ಮಧುಮೇಹ ರೋಗ: ಸ್ವಲ್ಪ ಯಾಮಾರಿದರೂ- ಜೀವಕ್ಕೆ ಸಂಚಕಾರ!

ಕಿಡ್ನಿ ವೈಫಲ್ಯ

ಮಧುಮೇಹವನ್ನು ನಿಯಂತ್ರಿಸದೆ ಇದ್ದಲ್ಲಿ ಕಿಡ್ನಿಗಳು ವೈಫಲ್ಯಕ್ಕೆ ಒಳಗಾಗಬಹುದು. ಅತಿಯಾದ ಸಕ್ಕರೆ ಮಟ್ಟವು ದೇಹಕ್ಕೆ ವಿಷಕಾರಿಯಾಗಿ ಕಿಡ್ನಿಯಲ್ಲಿ ಕೆಲವು ನರಗಳಿಗೆ ಹಾನಿಯನ್ನು ಉಂಟು ಮಾಡುತ್ತದೆ. ಇದರಿಂದಾಗಿ ಕಿಡ್ನಿ ವೈಫಲ್ಯ ಉಂಟಾಗುತ್ತದೆ.

ನರ ವೈಫಲ್ಯ

ರಕ್ತದಲ್ಲಿ ಅತಿಯಾದ ಸಕ್ಕರೆ ಮಟ್ಟವು ರಕ್ತ ಸಂಚಾರ ಮಾಡುವ ಸಣ್ಣ ರಕ್ತನಾಳಗಳಿಗೆ ಹಾನಿ ಉಂಟು ಉಂಟುಮಾಡುತ್ತದೆ. ಈ ನರಗಳು ಕಾಲಿನಲ್ಲಿ ಇರುವಂತಹ ನರಕೋಶಳಿಗೆ ರಕ್ತ ಹಾಗೂ ಪೋಷಕಾಂಶಗಳನ್ನು ಸರಬರಾಜು ಮಾಡುತ್ತದೆ. ನರಕೋಶಗಳಿಗೆ ರಕ್ತಸರಬರಾಜು ಆಗದೆ ಇರುವಾಗ ಮರಗಟ್ಟುವಿಕೆ ಉಂಟಾಗುತ್ತದೆ.

ಕೆಳಭಾಗದ ಅಂಗಾಂಗಗಳಲ್ಲಿ ಸ್ಪರ್ಶತೆ ಇಲ್ಲದಿರುವುದು

ಮಧುಮೇಹವು ಹೆಚ್ಚಾದಾಗ ಕಾಲುಗಳಿಗೆ ರಕ್ತಸಂಚಾರವು ಕಡಿಮೆಯಾಗುತ್ತಾ ಹೋಗುತ್ತದೆ. ಇದರ ಪರಿಣಾಮವಾಗಿ ಕಾಲುಗಳಲ್ಲಿ ನಿಸ್ತೇಜತನ ಉಂಟಾಗುತ್ತದೆ. ಉರಿಯ ಅನುಭವ, ನೋವು, ಪಾದ ಹಾಗೂ ಬೆರಳುಗಳಲ್ಲಿ ಜುಮ್ಮೆನಿಸುವ ಅನುಭವವಾಗುವುದು ಇತ್ಯಾದಿ.

ಅಜೀರ್ಣ ಸಮಸ್ಯೆಗೆ

ರಕ್ತದಲ್ಲಿ ಅತಿಯಾದ ಸಕ್ಕರೆಯಿದ್ದರೆ ಅದು ಜೀರ್ಣ ವ್ಯವಸ್ಥೆಗೆ ಹೋಗುವ ನರಗಳಿಗೆ ಹಾನಿ ಉಂಟು ಮಾಡುತ್ತದೆ. ಇದರಿಂದ ವಾಕರಿಕೆ, ವಾಂತಿ, ಭೇದಿ ಮತ್ತು ಅಜೀರ್ಣ ಉಂಟಾಗುತ್ತದೆ.

ಇದನ್ನೂ ಓದಿ -ಮಧುಮೇಹಿಗಳು ಸೇವಿಸಬಹುದಾದ 7 ಸಿಹಿ ಹಣ್ಣುಗಳು

ಮಧುಮೇಹದ ಪಾದಗಳು

ರಕ್ತದಲ್ಲಿ ಸಕ್ಕರೆಯಂಶ ಹೆಚ್ಚಾದಾಗ ಪಾದಗಳಿಗೆ ರಕ್ತಸಂಚಾರವು ಕಡಿಮೆಯಾಗುತ್ತದೆ. ಇದರಿಂದ ಗ್ಯಾಂಗ್ರೀನ್ ಮತ್ತು ಪಾದದ ಸೋಂಕು ಉಂಟಾಗಬಹುದು. ಮಧುಮೇಹವಿರುವವರಲ್ಲಿ ಗಾಯಗಳು ನಿಧಾನವಾಗಿ ಗುಣವಾಗುವ ಕಾರಣದಿಂದ ಕಾಲು, ಬೆರಳು ಮತ್ತು ಸಂಪೂರ್ಣ ಪಾದಕ್ಕೆ ಸೋಂಕು ಹರಡಬಹುದು.

ಇದನ್ನೂ ಓದಿ- ಮಧುಮೇಹಿಗಳೇ ಪಾದಗಳತ್ತ ನಿರ್ಲಕ್ಷ್ಯ ಮಾಡಬೇಡಿ!

ಹಲ್ಲುಗಳು ಉದುರುವುದು

ರಕ್ತದಲ್ಲಿ ಸಕ್ಕರೆಯಂಶವು ಹೆಚ್ಚಾಗಿದ್ದರೆ ಅದರಿಂದ ಹಲ್ಲುಗಳು ಹಾಗೂ ವಸಡಿಗೆ ರಕ್ತಸಂಚಾರವು ಕಡಿಮೆಯಾಗುತ್ತದೆ. ಒಸಡು ಹಾಗೂ ಹಲ್ಲಿನಲ್ಲಿರುವಂತಹ ನರಗಳು ದುರ್ಬಲಗೊಂಡು ಹಲ್ಲುಗಳು ಉದುರಬಹುದು ಮತ್ತು ವಸಡಿನಲ್ಲಿ ನೋವು ಕಾಣಿಸಿಕೊಳ್ಳಬಹುದು.