ಡಯಟ್ ಮಾಡದೆಯೆ ಸಣ್ಣಗಾಗಬೇಕೆ?

Published: Tuesday, February 14, 2012, 12:06 [IST]

ಸಣ್ಣಗಾಗ ಬೇಕು ಆದರೆ ಡಯಟ್ ಮಾಡುವುದು ಕಷ್ಟ ಎಂದು ಹೇಳುವವರು ಜಾಸ್ತಿ. ರುಚಿಕರವಾದ ಆಹಾರವನ್ನು ತಿನ್ನದೆ ಬರಿ ಸೂಪ್, ಸಲಾಡ್ ಹೀಗೆ ಇಂತದ್ದೇ ಆಹಾರ ಸೇವಿಸಬೇಕೆಂಬ ನಿರ್ಬಂಧನೆಯನ್ನು ಪಾಲಿಸುವುದು ಸ್ವಲ್ಪ ಕಷ್ಟದ ಕೆಲಸವೆ. ಯಾವುದೇ ಡಯಟ್ ಪಾಲಿಸ ಬೇಕಾದ ಅವಶ್ಯಕತೆಯಿಲ್ಲ, ಆದರೆ ತಿನ್ನುವ ವಿಧಾನದಲ್ಲಿ ಸ್ವಲ್ಪ ಬದಲಾವಣೆ ತಂದರೆ ಸಾಕು ಸಣ್ಣಗಾಗಬಹುದು. ಅದು ಹೇಗೆ ಎಂದು ತಿಳಿಯಲು ಮುಂದೆ ಓದಿ.

1. ಅಳತೆ ತಟ್ಟೆ: ಮಿತಿ ಆಹಾರಕ್ಕೆ ಸರಿಯಾಗುವಂತೆ ಸಣ್ಣ ತಟ್ಟೆ ಆಯ್ಕೆ ಮಾಡಿ. ದೊಡ್ಡ ತಟ್ಟೆಯಲ್ಲಿ ಊಟ ಜಾಸ್ತಿ ಹಾಕಬಹುದು. ಹೊಟ್ಟೆಗೆ ಸಾಕಾಗುವಷ್ಟು ಊಟ ಮಾಡಿ. ದಿನಲೂ ಒಂದೇ ಪ್ರಮಾಣದಲ್ಲಿ ಆಹಾರ ಸೇವಿಸಲು ಅದೇ ತಟ್ಟೆಯಲ್ಲಿಯೆ ಊಟ ಹಾಕಿ. ಒಮ್ಮೆ ಹಾಕಿ ಸಾಕಾಗಲಿಲ್ಲ ಅಂತ ಮತ್ತೆ ಹೋಗಬೇಡಿ.

2. ಜಗಿಯುವುದು : ಆಹಾರವನ್ನು ಚೆನ್ನಾಗಿ ಜಗಿದು ತಿನ್ನಿ. ಚೆನ್ನಾಗಿ ಜಗಿದು ತಿಂದಷ್ಟು ಜೀರ್ಣಕ್ರಿಯೆ ಸುಲಭವಾಗುತ್ತದೆ. ಅಲ್ಲದೆ ಜಗಿಯುತ್ತಾ ತಿನ್ನುವುದು ಮುಖಕ್ಕೆ ಕೂಡ ಒಳ್ಳೆಯ ವ್ಯಾಯಾಮ.

3. ಚಮಚದಲ್ಲಿ ಸೇವಿಸಿ: ಆಹಾರವನ್ನು ಚಮಚದಲ್ಲಿ ಸೇವಿಸಿದರೆ ಸ್ವಲ್ಪ-ಸ್ವಲ್ಪನೇ ತಿನ್ನುತ್ತೇವೆ. ಇದರಿಂದ ಆಹಾರ ಜಾಸ್ತಿ ಬೇಕೆನಿಸುವುದಿಲ್ಲ. ಈ ರೀತಿ ಮಾಡಿ ಆಹಾರ ಸೇವನೆಯ ಮಿತಿಯನ್ನು ನಿಯಂತ್ರಣದಲ್ಲಿಡಿ.

4. ತಾಜ ತರಕಾರಿ ಮತ್ತು ಹಣ್ಣುಗಳು: ಆಹಾರವನ್ನು ಸೇವಿಸುವಾಗ ತರಕಾರಿ ಮತ್ತು ಹಣ್ಣುಗಳನ್ನು ಅಧಿಕ ತಿಂದು ಕಾರ್ಬೋಹೈಡ್ರೇಟ್ ಆಹಾರಗಳನ್ನು ಕಡಿಮೆ ಪ್ರಮಾಣದಲ್ಲಿ ಸೇವಿಸಿ.

5. ವ್ಯಾಯಾಮ: ಊಟವಾದ ನಂತರ ಸುಮ್ಮನೆ ಕೂರದೇ ಸ್ವಲ್ಪ ದೂರ ನಡೆಯುವ, ಮೆಟ್ಟಲುಗಳನ್ನು ಹತ್ತಿ ಇಳಿಯುವ ವ್ಯಾಯಾಮ ಒಳ್ಳೆಯದು. ಸಮಯ ಸಿಕ್ಕಿದಾಗ ಈ ರೀತಿ ಮಾಡಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.