ನೈಸರ್ಗಿಕ ಚೆಲುವಿನಿಂದ ಕಂಗೊಳಿಸಬೇಕೆ?

Skin Care

oi-Staff

By Super

Updated: Friday, September 12, 2014, 17:39 [IST]

ಅಂದವಾದ, ಕಲೆ ರಹಿತ ತ್ವಚೆ, ಆಕರ್ಷಕವಾದ ಕಣ್ಣಿನ ರೆಪ್ಪೆಗಳು ಮತ್ತು ಹುಬ್ಬುಗಳು, ಸೊಂಪಾದ ಕೂದಲು ಇವುಗಳೆಲ್ಲಾ ನೈಸರ್ಗಿಕ ಚೆಲುವು ಅನಿಸಿಕೊಳ್ಳಲು ಅವಶ್ಯಕ . ಆದರೆ ಈ ರೀತಿಯ ಚೆಲುವು ಸ್ವಾಭಾವಿಕವಾಗಿ ಕೆಲವರಿಗಷ್ಟೆ ಇರುತ್ತದೆ. ಆದರೆ ಅದಕ್ಕಾಗಿ ಇತರರು ಬೇಸರ ಮಾಡಬೇಕಾಗಿಲ್ಲ. ಈ ಕೆಳಗಿನ ಸಲಹೆಗಳನ್ನು ಅನುಕರಣೆಗೆ ತಂದರೆ ನಿಮ್ಮ ಸೌಂದರ್ಯ ಕೂಡ ನೈಸರ್ಗಿಕವಾಗಿ ದೊರೆಯುವುದು.

ಒಳ್ಳೆಣ್ಣೆ: ಬೆಳಗ್ಗೆ ಎದ್ದು ಒಳ್ಳೆಣ್ಣೆಯನ್ನು ಮೈಗೆ ಹಚ್ಚಿದರೆ ದೇಹದಲ್ಲಿ ರಕ್ತ ಸಂಚಲನಕ್ಕೆ ಸಹಕಾರಿಯಾಗುವುದು. ಸ್ವಲ್ಪ ಹೊತ್ತಿನ ನಂತರ ಸ್ನಾನ ಮಾಡಬೇಕು. ಇದರಿಂದ ತ್ವಚೆ ತೇವಾಂಶದಿಂದ ಪಡೆದು ಹೊಳಪನ್ನು ಹೊಂದುತ್ತದೆ.

ಮೀನಿನ ಎಣ್ಣೆ: ಅಕಾಲಿಕ ಮುಪ್ಪನ್ನು ತಡೆಯುವ ಸಾಮರ್ಥ್ಯ ಮೀನಿನ ಎಣ್ಣೆಗಿದೆ. ಈ ಎಣ್ಣೆ ಸೇವಿಸುವುದರಿಂದ ಹೃದಯದ ಸ್ವಾಸ್ಥ್ಯ ಹೆಚ್ಚುವುದು ಮತ್ತು ದೇಹದಲ್ಲಿ ರೋಗ ನಿರೋಧಕ ಸಾಮರ್ಥ್ಯ ಹೆಚ್ಚಾಗುವುದು. 500 ಮಿ ಗ್ರಾಂ ಇರುವ ಮೀನಿನ ಎಣ್ಣೆಯ ಮಾತ್ರೆಯನ್ನು ಬೆಳಗ್ಗೆ ಮತ್ತು ರಾತ್ರಿ ತಿನ್ನುವುದು ಒಳ್ಳೆಯದು. ಇದು ದೇಹದಲ್ಲಿರುವ ಕಷ್ಮಲಗಳನ್ನು ತೆಗೆದು ಹಾಕಲು ಸಹಾಯಕವಾಗಿದೆ.

ಕಾಫಿ ಅಥವಾ ಟೀ ಕುಡಿಯುವ ವಿಧಾನ ತಿಳಿದಿರಲಿ: ನಿಧಾನಕ್ಕೆ ಕಾಫಿ ಅಥವಾ ಟೀ ಕುಡಿದರೆ ಬಣ್ಣ ಹಲ್ಲಿಗೆ ಅಂಟಿ ಹಿಡಿದುಕೊಳ್ಳುವುದು. ಆದ್ದರಿಂದ ಬೇಗನೆ ಕಾಫಿ ಅಥವಾ ಟೀ ಕುಡಿದು ಮುಗಿಸಿದರೆ ಹಲ್ಲಿಗೆ ಅಷ್ಟಾಗಿ ಅಂಟಿಕೊಳ್ಳುವುದಿಲ್ಲ.

ಫೌಂಡೇಶನ್ ಕ್ರೀಮ್ : ಫೌಂಡೇಶನ್ ಕ್ರೀಮ್ ಅನ್ನು ಪ್ರತಿದಿನ ಹಚ್ಚುವುದರಿಂದ ಮುಖದಲ್ಲಿ ಬೇಗನೆ ನೆರಿಗೆಗಳು ಉಂಟಾಗುವುದು. ಆದ್ದರಿಂದ ಫೌಂಡೇಶನ್ ಕ್ರೀಮ್‌ಯನ್ನು ಅಪರೂಪಕ್ಕೆ ಬಳಸುವುದು ಒಳ್ಳೆಯದು. ಉಳಿದ ಸಮಯದಲ್ಲಿ ಕೆನ್ಸೀಲರ್ ಬಳಸಬಹುದು.