬಹಳವೇ ಪ್ರಯೋಜನಕಾರಿಯಾಗಿದೆ .

ಚೇದ್ದಾರ್ ಚೀಸ್

ನಿಮಗೆ ಚೀಸ್ ತಿನ್ನುವ ಹವ್ಯಾಸವೇನಾದರೂ ಇದ್ದರೆ ಬಹಳ ಒಳ್ಳೆಯದೇ . ನಿಮ್ಮ ಇಷ್ಟವಾದ ಸ್ಯಾಂಡ್ವಿಚ್ ನಲ್ಲಿ ಚೀಸ್ ಉಪಯೋಗಿಸಬಹುದು ಜೊತೆಗೆ ಸಲಾಡ್ನ ಮೇಲೂ ತುರಿದ ಚೀಸ್ ಬಳಸಬಹುದು . ಚೇದ್ದಾರ್ ಚೀಸ್ ನಲ್ಲಿ 12 ಮೈಕ್ರೋಗ್ರಾಮ್ ನಷ್ಟು ಅಯೋಡೀನ್ ಇದ್ದು ಅಧಿಕ ಕ್ಯಾಲೊರಿ ಹೊಂದಿದ ಪದಾರ್ಥವಾಗಿದೆ . ಆದ್ದರಿಂದ ಮಿತವಾಗಿ ಬಳಸಿ .

ಶೃಂಪ್ ಹುಳುಗಳು

ಶೃಂಪ್ ಹುಳುಗಳು ಸಮುದ್ರದಲ್ಲಿ ಸಿಗುವ ಸಮುದ್ರಾಹಾರ . ಇವುಗಳು ಅಯೋಡೀನ್ ಅಂಶಗಳಿಗೆ ಅತ್ಯುತ್ತಮ ಮೂಲದಾಯಕ ಜೀವಿಗಳಾಗಿವೆ . 3 ಔನ್ಸ್ ನಷ್ಟು ಶೃಂಪ್ ಗಳಲ್ಲಿ ಸುಮಾರು 35 ಮೈಕ್ರೋಗ್ರಾಮ್ ನಷ್ಟು ಅಯೋಡೀನ್ ಇದ್ದು ಪ್ರತಿದಿನ ಸೇವಿಸುವ ಹವ್ಯಾಸವಿಟ್ಟುಕೊಂಡಿರುವವರಿಗಂತೂ ಪ್ರೋಟೀನ್ , ಕ್ಯಾಲ್ಸಿಯಂ ಮತ್ತು ಇನ್ನಿತರೆ ಖನಿಜಗಳೂ ಮೈ ಸೇರುತ್ತವೆ . ಬೆಂಕಿಯಲ್ಲಿ ಸುಟ್ಟಿರುವ ಶೃಂಪ್ ಗಳಾದರೆ ತಿನ್ನಲೂ ರುಚಿ ಆರೋಗ್ಯಕ್ಕೂ ಬಹಳ ಒಳ್ಳೆಯದು .