ಗಂಟಲು ನೋವಿಗೆ ಸಾಂತ್ವನ ನೀಡುವ ಮನೆಮದ್ದು

ಲೋಜೆಂಗ್ ಬಳಸಿ

ಓಟಿಸಿ ಮಾತ್ರೆಯಾಗಿರುವ ಲೋಜೆಂಗ್ ಗಂಟಲು ನೋವಿನಿಂದ ಉಪಶಮವನ್ನು ನೀಡುತ್ತದೆ. ಈ ಮಾತ್ರೆಯಲ್ಲಿ ಮೆಂತಲ್ ಇದ್ದು ಇದು ನೋಯುತ್ತಿರುವ ಗಂಟಲನ್ನು ಸರಿಪಡಿಸುತ್ತದೆ. ದಿನಕ್ಕೆ 3-4 ಲೋಜೆಂಗ್ ಮಾತ್ರೆಗಳನ್ನು ಸೇವಿಸಿ.

ಚಹಾದಲ್ಲಿ ಜೇನನ್ನು ಬಳಸಿ

ಸಕ್ಕರೆಯ ಬದಲಿಗೆ ನಿಮ್ಮ ಚಹಾದಲ್ಲಿ ಒಂದು ಚಮಚ ಜೇನನ್ನು ಸೇರಿಸಿ. ನೋಯುತ್ತಿರುವ ಗಂಟಲಿಗೆ ಜೇನು ಉಪಶಮವನ್ನು ನೀಡುತ್ತದೆ. ಕೆಮ್ಮು ನಿಯಂತ್ರಿಸುವ ಉತ್ತಮ ನಿಯಂತ್ರಕ ಜೇನಾಗಿದೆ.

ನೀರು ಕುಡಿಯುತ್ತಿರಿ

ಈ ಸಮಯದಲ್ಲಿ ಹೆಚ್ಚು ನೀರಿನ ಸೇವನೆ ಮಾಡುವುದು ಮತ್ತು ನೀರಿನ ಅಂಶಗಳಿರುವ ಪಾನೀಯಗಳನ್ನು ಸೇವಿಸುವುದು ಉತ್ತಮವಾಗಿದೆ. ಸೀನುವಾಗ ಮತ್ತು ಲೋಳೆಯನ್ನು ಬಿಡುಗಡೆ ಮಾಡುವಾಗ ದೇಹ ನಿರ್ಜಲೀಕರಣಕ್ಕೆ ಒಳಗಾಗುತ್ತದೆ. ಆದ್ದರಿಂದ ಎಂದಿಗಿಂತಲೂ ಹೆಚ್ಚಿನ ನೀರಿನ ಸೇವನೆಯನ್ನು ನೀವು ಮಾಡಬೇಕು.

ತೇವಗೊಳಿಸುವ ಸಾಧನ ಬಳಸಿ

ಮೂಗಿನ ದ್ವಾರ ಮತ್ತು ಗಂಟಲಿನ ಅಂಗಾಂಶಗಳನ್ನು ಶಮನಗೊಳಿಸಲು ತೇವವಾಗಿರುವ ಗಾಳಿ ಸಹಕಾರಿ. ಮೂಗಿನ ಪ್ರದೇಶದಲ್ಲಿ ಉಂಟಾಗುವ ಶುಷ್ಕತೆ ಮತ್ತು ನೋವಿಗೆ ಶಮನವನ್ನು ನೀಡುತ್ತದೆ.

ಕಫ್ ಸಿರಪ್

ದೊಡ್ಡವರಿಗೆ ಕಫ್ ಸಿರಪ್ ಬೇಕಾಗಿಲ್ಲ ಎಂಬುದು ನಿಮ್ಮ ಅನಿಸಿಕೆಯಾಗಿದ್ದರೆ ಅದು ತಪ್ಪು. ನೋಯುತ್ತಿರುವ ಗಂಟಲಿಗೆ ಉಪಶಮವನ್ನು ಕಫ್ ಸಿರಪ್ ನೀಡುತ್ತದೆ. ಕಿರಿಕಿರಿಯನ್ನು ನಿವಾರಿಸಲು ಇದು ಸಹಕಾರಿಯಾಗಿದೆ.

ಚಿಕನ್ ಸೂಪ್

ಚಿಕನ್ ಅನ್ನು ಇಷ್ಟಪಡುವವರು ಈ ಸೂಪ್ ಅನ್ನು ಸೇವಿಸಿ ಕಿರಿಕಿರಿಯನ್ನುಂಟು ಮಾಡುತ್ತಿರುವ ನೋವಿನ ಗಂಟಲಿಗೆ ಪರಿಹಾರವನ್ನು ಕಂಡುಕೊಳ್ಳಬಹುದು. ನ್ಯೂಟ್ರಿನ್ ಅಂಶಗಳನ್ನು ಚಿಕನ್ ಒಳಗೊಂಡಿದ್ದು ಬಿಸಿ ಬಿಸಿ ಸೂಪ್‎ಗೆ ಕಾಳುಮೆಣಸಿನ ಹುಡಿಯನ್ನು ಸೇರಿಸಿ ಸೇವಿಸಬಹುದಾಗಿದೆ. ಕೆಮ್ಮನ್ನು ದೂರಮಾಡುವ ತಾಕತ್ತು ಈ ಸೂಪ್‎ಗೆ ಇದೆ.

ವಿರಾಮ

ಕೊನೆಯ ಅತ್ಯಮೂಲ್ಯ ಸಲಹೆ ಎಂದರೆ ದೇಹಕ್ಕೆ ಸಾಕಷ್ಟು ವಿಶ್ರಾಂತಿಯನ್ನು ನೀಡುವುದು ಈ ಸಮಯದಲ್ಲಿ ನೀವು ಅನುಸರಿಸೇಕಾದ ವಿಧಾನವಾಗಿದೆ. ಸಾಕಷ್ಟು ಸಮಯ ನಿದ್ದೆ ಮಾಡುವುದು ನಿಮಗೆ ಆರಾಮವನ್ನು ನೀಡಿ ವೈರಸ್ ಮತ್ತು ಬ್ಯಾಕ್ಟೀರಿಯಾ ವಿರುದ್ಧ ಹೋರಾಡುವ ಸಾಮರ್ಥ್ಯವನ್ನು ದೇಹಕ್ಕೆ ನೀಡುತ್ತದೆ. ನಿರಂತರ ಕೆಮ್ಮಿನಿಂದ ಉಂಟಾಗುವ ಎದೆನೋವನ್ನು ಇದು ನಿಯಂತ್ರಿಸುತ್ತದೆ.