ಪುರುಷರ ಉದ್ದ ಕೂದಲಿನ ಆರೈಕೆ- ಇಲ್ಲಿದೆ ಸರಳ ಟಿಪ್ಸ್

#ಟಿಪ್ಸ್ 1

ಉದ್ದ ಕೂದಲು ಬಿಡಲು ಬಯಸುವ ಪುರುಷರು ಮೊದಲು ತಮ್ಮ ಕೂದಲನ್ನು ತಿಳಿದುಕೊಳ್ಳಬೇಕು. ಕೂದಲು ಅಲೆಅಲೆಯಾಗಿ, ನೇರ ಅಥವಾ ಗುಂಗುರು ಇದ್ದರೆ ಅದನ್ನು ಭಿನ್ನವಾಗಿ ಆರೈಕೆ ಮಾಡಿಕೊಳ್ಳಬೇಕಾಗುತ್ತದೆ.

#ಟಿಪ್ಸ್2

ಕೂದಲಿಗೆ ಹಾಕಿಕೊಳ್ಳುವ ತೈಲವು ಕೂದಲನ್ನು ನೇರವಾಗಿಸಲು ನೆರವಾಗುವುದು. ಇದರಿಂದಾಗಿ ಆಗಾಗ ಕೂದಲನ್ನು ತೊಳೆಯಬೇಡಿ. ಕೂದಲಿನ ಜಿಡ್ಡನ್ನು ನೋಡಿಕೊಂಡು ಕಂಡೀಷರ್ ಅಥವಾ ಕಂಡೀಷನರ್ ಇಲ್ಲದೆ ಶಾಂಪೂ ಬಳಸಿ. ಕೂದಲಿನಲ್ಲಿರುವ ನೀರನ್ನು ಹಾಗೆಯೇ ಒಣಗಲು ಬಿಡಿ ಅಥವಾ ಟವೆಲ್ ಬಳಸಿಕೊಳ್ಳಿ.

#ಟಿಪ್ಸ್ 3

ಒದ್ದೆ ಕೂದಲು ತುಂಡಾಗುವುದು ಹೆಚ್ಚು. ಕೂದಲು ಒಣಗಿದ ಬಳಿಕವಷ್ಟೇ ಅದನ್ನು ಬಾಚಿಕೊಳ್ಳಿ. ಕೂದಲು ಒಂದಕ್ಕೊಂದು ಸುತ್ತುಬಿದ್ದಿದ್ದರೆ ಅದನ್ನು ನಿಧಾನವಾಗಿ ಬೆರಳಿನಿಂದ ತೆಗೆಯಿರಿ. ಒಮ್ಮೆಲೇ ಎಳೆದರೆ ಕೂದಲಿಗೆ ಹಾನಿಯಾಗುವುದು.

#ಟಿಪ್ಸ್ 4

ಕೂದಲು ಬೆಳೆಯುತ್ತಿರುವಂತೆ ಒಂದು ಹಂತದಲ್ಲಿ ಅದು ವಿಚಿತ್ರವಾಗಿ ಕಾಣಿಸಬಹುದು. ಸಲೂನಿಗೆ ಭೇಟಿ ನೀಡಿ ಅದನ್ನು ಸರಿಪಡಿಸಿಕೊಳ್ಳಿ. ಆದರೆ ಅತಿಯಾಗಿ ಅದನ್ನು ಟ್ರಿಮ್ ಮಾಡಿಕೊಳ್ಳಬೇಡಿ. ನಿಮಗೆ ಹೊಂದಿಕೊಳ್ಳುವ ಕೂದಲಿನ ವಿನ್ಯಾಸ ಮಾಡಿಕೊಳ್ಳಿ ಮತ್ತು ಇತರ ಉದ್ದ ಕೂದಲಿನ ವಿನ್ಯಾಸವನ್ನು ಪ್ರಯತ್ನಿಸಿ ನೋಡಿ.

#ಟಿಪ್ಸ್ 5

ಉದ್ದ ಕೂದಲನ್ನು ಬೆಳೆಸುವಂತಹ ಪುರುಷರು ಸರಿಯಾದ ಆಹಾರ ಕ್ರಮವನ್ನು ಅನುಸರಿಸಬೇಕು. ಆಹಾರದಲ್ಲಿ ಪ್ರಮುಖವಾಗಿ ವಿಟಮಿನ್ ಗಳಿರಬೇಕು. ಇದು ಕೂದಲನ್ನು ಬೆಳೆಸುತ್ತದೆ. ಯಾವಾಗಲಾದರೂ ಒಮ್ಮೆ ಹೇರ್ ಸ್ಪಾಗೆ ಭೇಟಿ ನೀಡಿ ಇದರಿಂದ ಕೂದಲಿನ ಕಾಂತಿ ನಿರ್ವಹಣೆ ಮಾಡಲು ಸುಲಭವಾಗುವುದು.

#ಟಿಪ್ಸ್ 6

30 ದಿನಗಳಲ್ಲಿ ಕೂದಲು ಅರ್ಧ ಇಂಚಿಗಿಂತಲೂ ಹೆಚ್ಚು ಬೆಳೆಯುತ್ತದೆ. ಒಂದು ಸಲ ಸಲೂನಿಗೆ ಹೋಗದಿದ್ದರೆ ನಿಮ್ಮ ಕೂದಲು ತುಂಬಾ ಉದ್ದಗೆ ಬೆಳೆದುಬಿಡುತ್ತದೆ ಎನ್ನುವ ನಂಬಿಕೆ ಬೇಡ. ತಾಳ್ಮೆಯಿಂದ ಇದ್ದು, ಆರೈಕೆ ಮಾಡುತ್ತಲಿದ್ದರೆ ಕೂದಲು ತನ್ನಷ್ಟಕ್ಕೆ ಬೆಳೆದು ನಿಲ್ಲುವುದು.