ಕಲೆ ರಹಿತ ತ್ವಚೆಗಾಗಿ 8 ವಿಧಾನಗಳು

Skin Care

oi-Reena

By Hema S

Published: Thursday, April 26, 2012, 16:58 [IST]

ಹೆಣ್ಣು ಮಕ್ಕಳು ತಮ್ಮ ತ್ವಚೆಯಲ್ಲಿ ಚಿಕ್ಕ ಕಲೆಗಳು ಬಂದರೆ ತುಂಬಾ ಚಿಂತೆ ಮಾಡುತ್ತಾರೆ. ಅದನ್ನು ಹೋಗಲಾಡಿಸಲು ಅನೇಕ ಕ್ರೀಮ್‌ಗಳನ್ನು ಹಚ್ಚುಗೊಳ್ಳುತ್ತಾರೆ. ಕೆಲವರಿಗೆ ರಾಸಾಯನಿಕ ಕ್ರೀಮ್ ಗಳನ್ನು ಹಚ್ಚಿಕೊಂಡರೆ ಕಲೆಗಳು ಮತ್ತಷ್ಟು ಜಾಸ್ತಿಯಾಗುತ್ತದೆಯೆ ಹೊರತು ಕಡಿಮೆಯಾಗುವುದಿಲ್ಲ. ಕಲೆರಹಿತ ತ್ವಚೆ ಬಯಸುವವರು ಈ ಕೆಳಗಿನ 8 ಸರಳ ವಿಧಾನಗಳನ್ನು ಅನುಸರಿಸಿದರೆ ಸಾಕು, ಅಂದದ ತ್ವಚೆ ನಿಮ್ಮದಾಗುವುದು.

1. ಸರಳವಾಗಿರುವುದು: ಮುಖಕ್ಕೆ ಹೆಚ್ಚಿನ ಮೇಕಪ್ ಬಳಸದಿರುವುದು ಒಳ್ಳೆಯದು. ಮುಖದ ಆರೈಕೆಗೆ ಪ್ರಮುಖವಾಗಿ ಕ್ಲೆನ್ಸಿಂಗ್ ಮತ್ತು ಮಾಯಿಶ್ಚರೈಸರ್ ಮಾಡಬೇಕು. ಈ ರೀತಿ ಮಾಡುವಾಗ ರಾತ್ರಿ ಮಾಡುವುದು ಒಳ್ಳೆಯದು. ರಾತ್ರಿಯಲ್ಲಿ ತ್ವಚೆ ತೇವಾಂಶವನ್ನು ಬೇಗನೆ ಹೀರಿಕೊಳ್ಳುತ್ತದೆ. ಮೊದಲು ಮುಖಕ್ಕೆ ನೀರು ಎರಚಿ ನಂತರ ಮಾಯಿಶ್ಚರೈಸರ್ ಅಥವಾ ಕ್ಲೆನ್ಸಿಂಗ್ ಮಾಡಬೇಕು.

2. ಪಾರ್ಟಿ ಮೇಕಪ್: ಪಾರ್ಟಿಯಲ್ಲಿ ಮುಖ ತಾಜಾತನದಿಂದ ಹೊಳೆಯಲು ಸ್ವಲ್ಪ ಹತ್ತಿಯನ್ನು ನೀರಿಗೆ ಹಾಕಿ ಅದರಿಂದ ಮುಖವನ್ನು ಒತ್ತಬೇಕು. ಈ ರೀತಿ ಮಾಡಿದರೆ ತ್ವಚೆ ರಂಧ್ರಗಳು ತೆರೆದುಕೊಂಡು ಹೆಚ್ಚಿನ ತೇವಾಂಶವನ್ನು ಹೀರಿಕೊಳ್ಳುವುದರಿಂದ ಮುಖದ ಹೊಳಪು ಹೆಚ್ಚುವುದು.

3. ಮೇಕಪ್ ರಿಮೋವರ್ ಬಳಸಬಾರದು: ಮುಖದ ಆರೈಕೆ ಮಾಡಬಯಸುವವರು ಮೇಕಪ್ ರಿಮೋವರ್ ಬಳಸುವುದಕ್ಕಿಂತ ನೈಸರ್ಗಿಕವಾದ ಕ್ಲೆನ್ಸರ್ ಬಳಸುವುದು ಸೂಕ್ತ. ಸೋಯಾ ಕ್ಲೆನ್ಸರ್ ಬಳಸಿದರೆ ಮುಖದಲ್ಲಿ ಅಂಟಿ ಹಿಡಿದಿರುವ ಮೇಕಪ್ ಅನ್ನು ಸುಲಭವಾಗಿ ತೆಗೆಯಬಹುದು.