ಅತಿಯಾದ ವ್ಯಾಯಾಮದ ಚಿಹ್ನೆಗಳು

ದಣಿಯುವುದು

ನೀವು ಶಕ್ತಿ ಪಡೆಯುವ ಬದಲು ದಣಿದರೆ ನಿಮ್ಮ ದೇಹವು ಅತಿಯಾದ ವ್ಯಾಯಾಮದ ಚಿಹ್ನೆ ತೋರಿಸುತ್ತಿದೆ ಎಂದು ಅರ್ಥ ಮಾಡಿಕೊಳ್ಳಿ. ದಣಿವಿನಿಂದ ನಿಮ್ಮ ಸಾಮಾನ್ಯ ವ್ಯಾಯಾಮವನ್ನು ಮಾಡಲು ಸಾಧ್ಯವಾಗುತ್ತಿಲ್ಲವೆಂದಾದರೆ ಅತಿಯಾದ ವ್ಯಾಯಾಮದ ಪ್ರಯತ್ನದಿಂದ ನಿಮ್ಮ ದೇಹ ದಣಿಯುತ್ತಿದೆ ಎಂದರ್ಥ.

ಬಳಲಿಕೆ

ವ್ಯಾಯಾಮದಿಂದ ನಿಮ್ಮ ಶಕ್ತಿ ವರ್ಧಿಸುವ ಬದಲು ಬಳಲಿಕೆಯಾಗುತ್ತಿದ್ದರೆ ಇದು ಅತಿಯಾದ ವ್ಯಾಯಾಮದ ಲಕ್ಷಣವೆಂದು ನೀವು ಅರ್ಥಮಾಡಿಕೊಳ್ಳಿ. ಬಳಲಿಕೆಯಿಂದ ನಿಮ್ಮ ಪ್ರದರ್ಶನ ಮತ್ತು ಏಕಾಗ್ರತೆ ಕಳಕೊಳ್ಳಬಹುದು. ಇದು ಅತಿಯಾದ ವ್ಯಾಯಾಮದ ಸಾಮಾನ್ಯ ಲಕ್ಷಣ.

ಹಾರ್ಮೋನಿನ ಅಸಮತೋಲನ

ಅತಿಯಾದ ವ್ಯಾಯಾಮದಿಂದ ಪುರುಷರು ಹಾಗೂ ಮಹಿಳೆಯರಲ್ಲಿ ಹಾರ್ಮೋನಿನ ಅಸಮತೋಲವಾಗಬಹುದು. ಇದರಿಂದ ಮಹಿಳೆಯರ ಋತುಚಕ್ರದ ಮೇಲೂ ಪರಿಣಾಮವಾಗಬಹುದು. ಅತಿಯಾದ ವ್ಯಾಯಾಮದಿಂದ ಒತ್ತಡದ ಹಾರ್ಮೋನ್, ಕೊರ್ಟಿಸೊಲ್ ಹೆಚ್ಚಾಗಿ ಹಾರ್ಮೋನ್ ಅಸಮತೋಲನ ಉಂಟು ಮಾಡುತ್ತದೆ.

ಸ್ನಾಯು ನೋವು

ಮೊದಲ ಸಲ ವ್ಯಾಯಾಮ ಮಾಡಲು ಆರಂಭಿಸಿದಾಗ ಸ್ನಾಯು ನೋವು ಆಗುವುದು ಸಾಮಾನ್ಯ. ಆದರೆ ಈ ನೋವು ನಿಮ್ಮನ್ನು ದೀರ್ಘಾವಧಿಗೆ ಕಾಡುತ್ತಿದ್ದರೆ ಆಗ ನೀವು ವ್ಯಾಯಾಮದ ಬಗ್ಗೆ ಮತ್ತೊಮ್ಮೆ ಗಮನಿಸಬೇಕಾಗುತ್ತದೆ. ಇದು ಅತಿಯಾದ ವ್ಯಾಯಾಮಕ್ಕೆ ದೇಹ ತೋರಿಸುತ್ತಿರುವ ಚಿಹ್ನೆಯಾಗಿರಬಹುದು.

ಭಾವನಾತ್ಮಕ ಒತ್ತಡ

ಅತಿಯಾದ ಒತ್ತಡವು ನಿಮ್ಮ ದೇಹದ ಮೇಲೆ ಮಾತ್ರವಲ್ಲದೆ, ಮನಸ್ಸಿನ ಮೇಲೆಯೂ ಪರಿಣಾಮ ಬೀರಬಹುದು. ನೀವು ಸರಿಯಾಗಿ ವ್ಯಾಯಾಮ ಮಾಡಲು ಸಾಧ್ಯವಾಗುವುದಿಲ್ಲವೆಂದು ಭಾವನಾತ್ಮಕವಾಗಿ ಒತ್ತಡಕ್ಕೊಳಗಾಗಬಹುದು. ಇದು ಅತಿಯಾದ ವ್ಯಾಯಾಮದ ಮಾನಸಿಕ ಹಾಗೂ ದೈಹಿಕ ಚಿಹ್ನೆಗಳು.

ವಿಳಂಬವಾಗಿ ಚೇತರಿಕೆ

ಸಾಮಾನ್ಯವಾಗಿ ವ್ಯಾಯಾಮಕ್ಕೆ ಸ್ವಲ್ಪ ಸಮಯದ ಚೇತರಿಕೆ ಬೇಕಾಗುತ್ತದೆ. ಆದರೆ ಬಳಲಿಕೆ ಮತ್ತು ಆಯಾಸದಿಂದ ಚೇತರಿಸಿಕೊಳ್ಳಲು ನಿಮ್ಮ ದೇಹಕ್ಕೆ ಹೆಚ್ಚಿನ ಸಮಯ ಬೇಕಾದರೆ ಅದು ಅತಿಯಾದ ವ್ಯಾಯಾಮದ ಚಿಹ್ನೆಯೆನ್ನುವುದು ಸ್ಪಷ್ಟ.

ನಿದ್ರಾಹೀನತೆ

ಅತಿಯಾದ ವ್ಯಾಯಾಮದಿಂದ ನಿಮ್ಮ ಸಾಮಾನ್ಯ ನಿದ್ರೆಯ ಮೇಲೆ ಪರಿಣಾಮವಾಗಬಹುದು. ಅತಿಯಾದ ವ್ಯಾಯಾಮದಿಂದ ನಿಮ್ಮ ದೈಹಿಕ ಹಾಗೂ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಒಳ್ಳೆಯ ನಿದ್ರೆ ಬದಲು ನಿಮಗೆ ನಿದ್ರಾಭಂಗ ಮತ್ತು ಆಯಾಸವಾಗಬಹುದು.

ಆಸಕ್ತಿ ಕಳಕೊಳ್ಳುವುದು

ಅತಿಯಾದ ವ್ಯಾಯಾಮದಿಂದಾಗಿ ವ್ಯಾಯಾಮ ಮಾಡುವ ಆಸಕ್ತಿಯೇ ಕಳಕೊಳ್ಳಬಹುದು. ಅತಿಯಾದ ಒತ್ತಡದ ದೈಹಿಕ ಮತ್ತು ಮಾನಸಿಕ ಚಿಹ್ನೆಗಳಿಂದಾಗಿ ನೀವು ವ್ಯಾಯಾಮ ಮಾಡುವುದನ್ನೇ ಬಿಡುವ ಬಗ್ಗೆ ಯೋಚಿಸಬಹುದು.

ನಿರ್ಜಲೀಕರಣ

ವ್ಯಾಯಾಮದ ವೇಳೆ ಹೆಚ್ಚಿನ ಪ್ರಮಾಣದಲ್ಲಿ ನೀರು ಕುಡಿಯುವುದು ತುಂಬಾ ಮುಖ್ಯ. ಅತಿಯಾದ ವ್ಯಾಯಾಮದಿಂದ ನಿಮ್ಮ ದೇಹವು ನಿರ್ಜಲೀಕರಣವಾಗಬಹುದು. ಇದು ನಿರ್ಜಲೀಕರಣದೊಂದಿಗೆ ಅತಿಯಾದ ವ್ಯಾಯಾಮದ ಮತ್ತೊಂದು ಚಿಹ್ನೆಯಾಗಿದೆ.

ರೋಗನಿರೋಧಕ ಶಕ್ತಿ ಕಡಿಮೆಯಾಗಬಹುದು

ಅತಿಯಾದ ವ್ಯಾಯಾಮದಿಂದ ನಿಮ್ಮ ರೋಗನಿರೋಧಕ ಶಕ್ತಿಯ ಮೇಲೆ ಪರಿಣಾಮ ಬೀರಬಹುದು. ನಿಮಗೆ ಸೋಂಕು ಅಥವಾ ಉರಿಯೂತ ಆಗಾಗ ಕಾಡುತ್ತಿರಬಹುದು. ಇದರಿಂದ ಚೇತರಿಕೆಗೆ ನಿಮಗೆ ಹೆಚ್ಚಿನ ಸಮಯ ಬೇಕಾಗಬಹುದು. ರೋಗನಿರೋಧಕ ಶಕ್ತಿಯ ವ್ಯವಸ್ಥೆ ಸರಿಯಾಗಿ ಕೆಲಸ ಮಾಡದಿರುವುದು ಅತಿಯಾದ ವ್ಯಾಯಾಮದ ಒಂದು ಸೂಚನೆ.