ಮದ್ಯವ್ಯಸನಿಗಳು ಮತ್ತು ಶ್ವಾಸಕೋಶದ ಆರೋಗ್ಯ

ಶಿಕಾಗೋದ ಲೊಯೋಲಾ ವಿಶ್ವವಿದ್ಯಾಲಯದ ವೈದ್ಯಕೀಯ ಕಾಲೇಜಿನ ಪ್ರೊಫೆಸರ್ ಮಾಜಿದ್ ಅಫ್ಸರ್ " ಚೆಸ್ಟ್" ಎಂಬ ಪತ್ರಿಕೆಯಲ್ಲಿ ಹಂಚಿಕೊಂಡ ಅವರ ಸಂಶೋಧನೆಯ ಶೀರ್ಷಿಕೆ ಹೀಗಿದೆ: ಮದ್ಯಪಾನ ಸೇವನೆಯು ಶ್ವಾಸಕೋಶದ ಆರೋಗ್ಯವನ್ನು ಹದಗೆಡಿಸುತ್ತದೆ. "ಈ ಬರಹದಲ್ಲಿ ಅವರು , ಮದ್ಯಪಾನ ವ್ಯಸನಿಗಳ ಉಸಿರನ್ನು ಪರೀಕ್ಷೆಗೊಳಪಡಿಸಿ, ಅವರ ಶ್ವಾಸಕೋಶದ ಆರೋಗ್ಯದ ಮಟ್ಟವನ್ನು ಅಳೆದಿದ್ದಾರೆ.

ಅಮೇರಿಕಾದ ಕಾಯಿಲೆಗಳ ಕುರಿತ ಸಂಶೋಧನಾ ಕೇಂದ್ರ ಮತ್ತು ಕಾಯಿಲೆ ತಡೆಗಟ್ಟುವಿಕೆ ಮತ್ತು ಪರೀಕ್ಷೆ ನಡೆಸುವ ಸಂಸ್ಥೆಗಳು ಹಮ್ಮಿಕೊಂಡ ಒಂದು ಯೋಜನೆಯ ಅಡಿಯಲ್ಲಿ ನಡೆದ ಸಂಶೋಧನೆ ಇದಾಗಿದೆ. ಸುಮಾರು ಹನ್ನೆರಡು ಸಾವಿರಕ್ಕೂ ಮಿಕ್ಕಿ ಮದ್ಯ ವ್ಯಸನಿಗಳನ್ನು ಈ ಪರೀಕ್ಷೆಗಾಗಿ ಆಯ್ದುಕೊಳ್ಳಲಾಗಿತ್ತು. ಈ ಸಂಶೋಧನೆ 2007 ರಿಂದ 2012ರ ವರೆಗೂ ನಡೆದಿತ್ತು. ಟ್ಯಾಟೂ ಹಾಕಿಸಿ, ಮದ್ಯಪಾನ ಪರೀಕ್ಷೆ ಮಾಡಿ!

ಪ್ರತಿದಿನ ಒಮ್ಮೆ ಮತ್ತು ಹೆಚ್ಚುಬಾರಿ ಕುಡಿಯುವವರು, ತಿಂಗಳಿಗೆ ನಾಲ್ಕೈದು ಬಾರಿ ಕುಡಿಯುವವರು, ತಿಂಗಳಿಗೆ ಒಮ್ಮೆ ಮಾತ್ರ ಕುಡಿಯುವವರು ಮತ್ತು ಎಂದೂ ಮದ್ಯ ಕುಡಿಯದವರು . ಹೀಗೆ ನಾಲ್ಕು ವಿಭಾಗದ ಜನ ಈ ಗುಂಪಿನಲ್ಲಿದ್ದರು.

ಈ ಪ್ರಭೇದಗಳ ವ್ಯಕ್ತಿಗಳ ಉಸಿರನ್ನು (ನಿಶ್ವಾಸ )ಪರಿಶೀಲನೆಗೆ ಒಳಪಡಿಸಲಾಯ್ತು. ಮದ್ಯ ವ್ಯಸನಿಗಳ ನಿಶ್ವಾಸದಲ್ಲಿ ನೈಟ್ರಿಕ್ ಆಕ್ಸೈಡ್‌ನ ಮಟ್ಟ ಬಹಳ ಕ್ಷೀಣವಾಗಿರುವುದು ಕಂಡು ಬಂದಿತು. ಶ್ವಾಸಕೋಶದ ಕ್ಯಾನ್ಸರ್‌ನ ಆರಂಭಿಕ ಲಕ್ಷಣಗಳು

ಹೆಚ್ಚೆಚ್ಚು ಮದ್ಯಪಾನ ಮಾಡುವವರ ನಿಶ್ವಾಸದಲ್ಲಿ ನೈಟ್ರಿಕ್ ಆಕ್ಸೈಡ್‌ನ ಮಟ್ಟ ಬಹಳಷ್ಟು ಕುಸಿದಿರುತ್ತಿತ್ತು. "ಅಸ್ತಮಾ ರೋಗಿಯ ನಿಶ್ವಾಸವನ್ನು ಪರಿಶೀಲಿಸಿ, ಅದರಲ್ಲಿರುವ ನೈಟ್ರಿಕ್ ಆಸಿಡ್ ಮಟ್ಟವನ್ನು ತಿಳಿಯುವ ಮೂಲಕ, ಆತನಿಗೆ ನೀಡುತ್ತಿರುವ ಅಸ್ತಮಾ ಚಿಕಿತ್ಸೆಯ ಫಲಾಫಲವನ್ನು ವಿಶ್ಲೇಶಿಸಲಾಗುತ್ತದೆ. ಆತ ಮದ್ಯ ವ್ಯಸನಿಯಾಗಿದ್ದಾಗ, ಈ ಪರೀಕ್ಷೆ ಬುಡಮೇಲಾಗುವ ಸಂಭವವಿದೆ, ವೈದ್ಯರು ಈ ಅಂಶವನ್ನು ಗಮನದಲ್ಲಿರಿಸಬೇಕು..." ಎಂದು ಎಚ್ಚರಿಸುತ್ತಾರೆ, ಅಫ್ಸರ್.
(ಐಎಎನ್ಎಸ್ ವರದಿ)

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.