ಚಾಕಲೇಟ್, ಐಸ್ ಕ್ರೀಮ್ ತರಬಹುದೆ ತಲೆನೋವು?

Wellness

oi-Reena

By Hema S

Updated: Friday, August 10, 2012, 10:43 [IST]

ತಲೆನೋವು ಬಂದರೆ ಕೆಲಸದ ಒತ್ತಡ, ಹವಾಮಾನದಲ್ಲಿ ಉಂಟಾದ ಬದಲಾವಣೆ ಈ ಕಾರಣಗಳಿಂದ ತಲೆನೋವು ಉಂಟಾಗುತ್ತದೆ ಎಂದು ಯೋಚಿಸುತ್ತೇವೆ. ಆದರೆ ಚಾಕಲೇಟ್, ಐಸ್ ಕ್ರೀಮ್ ನಂತಹ ವಸ್ತುಗಳನ್ನು ತಿಂದರೆ ಕೂಡ ತಲೆನೋವು ಬರಬಹುದು ಅಂದರೆ ನಂಬಲು ಸಾಧ್ಯವೇ? ನಂಬಲೇಬೇಕು. ತಿನ್ನುವಾಗ ಖುಷಿಕೊಡುವ ಈ ಸಾಧನಗಳು ತಲೆನೋವು ತರಲು ಹೇಗೆ ಸಾಧ್ಯ ಎಂದು ತಿಳಿಯಲು ಮುಂದೆ ಓದಿ.

ಚಾಕಲೇಟ್: ಚಾಕಲೇಟ್ ತುಂಬಾ ಪ್ರಿಯವೇ? ಹಾಗದರೆ ಮಿತಿ ಮೀರಿ ಚಾಕಲೇಟ್ ತಿನ್ನುವಾಗ ಸ್ವಲ್ಪ ಯೋಚಿಸಬೇಕಾಗುತ್ತದೆ. ಏಕೆಂದರೆ ಚಾಕಲೇಟ್ ನಲ್ಲಿ phenylethylamine (ಫೀನೈಲ್ ಈಥೈಲ್ ಮೈನ್) ಮತ್ತು ಥಿಯೋಬ್ರೊಮೈನ್ (theobromine) ಅಂಶವಿದ್ದು ಇದು ತಲೆನೋವು ತರುತ್ತದೆ.

ಚೀಸ್: ಹಳೆಯ ಚೀಸ್ ನಲ್ಲಿ ಥೈರಾಮೈನ್(thyramine)ಅಂಶ ಅಧಿಕವಿರುತ್ತದೆ. ಇಂತಹ ಚೀಸ್ ತಿಂದರೆ ತಲೆನೋವು ಉಂಟಾಗಬಹುದು. ಆದ್ದರಿಂದ ಚೀಸ್ ತಿನ್ನುವುದಾದರೆ ತಾಜಾ ಚೀಸ್ ಮಾತ್ರ ತಿನ್ನಿ.

ಮದ್ಯ: ಮದ್ಯ ಅದರಲ್ಲೂ ವೈನ್ ತಲೆನೋವು ಹೆಚ್ಚಾಗಲು ಕಾರಣವಾಗಿದೆ. ಮದ್ಯದ ಅಂಶ ರಕ್ತವನ್ನು ಮತ್ತಷ್ಟು ತೆಳ್ಳಗೆ ಮಾಡುವುದರಿಂದ ಅಧಿಕ ರಕ್ತ ಮೆದುಳಿಗೆ ಸಂಚಾರವಾಗಿ ಈ ರೀತಿಯ ತಲೆನೋವು ಕಂಡುಬರುತ್ತದೆ.

ಕಾಫಿ: ಕಾಫಿಯಲ್ಲಿ ಟೀಗಿಂತ ಕೆಫೀನ್ ಅಂಶ ಅಧಿಕವಿರುವುದರಿಂದ ದಿನದಲ್ಲಿ ಎರಡು ಲೋಟಕ್ಕಿಂತ ಹೆಚ್ಚು ಕಾಫಿ ಕುಡಿದರೆ ಅಧಿಕ ಕೆಫೀನ್ ಅಂಶ ದೇಹವನ್ನು ಸೇರಿ ತಲೆನೋವು ಉಂಟಾಗುವುದು.

ಐಸ್ ಕ್ರೀಮ್: ಐಸ್ ಕ್ರೀಮ್ ತಿಂದರೆ ಕೂಡ ತಲೆನೋವು ಬರಬಹುದಾ ಎಂದು ಆಶ್ಚರ್ಯವಾಗುತ್ತದೆ ಅಲ್ಲವೇ? ಸಮಸ್ಯೆ ಇರುವುದು ಕ್ರೀಮ್ ನಲ್ಲಿ ಅಲ್ಲ, ಅದರ ಐಸ್ ನಲ್ಲಿ. ತುಂಬಾ ಬಾಯಾರಿಕೆಯಾದಾಗ ಐಸ್ ಕ್ರೀಮ್ ಅಥವಾ ತಣ್ಣನೆಯ ಜ್ಯೂಸ್ ಅನ್ನು ಬೇಗನೆ ತಿಂದರೆ ಮೆದುಳಿಗೆ ರಕ್ತ ಸಂಚರವಾಗುವುದರಲ್ಲಿ ಸ್ವಲ್ಪ ವ್ಯತ್ಯಾಸವಾಗುತ್ತದೆ. ಈ ರೀತಿಯಾದರೆ ತಲೆನೋವು ಕಂಡುಬರುತ್ತದೆ.

ಸೋಯಾ ಸಾಸ್: ಸೋಯಾಸಾನ್ ನಲ್ಲಿ ಮೋನೊ ಸೋಡಿಯಂ ಗುಲ್ಟಾಮೇಟ್ (monosodium glutamate) ಅಂಶವಿರುವುದರಿಂದ ಇದನ್ನು ಮಿತಿಯಲ್ಲಿ ತಿಂದರೆ ತಲೆನೋವು ಬರುವುದಿಲ್ಲ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.