ಮಳೆಗಾಲದ ಸೌಂದರ್ಯ: ಈ ಟಿಪ್ಸ್ ಅನುಸರಿಸಿ, ಇನ್ನಷ್ಟು ಸುಂದರಗೊಳ್ಳುವಿರಿ!

ನಿತ್ಯದ ಮೇಕಪ್

ಮಾನ್ಸೂನ್ ಆರಂಭವಾಗುತ್ತಿದ್ದಂತೆಯೇ ಮೊದಲು ವಾಟರ್ ಪ್ರೂಫ್ ಮೇಕಪ್ ಉತ್ಪನ್ನಗಳನ್ನು ಆಯ್ಕೆಮಾಡಿಕೊಳ್ಳಬೇಕು. ಹಾಗಂತ ಮಳೆಗಾಲ ಆರಂಭವಾಗುವುದನ್ನು ಕಾಯುತ್ತಾ ಕುಳಿತರೆ ಉತ್ಪನ್ನಗಳ ಬೆಲೆ ದುಬಾರಿ ಆಗುವುದು. ಮಳೆಗಾಲದಲ್ಲಿ ಈ ಉತ್ಪನ್ನಗಳಿಂದ ಮೇಕಪ್ ಮಾಡುವುದರಿಂದ ಹೆಚ್ಚು ಕಾಲ ಮೇಕಪ್ ಮಾಸದೆ ಇರುವುದು. ಜೊತೆಗೆ ತ್ವಚೆಯ ಆರೋಗ್ಯವನ್ನು ಕಾಪಾಡಬಹುದು.

ಕಾಡಿಗೆ ಆಯ್ಕೆ

ಕಪ್ಪು ಕಾಡಿಗೆಯಿಂದ ಕಣ್ಣಿನ ಮೇಕಪ್ ಮಾಡಿಕೊಂಡರೆ ಹೆಚ್ಚು ಸಮಯ ಉಳಿಯದು. ಐಲೈನರ್ ರೂಪದಲ್ಲಿ ಬಳಸಿದರೆ ಅದು ಕಣ್ಣಿನ ಸುತ್ತ ಹರಡಿಕೊಳ್ಳುವುದು. ಕೆಲವೊಮ್ಮೆ ಬಹುಬೇಗ ಮಾಸಬಹುದು. ಇದರ ಬದಲಿಗೆ ಜೆಲ್ ಲೈನರ್ ಬಳಸಿದರೆ ದೀರ್ಘಕಾಲ ಉಳಿಯುವುದು. ತೇವಾಂಶದ ವಾತಾವರಣದಲ್ಲೂ ಹೆಚ್ಚು ಸುರಕ್ಷಿತವಾಗಿಯೂ ಇರುತ್ತದೆ.

ಲಿಕ್ವಿಡ್ ಫೌಂಡೇಶನ್

ತೇವಾಂಶದ ಕಾರಣ ಲಿಕ್ವಿಡ್ ಫೌಂಡೇಶನ್ ಬಹುಕಾಲ ಮುಖದ ಮೇಲೆ ಉಳಿದುಕೊಳ್ಳುವುದಿಲ್ಲ. ಬದಲಿಗೆ ಬಿಬಿಕೆನೆ ಮತ್ತು ಕಾಂಪ್ಯಾಕ್ಟ್ ಪುಡಿಗಳೊಂದಿಗೆ ಬದಲಾಯಿಸಿಕೊಂಡರೆ ಹೆಚ್ಚು ಸಮಯ ಉಳಿಯುವುದು. ಹೆಚ್ಚಿನ ಕವರೇಜ್ ಅಗತ್ಯವಿದ್ದರೆ ಮ್ಯಾಟ್ ಫೌಂಡೇಶನ್‍ನ್ನು ಅನ್ವಯಿಸಿಕೊಳ್ಳಬಹುದು.

ಲಿಪ್ ಗ್ಲಾಸ್

ಮಾನ್ಸುನ್ ಕಾಲದಲ್ಲಿ ಮ್ಯಾಟ್ಟೆ ಲಿಪ್ ಸ್ಟಿಕ್ ಹೆಚ್ಚು ಉತ್ತಮವಾದದ್ದು. ಮಳೆಗಾಲದಲ್ಲಿ ತೇವಾಂಶ ಹೆಚ್ಚುವುದರಿಂದ ಲಿಕ್ವಿಡ್ ರೂಪದ ಮೇಕಪ್, ಲಿಪ್ ಗ್ಲಾಸ್ ಎಲ್ಲವೂ ಹೆಚ್ಚು ಕಾಲ ಉಳಿಯದು. ಬಹು ಬೇಗ ಮಾಸುವುದರಿಂದ ಆದಷ್ಟು ಮ್ಯಾಟ್ಟೆ ರೂಪದ ಲಿಪ್‍ಸ್ಟಿಕ್‍ಅನ್ನು ಬಳಸಬೇಕು.

ಹೇರ್ ಸ್ಪಾ

ಮಳೆಗಾಲದಲ್ಲಿ ಆಗಾಗ ಸ್ಪಾಗೆ ಹೋಗುವ ಹವ್ಯಾಸವಿದ್ದರೆ ಮಳೆಗಾಲದಲ್ಲಿ ಇದಕ್ಕೆ ಸ್ವಲ್ಪ ಕಡಿವಾಣ ಹಾಕಬೇಕು. ಮಳೆಗಾಲದಲ್ಲಿ ಮಾಡುವ ಹೇರ್ ಸ್ಟೈಲ್ ಅಥವಾ ಆರೈಕೆಯನ್ನು ದೀರ್ಘಕಾಲ ಕಾಪಾಡಲು ಸಾಧ್ಯವಿಲ್ಲ. ಪದೇ ಪದೇ ಮಳೆಯಲ್ಲಿ ಕೇಶರಾಶಿಯು ತೇವಾಂಶಕ್ಕೆ ಒಳಗಾಗುವುದರಿಂದ ಸ್ಪಾ ಆರೈಕೆ ಮುಂದುವರಿಯದು. ಮಳೆಗಾಲದಲ್ಲಿ ತ್ವಚೆಯ ಆರೈಕೆಗಿಂತ ಹೆಚ್ಚು ಕೂದಲ ರಕ್ಷಣೆಯೇ ಒಂದು ದೊಡ್ಡ ಸವಾಲಾಗಿ ಬಿಡುತ್ತದೆ. ಆದಷ್ಟು ಮಳೆಗಾಲದಲ್ಲಿ ಹೇರ್ ಡ್ರೈಯರ್ ನಿಮ್ಮ ಬಳಿ ಇರುವಂತೆ ನೋಡಿಕೊಳ್ಳಬೇಕು. ಮಲಗುವ ಮುನ್ನ ನೆತ್ತಿಯ ಭಾಗದಲ್ಲಿರುವ ತೇವಾಂಶವನ್ನು ಡ್ರೈಯರ್ ಮೂಲಕ ಒಣಗಿಸಿಕೊಳ್ಳಿ. ಇಲ್ಲವಾದರೆ ಶಿಲೀಂಧ್ರದಂತಹ ಸೋಂಕು ಹರಡುವ ಸಾಧ್ಯತೆ ಇರುತ್ತದೆ.