ನೈಸರ್ಗಿಕ ಸುಂದರಿಯಲ್ಲ ಎಂಬ ಚಿಂತೆ ಇನ್ಯಾಕೆ?

Skin Care

oi-Reena

By Hema S

Updated: Thursday, March 28, 2013, 10:31 [IST]

ಸರಳವಾದ ವಿಧಾನ:ರಾತ್ರಿ ಮುಖವನ್ನು ಚೆನ್ನಾಗಿ ತೊಳೆದು ಕ್ಲೆನ್ಸ್ ಮಾಡಬೇಕು. ನಂತರ ಎಣ್ಣೆಯಿಂದ ಮಾಯಿಶ್ಚರೈಸರ್ ಮಾಡಿ ಮಲಗಬೇಕು. ಬೆಳಗ್ಗೆ ಎದ್ದು ಮುಖ ತೊಳೆದರೆ ಮುಖ ಮೃದು ಮತ್ತು ಆಕರ್ಷಕವಾಗಿ ಕಾಣುವುದು.

ಸಕ್ಕರೆ ಕಡಿಮೆ ಪ್ರಮಾಣದಲ್ಲಿ ತಿನ್ನುವುದು ಒಳ್ಳೆಯದು: ಸಕ್ಕರೆ ಅಧಿಕ ತಿಂದರೆ ಮುಖದಲ್ಲಿ ನೆರಿಗೆಗಳು ಬೇಗನೆ ಕಾಣಿಸಿಕೊಳ್ಳುತ್ತದೆ. ಏಕೆಂದರೆ ಸಕ್ಕರೆ ತ್ವಚೆಯಲ್ಲಿರುವ ಕೊಲಾಜಿನ್ (collagen) ಅಂಶ ಕಮ್ಮಿ ಮಾಡಿ ಅಕಾಲಿಕ ಮುಪ್ಪು ಬರುವಂತೆ ಮಾಡುತ್ತದೆ.

ಕೂದಲಿನ ಆರೈಕೆ: ರಾತ್ರಿ ಮಲಗುವಾಗ ಕೂದಲನ್ನು ಬಾಚಿ ಸಡಿಲವಾಗಿ ಎತ್ತಿದ ಜುಟ್ಟು ಅಥವಾ ಜಡೆ ಹಾಕಿದರೆ ಕೂದಲು ಸಿಕ್ಕಾಗಿ ಹಾಳಾಗುವುದು ತಪ್ಪುತ್ತದೆ.

ಕಣ್ಣಿನ ರೆಪ್ಪೆ: ಆಕರ್ಷಕ ಕಣ್ಣಿನ ರೆಪ್ಪೆಗಳು ಮುಖದ ಸೌಂದರ್ಯ ಹೆಚ್ಚಿಸುವುದು.ಕಣ್ಣಿನ ರೆಪ್ಪೆಗೆ ಹರಳೆಣ್ಣೆಯನ್ನು ಉಜ್ಜಿದರೆ ಆಕರ್ಷಕವಾಗಿ ಬೆಳೆಯುತ್ತದೆ. ಅಲ್ಲದೆ ಮೇಕಪ್ ಮಾಡುವಾಗ ಗುಣಮಟ್ಟದ ಸಾಧನಗಳನ್ನೇ ಕಣ್ಣಿಗೆ ಬಳಸಬೇಕು.

ಕೈ ಮತ್ತು ಕಾಲುಗಳಿಗೆ ಸ್ಪಾ: ಮುಖಕ್ಕೆ ಒಳ್ಳೆಣ್ಣೆಯಿಂದ ಮಸಾಜ್ ಮಾಡುವಾಗ ರೀತಿ ಕೈ ಮತ್ತು ಕಾಲುಗಳಿಗೆ ಮಸಾಜ್ ಮಾಡಬೇಕು. ಇಲ್ಲದಿದ್ದರೆ ಕೈ, ಕಾಲುಗಳಲ್ಲಿ ಬೇಗನೆ ನೆರಿಗೆ ಉಂಟಾಗುವುದು.

ಒತ್ತಡ ಕಡಿಮೆ ಮಾಡಲು ಮಸಾಜ್ : ಅಧಿಕ ಒತ್ತಡವಿದ್ದರೆ ಅದು ಮುಖದಲ್ಲಿ ಕಾಣಿಸಿ ಮುಖದ ಆಕರ್ಷಣೆ ಕಡಿಮೆಯಾಗುವುದು. ಇದಕ್ಕೆಲ್ಲಾ ಪರಿಹಾರವನ್ನು ಮಸಾಜ್ ಮಾಡಿಸುವುದರಿಂದ ಪಡೆಯಬಹುದು.

ವಿಟಮಿನ್‌ಗಳು:ವಿಟಮಿನ್ ಸಿ ಸೂರ್ಯನ ಕಿರಣಗಳಿಂದ ತ್ವಚೆ ಬಾಡದಿರುವಂತೆ ತಡೆಯುವಲ್ಲಿ ಪರಿಣಾಮಕಾರಿಯಾಗಿದೆ. ಇತರ ವಿಟಮಿನ್ ಇರುವ ಆಹಾರಗಳನ್ನು ಆಹಾರಕ್ರಮದಲ್ಲಿ ಸೇರಿಸುವುದರಿಂದ ದೇಹದ ಮತ್ತು ತ್ವಚೆ ಆರೋಗ್ಯ ಹೆಚ್ಚಾಗುವುದು.

ಹಣ್ಣುಗಳ ಬಳಕೆ: ಕುರುಕಲು ತಿಂಡಿಗಳ ಬದಲು ಹಣ್ಣುಗಳನ್ನು ತಿನ್ನುವ ಅಭ್ಯಾಸ ೊಳ್ಳೆಯದು. ಒಣ ಹಣ್ಣುಗಳು ಮತ್ತು ನಟ್ಸ್ ಅನ್ನು ಪ್ರತಿ ದಿನ ಸೇವಿಸಿದರೆ ತ್ವಚೆಯಲ್ಲಿ ಹೊಳಪು ಬರಲಾರಂಭಿಸುತ್ತದೆ.

ಈ ಮೇಲಿನ ವಿಧಾನಗಳನ್ನು ಪಾಲಿಸಿಕೊಂಡು ಬಂದರೆ ನೈಸರ್ಗಿಕ ತ್ವಚೆ ಕಾಂತಿ ಪಡೆಯಬಹುದು.