ಚಳಿಗಾಲದಲ್ಲಿ ತ್ವಚ್ಛೆಯ ಆರೈಕೆ

1. ಮೊಡವೆ

ಮೊಡವೆ ಸಮಸ್ಯೆಯಿಂದ ಬಳಲುವ ಪುರುಷರು ಚಳಿಗಾಲದಲ್ಲಿ ಹೆಚ್ಚಿನ ಕಾಳಜಿ ವಹಿಸಬೇಕಾಗುತ್ತದೆ. ಯಾಕೆಂದರೆ ಒಣ ಮತ್ತು ಶೀತ ವಾತಾವರಣದಿಂದಾಗಿ ಈ ಸಮಸ್ಯೆ ಹೆಚ್ಚಾಗಬಹುದು. ಶುಷ್ಕತೆಯಿಂದಾಗಿ ತೈಲಗ್ರಂಥಿಗಳು ಮುರಿದು ಹೆಚ್ಚಿನ ತೈಲ ಹೊರಬರುತ್ತದೆ.

2. ಫ್ಲಾಕಿ ಸ್ಕಿನ್

ಶೀತಲ ವಾತಾವರಣದಿಂದಾಗಿ ನಿಮ್ಮ ತ್ವಚೆ ಬೇಗನೆ ಒಣಗಿ, ಚರ್ಮದ ಮೇಲೆ ಫ್ಲಾಕಿ ಮತ್ತು ನವೆ ತೇಪೆಗಳು ಕಂಡುಬರುತ್ತದೆ. ಸತ್ತ ಚರ್ಮವನ್ನು ಸ್ವಚ್ಛಗೊಳಿಸಲು ನೀವು ಹೆಚ್ಚು ನೀರನ್ನು ಸೇವಿಸುವುದು ತುಂಬಾ ಮುಖ್ಯ.

3. ಒಣಗಿದ ತುಟಿಗಳು

ಶೀತಲ ವಾತಾವರಣದಿಂದಾಗಿ ಚಳಿಗಾಲದಲ್ಲಿ ನಿಮ್ಮ ತುಟಿ ಬಹಳಷ್ಟು ಸಮಸ್ಯೆ ಎದುರಿಸುತ್ತದೆ. ಇದರಿಂದಾಗಿ ತುಟಿ ಒಡೆದು ಹೋಗುತ್ತದೆ. ಈ ಸಮಸ್ಯೆಯಿಂದ ಹೊರಬರಲು ಮೊಶ್ಚಿರೈಸಿಂಗ್ ಮುಲಾಮ್ ನ್ನು ಹಚ್ಚಲು ನಾಚಿಕೆ ಅಥವಾ ಹಿಂಜರಿಕೆ ಬೇಡ.

4. ಕೈಗಳು

ಕೈಯ ಹಿಂದಿನ ಭಾಗದ ಚರ್ಮವು ತುಂಬಾ ಮೃದು ಮತ್ತು ತೆಳುವಾಗಿರುತ್ತದೆ. ಒಣ ಹಾಗೂ ಶೀತ ಹವಾಮಾನದಿಂದ ನಿಮ್ಮ ಕೈಯಲ್ಲಿ ಬಿರುಕು ಕಾಣಿಸಿಕೊಂಡು ನೆರಿಗೆ ಉಂಟುಮಾಡಬಹುದು. ಕೈಯಲ್ಲಿ ತೇವಾಂಶವಿರುವಂತೆ ನೋಡಿಕೊಳ್ಳಿ ಮತ್ತು ಗ್ಲೌಸ್ ಧರಿಸಿ.

5. ಸನ್ ಸ್ಕ್ರೀನ್

ಎಸ್ ಪಿಎಫ್ ಲೋಶನ್ ಗಳನ್ನು ತೆಗೆದಿಡಲು ಚಳಿಗಾಲ ಸಮಯವಲ್ಲ. ಒಣ ಹಾಗೂ ಶೀತ ವಾತಾವರಣದಲ್ಲಿ ಸೂರ್ಯನ ಕಿರಣಗಳಿಂದ ಚರ್ಮ ಸುಡುವುದನ್ನು ಎಸ್ ಪಿಎಫ್ ಲೋಶನ್ ಗಳಿಂದ ರಕ್ಷಿಸಬಹುದು.

6. ಹಬೆ ಸ್ನಾನ ತಪ್ಪಿಸಿ

ಬಿಸಿ ಹಬೆಯ ಬಾತ್ ಟಬ್ ಅಥವಾ ಷವರ್ ನಲ್ಲಿ ಬೆಚ್ಚಗಿನ ನೀರನಲ್ಲಿ ಸ್ನಾನ ಮಾಡಲು ತುಂಬಾ ಖುಷಿಯಾಗುತ್ತದೆ. ಆದರೆ ಈಗಾಗಲೇ ಒಣಗಿರುವ ಚರ್ಮದ ಮೇಲೆ ಇದು ಯಾವ ರೀತಿಯ ಪರಿಣಾಮ ಬೀರುತ್ತದೆ ಎಂದು ಅರಿವಾಗುವ ಹೊತ್ತಿಗೆ ತುಂಬಾ ತಡವಾಗಿರುತ್ತದೆ. ತ್ಚಚೆಯಲ್ಲಿ ತೇವಾಂಶ ಉಳಿಸಿಕೊಳ್ಳಲು ಹದಬೆಚ್ಚಗಿನ ಅಥವಾ ಉಗುರು ಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡಿ.

7. ಮಂಡಿ ಮತ್ತು ಮೊಣಕೈ

ಈ ಎರಡು ಭಾಗಗಳಿಗೆ ಚಳಿಗಾಲದಲ್ಲಿ ಹೆಚ್ಚಿನ ಆರೈಕೆ ಬೇಕಾಗುತ್ತದೆ. ಯಾಕೆಂದರೆ ಇವುಗಳು ಈಗಾಗಲೇ ಗಡಸ್ಸಾಗಿರುತ್ತದೆ ಮತ್ತು ನೆರಿಗೆಗಳಿರುತ್ತದೆ. ಇದನ್ನು ತೇವ ಮತ್ತು ಮೃದುವಾಗಿರಿಸಿಕೊಳ್ಳಲು ಶಿಯಾ ಬಟರ್, ಪೆಟ್ರೋಲಾಟಂ, ಖನಿಜಯುಕ್ತ ತೈಲ, ಚಹಾ ಮರದ ತೈಲ ಅಥವಾ ನೈಸರ್ಗಿಕ ಎಣ್ಣೆ ಹೊಂದಿರುವ ಉತ್ಪನ್ನಗಳನ್ನು ಬಳಸಿ.

8. ಪಾದಗಳ ರಕ್ಷಣೆ

ಚಳಿಗಾಲದಲ್ಲಿ ನಿಮ್ಮ ಪಾದಗಳು ತುಂಬಾ ವೇಗವಾಗಿ ಒಣಗಿ ಬಿರುಕುಬಿಡುತ್ತದೆ. ತುಂಬಾ ಸಮಯದ ತನಕ ಇದನ್ನು ಕಡೆಗಣಿಸುತ್ತಿದ್ದರೆ ನೋವು ತಿನ್ನಬೇಕಾಗುತ್ತದೆ. ಇದಕ್ಕೆ ದಪ್ಪವಾಗಿ ಮೊಶ್ಚಿರೈಸರ್ ಹಚ್ಚಿ ಮತ್ತು ಯಾವಾಗಲೂ ಸಾಕ್ಸ್ ಬಳಸಿ.

9. ನೆತ್ತಿ

ನೆತ್ತಿಯ ಆರೈಕೆ ಕೂದಲಿನ ಆರೈಕೆಗೆ ಸಂಬಂಧಿಸಿದ್ದಾಗಿರುತ್ತದೆ. ಚಳಿಗಾಲದಲ್ಲಿ ನೆತ್ತಿ ಒಣಗಿ ಹೋಗುವ ಪರಿಣಾಮ ತಲೆಹೊಟ್ಟು ಮತ್ತು ತುರಿಕೆ ಹೆಚ್ಚಾಗುತ್ತದೆ. ಮೊಶ್ಚಿರೈಸರ್ ಕಂಡೀಷನರ್ ಉಪಯೋಗಿಸಿ ನಿಮ್ಮ ನೆತ್ತಿ ಒಣಗದಂತೆ ತಡೆಯಿರಿ.

10. ಹೆಚ್ಚು ನೀರು ಕುಡಿಯಿರಿ

ಚಳಿಗಾಲವಾಗಿರುವ ಕಾರಣ ಮತ್ತು ಆಗಾಗ ಮೂತ್ರವಿಸರ್ಜನೆಗೆ ಹೋಗಬೇಕೆಂದು ನೀರು ಕುಡಿಯುವುದನ್ನು ಕಡೆಗಣಿಸಬೇಡಿ. ಚಳಿಗಾಲದಲ್ಲಿ ಹೆಚ್ಚಿನ ಬೆವರು ಸುರಿಸದಿದ್ದರೂ ನಿಮ್ಮ ಚರ್ಮ ಮತ್ತು ದೇಹಕ್ಕೆ ಹೆಚ್ಚಿನ ನೀರಿನಾಂಶದ ಅಗತ್ಯವಿತ್ತು. ಚಳಿಗಾಲದಲ್ಲಿ ಮೃದು ಮತ್ತು ಸುಲಭವಾಗಿರಲು ಹೆಚ್ಚು ನೀರು ಕುಡಿಯಿರಿ.