ಕೂದಲು ಸೊಂಪಾಗಿ ಬೆಳೆಯಲು 'ಕಪ್ಪು ಬೀಜದ ಎಣ್ಣೆ' ಬಳಸಿ

ಕೂದಲಿಗೆ ಕಪ್ಪು ಬೀಜದ ಎಣ್ಣೆಯ ಲಾಭಗಳು

ಕಪ್ಪು ಬೀಜದ ಎಣ್ಣೆಯಿಂದ ಹಲವಾರು ರೀತಿಯ ಲಾಭಗಳು ಇವೆ. ಅವುಗಳನ್ನು ಈ ಕೆಳಗೆ ಪಟ್ಟಿ ಮಾಡಲಾಗಿದೆ.

•ಇದು ಕೂದಲಿನ ಬೆಳವಣಿಗೆ ಉತ್ತೇಜಿಸುವುದು ಮತ್ತು ಬಲಿಷ್ಠ ಹಾಗೂ ದಪ್ಪಗಿನ ಕೂದಲು ನೀಡುವುದು.

•ಕೂದಲಿನ ಕಿರುಚೀಲಗಳನ್ನು ಬಲಪಡಿಸುವುದರೊಂದಿಗೆ ಇದು ತಲೆಬುರುಡೆಯ ಆರೋಗ್ಯವನ್ನು ಕಾಪಾಡುವುದು.

•ಇದು ಉರಿಯೂತ ಶಮನಕಾರಿ, ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಶಿಲೀಂಧ್ರ ವಿರೋಧಿ ಗುಣಗಳು ಇವೆ. ತಲೆಬುರುಡೆಗೆ ಆಗುವ ಸೋಂಕು ಮತ್ತು ಕಿರಿಕಿರಿಯನ್ನು ಇದು ನಿವಾರಣೆ ಮಾಡುವುದು.

•ಇದು ತಲೆಬುರುಡೆಗೆ ಆಳವಾಗಿ ಮೊಶ್ಚಿರೈಸ್ ಮತ್ತು ಪೋಷಣೆ ನೀಡುವುದು.

•ಕೂದಲು ಉದುರುವುದನ್ನು ತಡೆಯುವುದು.

•ಕೂದಲು ಅಕಾಲಿಕವಾಗಿ ಬಿಳಿಯಾಗುವುದನ್ನು ತಡೆಯುವುದು.

•ಕೂದಲನ್ನು ನಯ, ಮೃದು ಮತ್ತು ನಿರ್ವಹಿಸಲು ಸುಲಭವಾಗಿಸುವುದು.

•ಕೂದಲಿಗೆ ಯಾವುದೇ ರೀತಿಯ ಹಾನಿಯನ್ನು ತಡೆಯುವುದು.

ಕೂದಲಿನ ಬೆಳವಣಿಗೆಗೆ ಕಪ್ಪು ಬೀಜದ ಎಣ್ಣೆಯನ್ನು ಬಳಸುವುದು ಹೇಗೆ?

ಬೇಕಾಗುವ ಸಾಮಗ್ರಿಗಳು

•2 ಚಮಚ ಕಪ್ಪುಬೀಜದ ಎಣ್ಣೆ

•1 ಚಮಚ ತೆಂಗಿನೆಣ್ಣೆ

•1 1/2 ಚಮಚ ಆಲಿವ್ ತೈಲ

•1 ಚಮಚ ಹರಳೆಣ್ಣೆ

•1 ಚಮಚ ಲಿಂಬೆರಸ

•1 ಚಮಚ ಜೇನುತುಪ್ಪ

ವಿಧಾನ

•ಒಂದು ಪಿಂಗಾಣಿಯಲ್ಲಿ ಕಪ್ಪುಬೀಜದ ಎಣ್ಣೆಯೊಂದಿಗೆ ತೆಂಗಿನೆಣ್ಣೆ ಮತ್ತು ಆಲಿವ್ ತೈಲವನ್ನು ಹಾಕಿಕೊಳ್ಳಿ. ಎಲ್ಲವನ್ನು ಜತೆಯಾಗಿ ಮಿಶ್ರಣ ಮಾಡಿ.

•ಇದಕ್ಕೆ ಹರಳೆಣ್ಣೆ ಹಾಕಿಕೊಂಡು ಮತ್ತೆ ಮಿಶ್ರಣ ಮಾಡಿ. ಹರಳೆಣ್ಣೆಯು ಜಿಗುಟಾಗಿರುವುದು. ಇದರಿಂದ ಮಿಶ್ರಣವು ಕೂಡ ಜಿಗುಟಾಗುವುದು. ಕೂದಲಿನ ಬೆಳವಣಿಗೆಗೆ ಇದು ತುಂಬಾ ಒಳ್ಳೆಯದು.

•ಈ ಮಿಶ್ರಣಕ್ಕೆ ಜೇನುತುಪ್ಪ ಹಾಕಿಕೊಂಡು ಬಳಿಕ ಸರಿಯಾಗಿ ಬ್ಲೆಂಡ್ ಮಾಡಿಕೊಳ್ಳಿ.

•ಅಂತಿಮವಾಗಿ ಲಿಂಬೆರಸ ಹಾಕಿಕೊಂಡು ಬಳಿಕ ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

•ಒಳ್ಳೆಯ ಪ್ರಮಾಣದಲ್ಲಿ ಈ ಮಿಶ್ರಣವನ್ನು ತೆಗೆದುಕೊಂಡು ಇದನ್ನು ತಲೆಬುರುಡೆಗೆ ಹಚ್ಚಿಕೊಳ್ಳಿ ಮತ್ತು ಬೆರಳುಗಳನ್ನು ಬಳಸಿಕೊಂಡು ಸರಿಯಾಗಿ ಮಸಾಜ್ ಮಾಡಿ. 20 ನಿಮಿಷ ಕಾಲ ಮಸಾಜ್ ಮಾಡಿ ಮತ್ತು ತಲೆಬುರುಡೆ ಹಾಗೂ ಕೂದಲಿನಲ್ಲಿ ಇದು ಮುಂದಿನ 10-15 ನಿಮಿಷ ಕಾಲ ಹಾಗೆ ಇರಲಿ. ಇದರ ಬಳಿಕ ನೀವು ಬಳಸುವಂತಹ ಶಾಂಪೂ ಹಾಗೂ ಕಂಡೀಷನರ್ ಬಳಸಿಕೊಂಡು ತೊಳೆಯಿರಿ.

•ಉತ್ತಮ ಫಲಿತಾಂಶ ಸಿಗಬೇಕಾದರೆ ನೀವು ಇದನ್ನು ವಾರದಲ್ಲಿ ಎರಡು ಸಲ ಬಳಸಿ.

ಇದು ಹೇಗೆ ಕೆಲಸ ಮಾಡುವುದು?

•ಕಪ್ಪು ಬೀಜದ ಎಣ್ಣೆಯು ಕೂದಲಿನ ಕಿರುಚೀಲಗಳನ್ನು ಉತ್ತೇಜಿಸುವುದು ಮತ್ತು ಕೂದಲನ್ನು ಬಲಿಷ್ಠವಾಗಿಸುವುದು. ಇದು ಕೂದಲಿಗೆ ಬೇಕಾಗಿರುವಂತಹ ಪ್ರಮುಖ ಪೋಷಕಾಂಶಗಳನ್ನು ನೀಡುವುದು.

•ತೆಂಗಿನೆಣ್ಣೆಯಲ್ಲಿ ನೈಸರ್ಗಿಕವಾಗಿ ನುಗ್ಗುವಿಕೆ ಗುಣವು ಇರುವ ಕಾರಣದಿಂದಾಗಿ ಇದು ತಲೆಬುರುಡೆ ಮತ್ತು ಕೂದಲಿನ ಬುಡದವರೆಗೆ ತಲುಪುವುದು ಮತ್ತು ಬೇಕಾಗಿರುವಂತಹ ಪೋಷಣೆ ನೀಡುವುದು.

•ಹರಳೆಣ್ಣೆಯು ಕೂದಲಿನ ಬೆಳವಣಿಗೆಗೆ ನೆರವಾಗುವಂತಹ ಮತ್ತೊಂದು ಎಣ್ಣೆಯಾಗಿದೆ. ಇದು ಕೂದಲನ್ನು ದಪ್ಪ ಮಾಡುವುದು ಮತ್ತು ಕೂದಲು ಉದುರುವಿಕೆ ತಡೆಯುವುದು.

ಇದು ಹೇಗೆ ಕೆಲಸ ಮಾಡುವುದು?

•ಆಲಿವ್ ತೈಲವು ಕೂದಲನ್ನು ಕಂಡೀಷನ್ ಮಾಡುವ ಗುಣ ಹೊಂದಿದೆ ಮತ್ತು ಇದು ಕೂದಲನ್ನು ನಯ ಹಾಗೂ ರೇಷ್ಮೆಯಂತೆ ಹೊಳೆಯುವಂತೆ ಮಾಡುವುದು. ಇದು ಕೂದಲು ತುಂಡಾಗುವುದು ಮತ್ತು ಒಡೆದ ತುದಿಗಳಿಂದ ರಕ್ಷಿಸುವುದು.

•ವಿಟಮಿನ್ ಸಿ ಯಿಂದ ಸಮೃದ್ಧವಾಗಿರುವಂತಹ ಲಿಂಬೆರಸವು ತಲೆಬುರುಡೆಯಲ್ಲಿ ಕಾಲಜನ್ ಮಟ್ಟವನ್ನು ಕಾಪಾಡುವುದು ಮತ್ತು ತಲೆಬುರುಡೆಯಲ್ಲಿ ಪಿಎಚ್ ಮಟ್ಟವನ್ನು ಕಾಪಾಡುವುದು. ಇದರಿಂದ ಕೂದಲು ಉದುರುವಿಕೆ ತಪ್ಪುವುದು ಮತ್ತು ಕೂದಲಿನ ಬೆಳವಣಿಗೆಯಾಗುವುದು.

•ಜೇನುತುಪ್ಪವು ಮೊಶ್ಚಿರೈಸ್ ಕಡಿಮೆಯಾಗದಂತೆ ನೋಡಿಕೊಳ್ಳುವುದು ಮತ್ತು ಕಂಡೀಷನ್ ಮಾಡುವುದು. ಇದರಿಂದ ಆರೋಗ್ಯ ಕಾಪಾಡುವುದು.