ದಾಳಿಂಬೆ ಆರೋಗ್ಯಕ್ಕೆ ಮಾತ್ರವಲ್ಲ, ಸೌಂದರ್ಯಕ್ಕೂ ಬೇಕು

ಸೂರ್ಯನ ಪ್ರಖರ ಕಿರಣಗಳಿಂದ ರಕ್ಷಿಸುತ್ತದೆ

ದಾಳಿಂಬೆಯ ಸಿಪ್ಪೆಯಲ್ಲಿ ಸೂರ್ಯನ ಪ್ರಖರ ಕಿರಣಗಳಿಂದ ಕಳೆಗುಂದಿದ ಚರ್ಮಕ್ಕೆ ಮರುಚೈತನ್ಯ ನೀಡುವ ಗುಣವಿದೆ. ಅಲ್ಲದೇ ಸೂರ್ಯರಶ್ಮಿಯಲ್ಲಿರುವ ಯು.ವಿ. (ಅತಿನೇರಳೆ) ಕಿರಣಗಳಿಗೆ ತಡೆಯೊಡ್ಡುವ ಕ್ಷಮತೆಯೂ ಇದೆ. ಇದರ ಸಿಪ್ಪೆಯ ಲೇಪನವನು ಸನ್ ಸ್ಕ್ರೀನ್ ಆಗಿಯೂ ಬಳಸಬಹುದು.

ಮುಪ್ಪನ್ನು ಮುಂದೂಡುತ್ತದೆ

ದಾಳಿಂಬೆಯಲ್ಲಿರುವ ವಿಟಮಿನ್ ಎ,ಇ, ಮತ್ತು ಸಿ ಮುಪ್ಪಿಗೆ ಕಾರಣವಾಗುವ ಹಲವು ಕ್ರಿಯೆಗಳಿಗೆ ತಡೆಯೊಡ್ಡುವ ಮೂಲಕ ಮುಪ್ಪು ಶೀಘ್ರವೇ ಆವರಿಸುವುದನ್ನು ತಡೆಯುತ್ತದೆ. ಅಲ್ಲದೇ ಚರ್ಮದ ಬೆಳವಣಿಗೆಗೆ ಅಗತ್ಯವಿರುವ ಕೊಲಾಜೆನ್ ಎಂಬ ಪೋಷಕಾಂಶದ ಉತ್ಪತ್ತಿಗೂ ಸಹಕರಿಸುತ್ತದೆ.

ಜೀವಕೋಶಗಳ ಉತ್ಪತ್ತಿಗೆ ನೆರವಾಗುತ್ತದೆ

ನಮ್ಮ ಚರ್ಮದ ಹೊರಕವಚದ ಜೀವಕೋಶಗಳು ಇತರ ಜೀವಕೋಶಗಳಿಗಿಂತ ಬೇಗನೇ ಸಾಯುತ್ತವೆ. ದಾಳಿಂಬೆಯ ನಿಯಮಿತ ಸೇವನೆಯಿಂದ ಚರ್ಮದ ಹೊರಪದರದ ಜೀವಕೋಶಗಳು ಹೆಚ್ಚು ಕಾಲ ಜೀವಂತವಿರುವಂತೆ ನೋಡಿಕೊಳ್ಳುವ ಮೂಲಕ ಚರ್ಮದ ಕಾಂತಿಯನ್ನು ಹೆಚ್ಚಿಸುತ್ತದೆ. ಅಲ್ಲದೇ ಚರ್ಮದ ಹೊಸ ಜೀವಕೋಶಗಳು ಬೇಗನೇ ಬೆಳೆಯಲು ನೆರವಾಗುವ ಮೂಲಕ ತಾರುಣ್ಯವನ್ನು ಕಾಪಾಡುತ್ತದೆ.

ಆರ್ದ್ರತೆಯನ್ನು ನೀಡುತ್ತದೆ

ದಾಳಿಂಬೆಯ ಬೀಜದ ಎಣ್ಣೆಯನ್ನು ಚರ್ಮಕ್ಕೆ ಆಗಾಗ ಸವರಿಕೊಳ್ಳುತ್ತಿರುವ ಮೂಲಕ ಚರ್ಮಕ್ಕೆ ಅಗತ್ಯವಿರುವ ಆರ್ದ್ರತೆಯನ್ನು ಒದಗಿಸಿ ತನ್ಮೂಲಕ ಒಣಚರ್ಮದ ಬಾಧೆಯನ್ನು ಕಡಿಮೆಗೊಳಿಸಬಹುದು. ಚಳಿಗಾಲದಲ್ಲಿ ಇದರ ಅಗತ್ಯ ಬಹಳವೇ ಇದೆ.

ಮೊಡವೆಗಳಿಂದ ರಕ್ಷಿಸುತ್ತದೆ

ಹದಿಹರೆಯದವರಿಗೆ ಅತೀವ ತೊಂದರೆ ನೀಡುವ ಮೊಡವೆಗಳ ನಿಗ್ರಹಕ್ಕೆ ದಿನಕ್ಕೊಂದು ಲೋಟ ದಾಳಿಂಬೆಯ ರಸವನ್ನು ಕುಡಿಯುವುದು ಉತ್ತಮ. ಇದರಲ್ಲಿರುವ ವಿಟಮಿನ್ ಸಿ ಮತ್ತು ವಿವಿಧ ಆಂಟಿ ಆಕ್ಸಿಡೆಂಟುಗಳು ಒಳಗಿನಿಂದ ಚರ್ಮಕ್ಕೆ ಪೋಷಣೆ ನೀಡುತ್ತದೆ. ಅಲ್ಲದೇ ಜೀರ್ಣಶಕ್ತಿಯನ್ನೂ ಉತ್ತಮಗೊಳಿಸುತ್ತದೆ.

ಚರ್ಮದ ಸತ್ತ ಜೀವಕೋಶಗಳನ್ನು ನಿವಾರಿಸಲು ನೆರವಾಗುತ್ತದೆ

ದಾಳಿಂಬೆಯ ಸಿಪ್ಪೆ ಮುಖದ ಚರ್ಮದ ಸತ್ತ ಜೀವಕೋಶಗಳನ್ನು ನಿವಾರಿಸಲು, ಕಪ್ಪುತಲೆ ಮತ್ತು ಬಿಳಿಯ ಚುಕ್ಕೆಗಳನ್ನು ಹೊರತೆಗೆಯಲು ಸಮರ್ಥವಾಗಿದೆ. ಇದಕ್ಕಾಗಿ ಚೆನ್ನಾಗಿ ಒಣಗಿದ ದಾಳಿಂಬೆಯ ಸಿಪ್ಪೆಯನ್ನು ಪುಡಿಮಾಡಿ ಕಂದು ಸಕ್ಕರೆ (ಅಥವಾ ಕಪ್ಪು ಬೆಲ್ಲ) ಮತ್ತು ಕೊಂಚ ಜೇನುತುಪ್ಪವನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ ಲೇಪನವನ್ನು ಮಾಡಿಕೊಳ್ಳಿ.

ಚರ್ಮದ ಸತ್ತ ಜೀವಕೋಶಗಳನ್ನು ನಿವಾರಿಸಲು ನೆರವಾಗುತ್ತದೆ

ಈ ಲೇಪನವನ್ನು ಮುಖಕ್ಕೆ ಹಚ್ಚಿ ಕೊಂಚ ಕಾಲ ಬಿಟ್ಟು ತಣ್ಣೀರಿನಿಂದ ಉಜ್ಜಿಕೊಳ್ಳುತ್ತಾ ತೊಳೆದುಕೊಳ್ಳಿ. ಇದರಿಂದ ಮುಖದ ಎಲ್ಲಾ ಕಲ್ಮಶಗಳು ಹೊರಬಂದು ಚರ್ಮ ಉಲ್ಲಸಿತವಾಗುತ್ತದೆ.