ತಲೆ ಕೂದಲಿನ ಹೇನಿನ ಸಮಸ್ಯೆಗೆ ಪರಿಹಾರ ಹೇಗೆ?

ಹೇನು ಎಷ್ಟು ಸಾಮಾನ್ಯವಾಗಿರುವುದು?

ಜಗತ್ತಿನಾದ್ಯಂತ ಶೇ.2ರಷ್ಟು ಜನರು ಮಾತ್ರ ಹೇನಿನ ಸಮಸ್ಯೆಗೆ ಒಳಗಾಗುವರು. ಇಂಗ್ಲೆಂಡ್ ನಲ್ಲಿ ಈ ಸಮಸ್ಯೆಗೆ ಒಳಗಾಗುವವರ ಪ್ರಮಾಣವು ಇಂದಿನ ದಿನಗಳಲ್ಲಿ ಗಣನೀಯವಾಗಿ ಕುಸಿತಕ್ಕೆ ಒಳಗಾಗುತ್ತಿದೆ. ಇಲ್ಲಿನ ಆರೋಗ್ಯ ಕೇಂದ್ರಗಳಲ್ಲಿ ವರ್ಷಕ್ಕೆ 2000ಕ್ಕಿಂತಲೂ ಕಡಿಮೆ ಪ್ರಕರಣಗಳು ಕಂಡುಬರುತ್ತಿದೆ. ಸಲಹೆಗಾಗಿ ಜನರು ವೈದ್ಯರಲ್ಲಿಗೆ ತೆರಳುತ್ತಾರೆಯಾ ಅಥವಾ ಮಾರುಕಟ್ಟೆಯಲ್ಲಿ ಸಿಗುವಂತಹ ಔಷಧಿಗಳನ್ನು ಬಳಸಿಕೊಂಡು ಸ್ವ ಚಿಕಿತ್ಸೆ ಮಾಡಿಕೊಳ್ಳುತ್ತಾರೆಯಾ ಎನ್ನುವುದು ಇಲ್ಲಿ ಪರಿಗಣಿಸಲಾಗಿಲ್ಲ.

ಇದರ ಲಕ್ಷಣಗಳು ಏನು?

ಇದರ ಲಕ್ಷಣಗಳು ಕಾಣಿಸಿಕೊಳ್ಳಲು ಐದರಿಂದ ಕೆಲವು ವಾರಗಳು ಬೇಕಾಗುವುದು ಮತ್ತು ಕೆಲವು ಜನರಿಗೆ ಇದರಿ ಲಕ್ಷಣಗಳು ಕಂಡು ಬರುವುದೇ ಇಲ್ಲ. ಇದರ ಕೆಲವು ಸಾಮಾನ್ಯ ಲಕ್ಷಣಗಳು ಈ ಕೆಳಗಿನಂತಿವೆ. ತೀವ್ರ ತುರಿಕೆ, ಅದರಲ್ಲೂ ಹೇನು ಇರುವ ಜಾಗದಲ್ಲಿ. ಒಳ ಉಡುಪಿನಲ್ಲಿ ಕಪ್ಪು ಪುಡಿಯಂತಹ ಅಂಶ ಕಾಣಿಸುವುದು. ಹೇನಿನಿಂದ ಉಂಟಾಗಿರುವ ಕಡಿತದಿಂದಾಗಿ ದೇಹದಲ್ಲಿ ಕೆಂಪು ಅಥವಾ ನೀಲಿ ಬಣ್ಣದ ಕಲೆಗಳು ಕಾಣಿಸಿ ಕೊಳ್ಳುವುದು.ತುಂಬಾ ಸಾಮಾನ್ಯವಾಗಿರುವ ಮತ್ತು ಹೆಚ್ಚು ನಿಮ್ಮ ಗಮನಕ್ಕೆ ಬರುವಂತಹ ಅಂಶವೆಂದರೆ ಅದು ತುರಿಕೆ. ಹೇನಿನ ಜೊಲ್ಲಿನಿಂದಾಗಿ ಇದು ಪ್ರತಿಕ್ರಿಯೆ ನೀಡುವುದು. ಇದು ರಾತ್ರಿ ವೇಳೆ ಹೆಚ್ಚು ಕಾಡುವುದು. ಯಾಕೆಂದರೆ ಹೇನುಗಳು ರಾತ್ರಿ ವೇಳೆ ಚಟುವಟಿಕೆಯಲ್ಲಿ ಇರುವುದು.

ಪರಾವಲಂಬಿ ಜೀವಿಗಳು ಯಾವ ರೀತಿಯಲ್ಲಿ ಕಾಣಿಸುವುದು?

ಇವುಗಳನ್ನು ಪತ್ತೆ ಮಾಡಲು ತುಂಬಾ ಕಷ್ಟವಾಗಿರುವುದು. ಯಾಕೆಂದರೆ ಇವುಗಳು ಸಂಪೂರ್ಣವಾಗಿ ಬೆಳೆಗಾದ ಕೇವಲ 2 ಮಿ.ಮೀ. ಉದ್ದವಾಗಿರುವುದು. ಇವುಗಳು ಕೆಂಪು ಬಣ್ಣ ದ್ದಾಗಿರುವುದು ಅಥವಾ ಕಪ್ಪು/ಹಳದಿ ಬಣ್ಣದಲ್ಲಿ ಇರುವುದು ಮತ್ತು ಆರು ಕಾಲುಗಳು ಇವುಗಳಿಗೆ ಇರುವುದು. ಇವುಗಳನ್ನು ಏಡಿಗಳು ಎಂದು ಕರೆಯಲಾಗುತ್ತದೆ. ಯಾಕೆಂದರೆ ಎದುರಿನ ಎರಡು ಕಾಲುಗಳು ಏಡಿಯಂತೆ ದೊಡ್ಡದಾಗಿರುವುದು. ಈ ಕಾಲುಗಳನ್ನು ಬಳಸಿಕೊಂಡು ಕೂದಲನ್ನು ಸರಿಸುವುದು. ಸಾಮಾನ್ಯವಾಗಿ ಹೆಣ್ಣು ಹೇನುಗಳು ಮೊಟ್ಟೆಗಳನ್ನು ಇಡುವುದು ಮತ್ತು ಈ ಮೊಟ್ಟೆಗಳ ಆಕಾರವು ಒಂದು ಪಿನ್ ನ ತಲೆಯಷ್ಟು ದೊಡ್ಡದಾಗಿರುವುದು. ಇದು ಕೂದಲಿಗೆ ಅಂಟಿಕೊಂಡಿರುವುದು. ಮೊಟ್ಟೆಗಳು ಒಡೆಯುವ ತನಕ ಕಂದು ಬಣ್ಣದಲ್ಲಿ ಇರುವುದು. ಇದು ಒಡೆದ ಬಳಿಕ ಬಿಳಿ ಬಣ್ಣಕ್ಕೆ ತಿರುಗುವುದು.

ಹೇನಿಗೆ ಚಿಕಿತ್ಸೆ ಏನು?

ಹೇನುಗಳು ಸಾಮಾನ್ಯವಾಗಿರುವುದು ಮತ್ತು ಇದಕ್ಕೆ ಸುಲಭವಾಗಿ ಚಿಕಿತ್ಸೆ ಮಾಡಿಕೊಳ್ಳಬಹುದು. ಇದಕ್ಕೆ ಯಾವುದೇ ಚಿಂತೆ ಮಾಡಬೇಕಾಗಿಲ್ಲ. ಇಂತಹ ಪರಿಸ್ಥಿತಿ ಬಗ್ಗೆ ತಿಳಿದಿದ್ದರೆ ಆಗ ಲೈಂಗಿಕ ಕೇಂದ್ರಗಳು ಬೇಗನೆ ಚಿಕಿತ್ಸೆ ನೀಡುವರು. ಇಲ್ಲವಾದಲ್ಲಿ ನೀವು ಹೋಗಿ ಯಾವುದೇ ಮೆಡಿಕಲ್ ಅಥವಾ ಸಾಮಾನ್ಯ ವೈದ್ಯರಿಂದಲೂ ಇದಕ್ಕೆ ಚಿಕಿತ್ಸೆ ಪಡೆದುಕೊಳ್ಳಬಹುದು.

ಕೂದಲನ್ನು ಕತ್ತರಿಸಿಕೊಂಡು ನೀವು ಹೇನು ಹೋಗುತ್ತದೆ ಎಂದು ಭಾವಿಸಬೇಡಿ

ಕೂದಲನ್ನು ಕತ್ತರಿಸಿಕೊಂಡು ನೀವು ಹೇನು ಹೋಗುತ್ತದೆ ಎಂದು ಭಾವಿಸಬೇಡಿ. ಯಾಕೆಂದರೆ ಇದು ಚಿಕಿತ್ಸೆ ನೀಡದೆ ಖಂಡಿತ ವಾಗಿಯೂ ಹೋಗದು. ನೀವು ಕೂದಲು ಕತ್ತರಿಸಿಕೊಂಡರೆ ಅದು ಹೋಗುವುದಿಲ್ಲ. ಸಣ್ಣ ಕೂದಲು ಕೂಡ ಅವುಗಳಿಗೆ ಮೊಟ್ಟೆಯನ್ನು ಇಡಲು ಸಾಕಾಗುವುದು. ಕೆಲವೊಂದು ಚಿಕಿತ್ಸೆಯನ್ನು ನಿಮ್ಮ ಸಂಪೂರ್ಣ ದೇಹಕ್ಕೆ ಅಳವಡಿಸಿ ಕೊಳ್ಳಬಹುದು. ಇದರಲ್ಲಿ ಮುಖ್ಯವಾಗಿ ಮೀಸೆ, ಗಡ್ಡೆ ಅಥವಾ ಗುಪ್ತಾಂಗದ ಭಾಗದಲ್ಲಿ ಇರುವಂತಹ ಕೂದಲಿಗೆ. ಯಾಕೆಂದರೆ ಈ ಭಾಗದಲ್ಲಿ ಹೇನು ಬೇಗನೆ ಪ್ರಸಾರವಾಗುವುದು. ಮುಖ, ತಲೆ ಅಥವಾ ಕಣ್ಣಿನ ಭಾಗವನ್ನು ಕಡೆಗಣಿಸಿ. ಚೂಪಾದ ಬಾಚಣಿಗೆಯಿಂದ ನೀವು ಕೂದಲನ್ನು ಬಾಚಿಕೊಳ್ಳಿ ಮತ್ತು ಸುಮಾರು 12-24 ಗಂಟೆಗಳ ಕಾಲ ಚಿಕಿತ್ಸೆಯು ಇರಲಿ(ನಿಮಗೆ ಸೂಚಿಸಿದಂತೆ) ಮತ್ತು ಪ್ರತೀ ಏಳು ದಿನಕ್ಕೆ ಒಮ್ಮೆ ಇದನ್ನು ಪುನರಾವರ್ತಿಸಿ.

ಕಣ್ಣಿನ ರೆಪ್ಪೆಗಳಲ್ಲಿ ಹೇನುಗಳು ಇದ್ದರೆ

ಕಣ್ಣಿನ ರೆಪ್ಪೆಗಳಲ್ಲಿ ಹೇನುಗಳು ಇದ್ದರೆ ಆಗ ನೀವು ಅದಕ್ಕೆ ಮನೆಯಲ್ಲೇ ಚಿಕಿತ್ಸೆ ನೀಡಲು ಹೋಗಬೇಡಿ. ನೀವು ಆಗ ವೈದ್ಯರನ್ನು ಭೇಟಿಯಾಗಿ ಚಿಕಿತ್ಸೆ ಪಡೆಯಿರಿ. ಅವರು ಕಣ್ಣಿಗಾಗಿ ವಿಶೇಷವಾಗಿರುವ ಕ್ರೀಮ್ ನೀಡಬಹುದು.ಚಿಕಿತ್ಸೆ ನೀಡಿದರೂ ಕೆಲವೊಂದು ಸಲ ಹೇನುಗಳು ಮತ್ತೆ ಬಂದು ಒಕ್ಕರಿಸಿಕೊಳ್ಳುವುದು. ಇಂತಹ ಸಮಯದಲ್ಲಿ ಎರಡನೇ ಸಲವೂ ನಿಮಗೆ ಚಿಕಿತ್ಸೆ ಬಳಿಕ ಹೇನು ಕಾಣಿಸಿಕೊಂಡರೆ ಆಗ ನೀವು ವೈದ್ಯರು ಅಥವಾ ಲೈಂಗಿಕ ಆರೋಗ್ಯ ಕೇಂದ್ರಕ್ಕೆ ಭೇಟಿ ನೀಡಿ. ನೀವು 18ರ ಕೆಳಹರೆಯದವರು ಆಗಿದ್ದರೆ, ಗರ್ಭಿಣಿ ಅಥವಾ ಬಾಣಂತಿಯಾಗಿದ್ದರೆ ನೀವು ಸ್ವ ಚಿಕಿತ್ಸೆ ಮಾಡಿಕೊಳ್ಳಲು ಹೋಗಬೇಡಿ. ವೈದ್ಯರಿಂದ ಸಲಹೆ ಅಗತ್ಯವಾಗಿ ಪಡೆಯಿರಿ. ನಿಮಗೆ ಪದೇ ಪದೇ ತುರಿಕೆ ಕಾಣಿಸಿಕೊಳ್ಳುತ್ತಾ ಇದ್ದರೆ ಆಗ ನೀವು ಆಂಟಿಹಿಸ್ಟಮೈನ್ ಗಳನ್ನು ತೆಗೆದುಕೊಳ್ಳಿ. ಇದರಿಂದ ತುರಿಕೆ ಲಕ್ಷಣಗಳು ಕಡಿಮೆಯಾಗುವುದು

ಹೇನು ಮರಳಿ ಬರದಂತೆ ಯಾವ ಚಿಕಿತ್ಸೆ ನೀಡಬೇಕು?

ನೀವು ಚಿಕಿತ್ಸೆ ಪಡೆಯುವ ಜತೆಗೆ ಮನೆಯಲ್ಲಿ ಇರುವ ಬೇರೆ ಯಾರಾದರೂ ಎಲ್ಲಾ ಬೆಡ್ ಶೀಟ್ ಮತ್ತು ಟವೆಲ್ ಗಳನ್ನು ಬಿಸಿ ನೀರಿನಲ್ಲಿ(50 ಡಿಗ್ರಿ ಅಥವಾ ಅದಕ್ಕಿಂತ ಹೆಚ್ಚು) ಹಾಕಿಡಿ. ಒಗೆಯಲು ಕಷ್ಟವಾಗಿದ್ದರೆ ಆಗ ನೀವು ಇದನ್ನು ಪ್ಲಾಸ್ಟಿಕ್ ಬ್ಯಾಗ್ ನಲ್ಲಿ ಹಾಕಿಡಿ. ಇದರಿಂದಲೂ ಹೇನು ಸಾಯುವುದು. ನೀವು ಅಥವಾ ನಿಮ್ಮ ಸಂಗಾತಿ ಸಂಪೂರ್ಣವಾಗಿ ಇದರಿಂದ ಮುಕ್ತಿ ಪಡೆಯುವ ತನಕ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳಬೇಡಿ.