ಕೂದಲು ಉದುರುತ್ತಿದೆಯೇ? ಮೆಂತೆ ಹಾಗೂ ಕರಿಬೇವಿನಿಂದ ಈ ರೀತಿ ಟ್ರೈ ಮಾಡಿದ್ದೀರಾ?

ಕೂದಲಿಗೆ ಮೆಂತೆಯ ಪ್ರಯೋಜನಗಳು

* ಕೂದಲು ಉದುರುವುದನ್ನು ತಡೆಗಟ್ಟುತ್ತದೆ ಹಾಗೂ ಕೂದಲು ಮಂದವಾಗಿ ಬೆಳೆಯುವಂತೆ ಮಾಡುತ್ತದೆ.

* ಇದರಲ್ಲಿ ಫ್ಲೇವೋನಾಯ್ಡ್, ಆ್ಯಂಟಿಆಕ್ಸಿಡೆಂಟ್‌ ಅಂಶವಿದ್ದು, ಫೋಲಿಕ್ಲಿಸ್ ಅಂಶವಿದ್ದು ಇದು ಕೂದಲಿನ ಬುಡವನ್ನು ಬಲಪಡಿಸುತ್ತದೆ.

* ಅಲ್ಲದೆ ಇದು ಕೂದಲು ಡ್ರೈಯಾಗುವುದನ್ನು ತಪ್ಪಿಸುತ್ತದೆ ಹಾಗೂ ಕೂದಲಿಗೆ ಹೊಳಪು ಉಂಟಾಗುವುದು.

ಕರಿಬೇವಿನ ಗುಣಗಳು

* ಇದರಲ್ಲಿ ಆ್ಯಂಟಿಆಕ್ಸಿಡೆಂಟ್‌ ಅಂಶವಿದ್ದು ಇದು ಕೂದಲಿನಲ್ಲಿರುವ ಕಶ್ಮಲವನ್ನು ತೊಡೆದು ಹಾಕುತ್ತದೆ.

* ಇದರಲ್ಲಿರುವ ಬೀಟಾ ಕೆರೋಟಿನ್ ಕೂದಲನ್ನು ಬಲಪಡಿಸುತ್ತದೆ

* ಅಲ್ಲದೆ ಕೂದಲಿನ ಬುಡದಲ್ಲಿ ತುರಿಕೆ ಕಡಿಮೆ ಮಾಡುತ್ತದೆ.

ಮೆಂತೆ ಹಾಗೂ ಕರಿಬೇವಿನಿಂದ ಕೂದಲು ತೊಳೆಯುವ ನೀರು ಮಾಡುವುದು ಹೇಗೆ?

ಬೇಕಾಗುವ ಸಾಮಗ್ರಿ

1/4 ಕಪ್ ಮೆಂತೆ ಬೀಜ, 20 ಕರಿಬೇವಿನ ಎಲೆ

ಮಾಡುವ ವಿಧಾನ

ಮೆಂತೆಯನ್ನು ಪುಡಿ ಮಾಡಬೇಕು, ಕರಿಬೇವನ್ನು ಕೂಡ ಕೈಯಿಂದ ಹಿಸುಕಿ ಅಥವಾ ಮಿಕ್ಸಿಯಲ್ಲಿ ಹಾಕಿ ಒಂದು ರೌಂಡ್‌ ರುಬ್ಬಿದರೆ ಆಗುತ್ತೆ.

* ಈಗ ನೀರನ್ನು ಕುದಿಸಿ.

* ಈಗ ಕುದಿಯುವ ನೀರಿಗೆ ಈ ಎರಡು ಮಿಶ್ರಣ ಹಾಕಿ 5 ನಿಮಿಷ ಬಿಡಿ.

* ನಂತರ ತಣ್ಣಗಾಗಲು ಬಿಡಿ.

* ನಂತರ ಸೋಸಿ ಆ ನೀರನ್ನು ಒಂದು ಬಾಟಲಿನಲ್ಲಿ ಹಾಕಿಡಿ.

ಬಳಸುವುದು ಹೇಗೆ

* ನಿಮ್ಮ ತಲೆಯನ್ನು ಶ್ಯಾಂಪೂ ಹಚ್ಚಿ ತೊಳೆದ ಬಳಿಕ ನಂತರ ನೀರು ಹಾಕಿ ತೊಳೆಯಿರಿ.

* ನಂತರ ಈ ನೀರನ್ನು ತಲೆಗೆ ಹಾಕಿ. ನಂತರ ತಲೆ ಒರೆಸಿ ಕೂದಲು ಒಣಗಿಸಬಹುದು.

* ನಿಮಗೆ ಈ ನೀರನ್ನು ತಲೆಗೆ ಹಾಕಿದ ಬಳಿಕ ಒಂದು ಮಗ್ ನೀರು ಹಾಕ ಬಯಸುವುದಾದರೆ ಸರಿ, ಆದರೆ ಈ ನೀರು ಹಾಕಿದ ಬಳಿಕ ಕೂದಲಿಗೆ ಶ್ಯಾಂಪೂ ಹಚ್ಚಬೇಡಿ.

ಈ ವಿಧಾನ ವಾರದಲ್ಲಿ2-3 ಬಾರಿ ಮಾಡುತ್ತಾ ಬನ್ನಿ ಸೊಗಸಾದ ಕೂದಲಿನ ಸೌಂದರ್ಯವನ್ನು ಪಡೆಯಬಹುದು.